Filipaiebi 2:28 - EBƆRƐ BE KAWƆL

²⁸ Amoso, naniere k baa wɔ ma kagbene to nna nɛnɛ n ti so fanɛ n shin nɛ e ba menyi kutɔ. Saŋɛ na so, men kaŋ wu mo, men be ŋgbene beeŋ naŋ dese menyi nɛ ma alɛ gbagba be kafɔŋ e lar ma to.

Filipaiebi 2:28 ပူးပေါင်းရင်းမြစ်များ

Jɛnesis 48:11

Kumo be kaman nɛ Jeekɔb kaŋɛ mo pibi Josɛf le: “N daa maŋ naŋ fɛ fanɛ meeŋ naŋ wu fo kikɛ, ama naniere Ebɔrɛ shin nɛ n wu fo nɛ fo mbia gba kuraa!”

Baru lela nɛ Jɔn kute na 16:22

To, loŋ nɛ k du n sa menyi alɛ gba. Naniere bre, men be ŋgbene jija menyi nna, ama a wora gbrɛ, meeŋ naŋ wu menyi nɛ menyi be ŋgbene e fuli menyi nɛ esa kikɛ malɛ maaŋ tiŋ n lara loŋ be kagbenefuli na ashi menyi to.

Ashuŋ Shunso 20:38

Kusɔ nɛ k daŋ baa jija bumo be ŋgbene ga e daa la kananɛ e kaŋɛ fanɛ b maaŋ naŋ wu mo kikɛ na. Ade be kaman nɛ b shuŋi mo n lar ekpa n yɔ ekuloŋgboŋ nɛ e beeŋ luri na akpa.

2 Kɔrintebi 2:3

N daŋ sibɛ kawɔl na n sa menyi nna, saŋɛ na so, ŋ kaŋ ba, menyi basa nɛ baaŋ shin nɛ ma kagbene e fuli ma na maaŋ jija ma kagbene, ŋkpal manɛ so, m baa kɔ menyi kikɛ be yirda fanɛ ma kagbenefuli la menyi kikɛ be kagbenefuli nna.

Filipaiebi 2:29

Amoso, men ta kagbenefuli kikɛ n sɔ mo fanɛ ekurgepo ashi Enyɛnpe to. Ekama malɛ nɛ e du fanɛ mo, men sa amodoŋwura bunyaŋ, ŋkpal manɛ so, a daŋ ka gbrɛbi nɛ e wu ŋkpal Kristo be kushuŋ na so.

2 Timoti 1:4

M baŋ nyiŋi fo anishichubi na be asheŋ, m baa sha kewu fo nna nɛ ma kagbene e fuli ma.