Filipaiebi 2:21 - EBƆRƐ BE KAWƆL

²¹ Bumo nɛ b ka na kikɛ be ekama wɔtɔ nna a de mo gbagba nawule be asheŋ so, ekama maŋ de Kristo be asheŋ so.

Filipaiebi 2:21 ပူးပေါင်းရင်းမြစ်များ

2 Bewura 12:6

Ama Jɔash ka ji kuwura be nfɛ adunyɔ nɛ asa kikɛ to nɛ bɔrɛmatapoana maŋ naŋ lɔŋɛ bɔrɛlambu na.

Aizaaya 56:11

Bejuŋkparpo na du fanɛ njɔnɔ nɛ baa sha ajibi ga nna. B maa ji a moɛ kikɛ. Bumo alɛ maa pin asheŋ to nsaa wɔtɔ a wora asheŋ nɛ a bee par bumo nawule.

Malakai 1:10

Enyɛnpetale yɛ: “Men be eko daŋ ti ma bɔrɛlambu na be akuloŋ k daa beeŋ par ma. Saŋɛ na so men maaŋ baa jija saŋɛ a lara esarga chɔɔso fuloŋ a deŋi ma bɔrɛsure so, ŋkpal manɛ so ma kagbene maŋ fuli menyi so. Hale men ta men be esarga m ba sa ma gba, meeŋ kini amo.

Matiu 16:24

Kede be kaman nɛ Yesu kaŋɛ mbe bebɛsopo na: “Ekama nɛ e bee sha kebɛ ma so, a daga e ka teŋ mbe kumu so nseŋ sulɔ mbe kedibi largato m bɛ ma so.

Luuk 14:26

“Esa kama nɛ e ba ma kutɔ nsaa maŋ kishi mo tuto gbagba nɛ mo nio nɛ mbe eche nɛ bibi nɛ besiponyɛnana nɛ besipocheana hale mo gbagba be kumu be aparsheŋ, e maaŋ tiŋ a la ma ebɛsopo.

Ashuŋ Shunso 13:13

Ndoŋ nna nɛ Pɔɔl nɛ mo braana luri ekuloŋgboŋ to ashi Pafɔs n ta n ya fo Pɛga nɛ k wɔ Pamfilia na. Nɛ Jɔn Maak ba yige bumo ndoŋ nseŋ bɛta n yɔ Jerusalɛm.

Ashuŋ Shunso 15:38

Nɛ Pɔɔl yɛ loŋ maŋ daga, ŋkpal manɛ so, Jɔn Maak daa maŋ tu bumo n loge bumo be sososo be kushuŋ nɛ b daŋ ba to na nseŋ yili Pamfilia n yige bumo nseŋ bɛta n yɔ epe.

1 Kɔrintebi 10:24

Esa kama e sa maa fin mo gbagba nawule be kelela, a daga fanɛ e baa fin basa pɔtɛ peya.

1 Kɔrintebi 10:33

Kusɔ nɛ ma ere bee wora nde: Kusɔ kama nɛ mee wora, mee wora ania nna nɛ k par ekama ŋkaa maa fɛ ŋ gbagba be kumu so so, ekama be kumu so nɛ mee wora loŋ, saŋɛ na so baaŋ nya kumɔlga.

1 Kɔrintebi 13:5

Esa nɛ e kɔ kasha maa fin mo gbagba nawule be kelela. Kasha wɔ esa to e maa nya agbo manaŋ manaŋ, mo alɛ maa ta alubi nɛ esa wora mo a wɔtɔ kagbene to.

2 Kɔrintebi 1:5

Ŋkpal manɛ so, kananɛ an baa tu Kristo a ji mbe awurfoŋ damta na, loŋ koŋwule na nɛ anyee bɔla Kristo so a nya keleŋto damta gba.

Filipaiebi 2:4

Men be ekama e sa maa wɔtɔ a de mo gbagba nawule be aparsheŋ so, a daga fanɛ e baa de mo braana gba be aparsheŋ so.

2 Timoti 1:15

Fo nyi fanɛ Eeshia be efuli so ebi kikɛ hale Figɛles nɛ Hɛmɔjines gba yige ma n to ŋko?

2 Timoti 3:2

Kumo be jemanɛ na so, basa beeŋ baa sha bumo nawule be amu nɛ amansherbi nsaa kɔ mpuchi damta nɛ kamoowu. Baaŋ baa kɔ nfɛl nsaa kini kenu n sa bumo tutoana nɛ bumo nioana nsaa la ebutuli a wɔtɔ a kplaŋ abɔrɛsheŋ so.

2 Timoti 4:10

Diimas bre luri durnya to be ayɛlgasɔ to nseŋ shile ma n yɔ Tɛsalɔnika. Krɛsent yɔ Galeesha nɛ Taites malɛ yɔ Dalmeesha.

2 Timoti 4:16

Kachɛ nɛ n fara m malga nɛ m mɔlga ma kumu na, ekama shile ma nna. Ebɔrɛ e ta m paŋ bumo.