Filipaiebi 2:2 - EBƆRƐ BE KAWƆL

² men baa kɔ loŋ be nfɛra koŋwule na a ŋini abar kasha koŋwule na nsaa la basa koŋwule ashi men be ayoyu nɛ nfɛra to nɛ loŋ e fuli ma kagbene nɛnɛ m baŋ so.

Filipaiebi 2:2 ပူးပေါင်းရင်းမြစ်များ

Nshɛ 122:8

Mee kule kayurwushi nna a sa Jerusalɛm ŋkpal ŋ kurgepoana nɛ nteriana so.

Baru lela nɛ Jɔn kute na 3:29

Kejafɔ mo kul e wɔ eche nɛ baa kre kejafɔ na. Kejafɔ mo teri na bre bee kaa yil nna nseŋ kaŋ kusoe a jo saŋɛ nɛ e beeŋ nu mo teri kejafɔ mo kul na be ebɔl nɛ mbe kagbene e fuli mo ga. Le e naa shin nɛ kagbenefuli bee bɔlɔ ma alɛ gba to.

Ashuŋ Shunso 1:14

Bumo kikɛ nɛ beche na nɛ Mɛɛri, Yesu mo nio nɛ Yesu koŋwule na mo sipoana daa wɔtɔ nna a shɛr kɔnɔkoŋwuleso a kule Ebɔrɛ.

Ashuŋ Shunso 2:1

Kachɛgboŋ nɛ baa tre Pɛntekɔst na ka fo nɛ beyirdapoana na kikɛ shɛr kakpa koŋwule.

Ashuŋ Shunso 2:46

Karechɛ kama malɛ b daa shɛr bɔrɛlambu na to nna kɔnɔkoŋwuleso nseŋ naa shɛr abarana pe nchɛ nchɛ a ji ajibi kagbenewushiso nɛ kɔnɔkoŋwuleso nsaa di Ebɔrɛ epaŋ.

Ashuŋ Shunso 5:12

Beshuŋipo na daŋ wora emamachisheŋ nɛ kashenteŋ be etɔɔnɛsheŋ damta basa na to. Beyirdapoana na kikɛ daa shɛr Sɔlɔmɔn be Kedɛdɛ na to nna kɔnɔkoŋwuleso.

Romebi 12:16

Men baa kɔ kɔnɔkoŋwule be kebaawɔtɔ a sa abar. Men sa maa maŋ menyi be amu so, ama men baa bar menyi be amu kaseto a shuli a shuŋ bebɔlpo be ashuŋ a maa fɛ fanɛ men la benyiashempo.

1 Kɔrintebi 1:10

Ŋ kurgepoana, mee ta an Nyɛnpe Yesu Kristo be ketre nna a kule menyi fanɛ men kikɛ e baa kɔ kɔnɔkoŋwule a wɔ abar so, saŋɛ na so kebarga to kikɛ maaŋ baa wɔ menyi to. Men baa kɔ nfɛra koŋwule nsaa wora asheŋ ekpa koŋwuleso.

2 Kɔrintebi 13:11

To, bekurgepoana, Ebɔrɛ e chɛ menyi to. Men baa kɔ a fin kebaawɔtɔ niŋiso. Men baa du fanɛ kananɛ ŋ kule menyi na nsaa kɔ kɔnɔkoŋwule a wɔtɔ nseŋ naa wɔ kagbenewushi to, nɛ kasha nɛ kagbenewushi be Ebɔrɛ na e baa wɔ menyi to.

2 Kɔrintebi 2:3

N daŋ sibɛ kawɔl na n sa menyi nna, saŋɛ na so, ŋ kaŋ ba, menyi basa nɛ baaŋ shin nɛ ma kagbene e fuli ma na maaŋ jija ma kagbene, ŋkpal manɛ so, m baa kɔ menyi kikɛ be yirda fanɛ ma kagbenefuli la menyi kikɛ be kagbenefuli nna.

2 Kɔrintebi 7:7

Ama mannɛ mbe keba nawule so, mbe kubɔya nɛ e bar m ba kaŋɛ kananɛ men leŋ mo to na gba wushi anyi be ŋgbene n ti so. E kaŋɛ anyi kananɛ men baa sha kewu ma be asheŋ, kananɛ men be ŋgbene jija menyi ga be asheŋ nɛ kananɛ men yili ma kaman ŋ kɔ n sa ma be asheŋ. Ade kikɛ so ma kagbene baŋ naŋ fuli ma nna n ti so.

Filipaiebi 1:4

Saŋkama malɛ ashi ma kabɔrɛkule nɛ mee kule a sa menyi kikɛ to, ŋ kɔ kagbenefuli nna a kule a sa menyi kikɛ,

Filipaiebi 2:16

nsaa kɔ ŋkpa be kamalga na to kpakpa. Loŋ malɛ e naaŋ shin nɛ n ji njɔŋ kachɛ nɛ Kristo beeŋ naŋ bɛta m ba na nɛ loŋ malɛ e ŋini fanɛ m maŋ shile kebɛso na to jiga ŋko m pere kenishi n shuŋ jiga.

Filipaiebi 2:20

Mo nawule nɛ ma nɛ mo baa kɔ nfɛra koŋwule nseŋ naa la esa nɛ men be kebaawɔtɔ be asheŋ wɔ mo to fanɛ kananɛ k wɔ ma to na.

Filipaiebi 4:2

Yuodia nɛ Sintiki, men jande, mee kule menyi nna fanɛ men wora ania n lɔŋɛ abar a wɔtɔ fanɛ besipoche nɛ b la Enyɛnpe na peya.

Kɔlɔsiebi 2:5

M baa maa wɔ menyi kutɔ geeŋ, ama men be asheŋ wɔ ma kagbene to ga. Ma kagbene malɛ fuli ma ga ŋkpal ŋ ka nyi men ka kɔ men be amu nɛnɛ nsaa yirda Yesu Kristo na kagbene koŋwuleso.

2 Tɛsalɔnikaebi 2:13

Bekurgepoana, a daga an ka chɔrɔ Ebɔrɛ saŋkama ŋkpal menyi nɛ Enyɛnpe bee sha na so. Ŋkpal manɛ so, Ebɔrɛ fara nna n lara menyi nɛ men nya kumɔlga ashi Kiyoyu Cheeŋ na to nseŋ ki Ebɔrɛ be basa cheembi a wɔ keyirda kashenteŋ na to.

2 Timoti 1:4

M baŋ nyiŋi fo anishichubi na be asheŋ, m baa sha kewu fo nna nɛ ma kagbene e fuli ma.

Failimɔn 1:20

Amoso, ekurgepo, jande kpal Enyɛnpe na so n wora ma kelela. Leŋ ma to fanɛ fo kurgepo ashi Kristo to.

2 Jɔn 1:4

Kowurche, ŋ ka pin fanɛ fo mbia ko wɔ kashenteŋ be kebaawɔtɔ na to fanɛ kananɛ Ebɔrɛ Etuto na nase na, ma kagbene fuli ma paa.

3 Jɔn 1:4

Shɛŋ shɛŋ maa fuli ma kagbene a chɔ kebaanu fanɛ ma mbia wɔ kashenteŋ na be kebaawɔtɔ na to.