Filipaiebi 2:17 - EBƆRƐ BE KAWƆL

¹⁷ Nɛ fanɛ b lara ma ŋklaŋ ere ma to n chulgi amo n wurge n ti men be yirda nɛ men kɔ a deŋi Ebɔrɛ so fanɛ sarga na so gba, k par ma. Ma alɛ beeŋ tu menyi a kɔ kagbenefuli.

Filipaiebi 2:17 ပူးပေါင်းရင်းမြစ်များ

Nɔmbɛs 28:6

Kebeegboŋ nɛ baa tre Sainai na so nɛ b daŋ lara sososo be karechɛ kama be sarga chɔɔso nɛ amo be efɛa bee wora Enyɛnpe Ebɔrɛ ebel ga ere.

Nɔmbɛs 28:7

B ta yabra belbelso kɔlba koŋwule n chulgi n wurge bɔrɛsure na so n ti ekpakpafɔlbi na be kekama so n lara sarga n sa Enyɛnpe Ebɔrɛ.

Ashuŋ Shunso 20:24

Kusɔ nɛ k tir ma e la kananɛ meeŋ tiŋ n loge Enyɛnpe Yesu be kushuŋ nɛ e sa ma na. Kumo alɛ e la kebɔ Ebɔrɛ be kuwɔr be kakɛ na be baru lela na.

Ashuŋ Shunso 21:13

Nɛ e bishi bumo: “Manɛ so nɛ menyee wora le ere nsaa shu le a jija ma kagbene? Ŋkpal Enyɛnpe Yesu so meeŋ shuli fanɛ b mɔ ma ashi Jerusalɛm to gba, a bishi kekre ma ndoŋ.”

Romebi 12:1

To, ŋ kurgepoana, ŋkpal Ebɔrɛ be kuwɔr be kakɛ damta nɛ e wu anyi na so, mee kule menyi nna nɛ men ta menyi be amu n sa Ebɔrɛ fanɛ sarga nɛ k wɔ ŋkpa to a du cheembi a par Ebɔrɛ. Menyi be kabɔrɛshuŋ nɛ men kɔ a di Ebɔrɛ epaŋ nna na.

Romebi 15:16

Mee shuŋ nna fanɛ bɔrɛmatapo a wɔtɔ a bɔ baru lela nɛ a shi Ebɔrɛ kutɔ na nna a sa nnyamase, saŋɛ na so, baaŋ baa du fanɛ kakɛ nɛ k bee par mo ere Ebɔrɛ nɛ Kiyoyu Cheeŋ na lara m bɔɔ mo enɔ na.

2 Kɔrintebi 12:15

Amoso, meeŋ baa sha kemɔ ma kumu n wora kusɔ kama n sa menyi nseŋ tiŋ n shin nɛ b mɔ ma n sa menyi. Nɛ kananɛ m baa sha menyi ga le ere, a daga fanɛ men be kasha nɛ men kɔ a sa ma e baa duga so a?

2 Kɔrintebi 4:12

Amoso, luwu wɔ anyi to nna a shuŋ nɛ ŋkpa malɛ gba wɔ menyi to a shuŋ.

2 Kɔrintebi 6:10

An wɔ kagbenejija to, ama an be ŋgbene malɛ baa fuli anyi nna saŋkikɛ. Betirpo e la anyi, ama saŋkikɛ anyi alɛ bee wɔtɔ basa dama to nna. Anyi maŋ kɔ shɛŋ, anyi alɛ nsaa kɔ asɔ kikɛ.

2 Kɔrintebi 7:4

Ma yirda shi menyi so ga nɛ mee ji njɔŋ ga ŋkpal menyi so. Ma kagbene kikɛ baa dese ma nna, hale anyi be kekɔrfɛ ere kikɛ to, ma kagbene baŋ fuli ma nna parr.

Filipaiebi 1:20

Kusɔ nɛ m baa sha ga nsaa tama e la fanɛ m maaŋ pɔ aba ashi ma kushuŋ to, ama saŋkama, fɔnfɔŋ naniere meeŋ baa kɔ kenyɛn nɛnɛ, saŋɛ na so nɛ n wu nna ŋko n wɔ ŋkpa to nna meeŋ ta ma eyur ere kikɛ m bar Yesu Kristo bunyaŋ.

Filipaiebi 2:18

Menyi alɛ gba e shin nɛ men be ŋgbene e baa dese menyi nɛ men tu ma n shin nɛ men be ŋgbene e baa fuli menyi.

Filipaiebi 2:30

E daŋ ta mbe kumu nna a sha kesa ma kechɛto nɛ menyi ere gbagba daa maaŋ tiŋ n sa ma.

Filipaiebi 4:18

Men teŋ sa ma kusɔ kama nɛ k daga hale a chɔ kananɛ mee sha gba. Ŋ ka wu men be kakɛ nɛ Epafrodaites bar na, a bɔlɔ ma kenishi tain. K du fanɛ sarga lela nna, nɛ k bee par Ebɔrɛ nɛ kumo be efɛa wɔ ebel ga.

Kɔlɔsiebi 1:24

Naniere ma kagbene fuli ma ŋkpal awurfoŋ nɛ mee ji ŋkpal menyi so na so. Awurfoŋ nɛ Yesu Kristo kaŋɛ fanɛ meeŋ ji na be tɔrɔ nɛ mee ji a bɔlɔ mbe tɔrɔ na so na ŋkpal mbe asɔriebi, bumo nɛ baa tre Yesu Kristo be eyur na so.

1 Tɛsalɔnikaebi 2:8

Mannɛ fanɛ baru lela nɛ k shi Ebɔrɛ kutɔ na nawule nɛ an daŋ bugi kagbene n sa menyi, ama an daŋ ta an be amu kikɛ gba nna n sa menyi kashaso, ŋkpal manɛ so, men be asheŋ daa wɔ an be ŋgbene to ga.

2 Timoti 4:6

Ma ere, jemanɛ nɛ baaŋ ta ma n lara sarga na fo nɛ jemanɛ nɛ meeŋ lar durnya ere to na fo n loge.

1 Pita 2:5

Men shin nɛ b ta menyi alɛ gba fanɛ ajembu nɛ a kɔ ŋkpa nɛ b ta m pɔr na nɛ men ki Ebɔrɛ be ebu a la bɔrɛmatapo cheembiana a bɔla Yesu Kristo so a lara kiyoyu to be esarga nɛ a bee par Ebɔrɛ.

1 Jɔn 3:16

Le nɛ an bɔla m pin kusɔ nɛ k la kasha. Yesu Kristo e shin nɛ b lara mbe ŋkpa ashi mo to n sa anyi. Amoso, a daga fanɛ anyi alɛ gba ka ta anyi be ŋkpaana n sa an niopibiana.