Filipaiebi 2:12 - EBƆRƐ BE KAWƆL

¹² Amoso, n teri shasoana, men baa kraa nu a sa ma fanɛ kananɛ men chɛr a wora na, mannɛ fanɛ saŋɛ nɛ n wɔ menyi kutɔ nawule, ama saŋɛ nɛ m maŋ wɔ menyi kutɔ gba a chɔ ŋ ka wɔ men kutɔ. Men baa ta kagbene ŋana asheŋ ŋ kraa kɔ a fin men be kumɔlga kikɛ be kenya.

Filipaiebi 2:12 ပူးပေါင်းရင်းမြစ်များ

Ɛzra 10:3

To, men shin nɛ an nase kɔnɔ fanɛ anyeeŋ yige loŋ be beche na nseŋ lara bumo nɛ bumo be mbia be asheŋ ashi anyi be asheŋ to nseŋ wora asheŋ fanɛ kananɛ fo nɛ bekama nɛ baa ŋana Ebɔrɛ bee kaa ji anyi asoe to a kaŋɛ na, saŋɛ na so anyeeŋ wora asheŋ m bɛ Ebɔrɛ be mbra na so.

Nshɛ 119:120

Ŋkpal kananɛ fo demuji be mbraana du so, kufu bee pɛ ma nna nɛ mee chicha.

Nshɛ 2:11

Men ta kufu nɛ kechicha chicha a shuŋ Ebɔrɛ, nseŋ shin nɛ men be ŋgbene e fuli.

Aŋasa 10:16

Alela be kakɔka e la ŋkpa tenteŋ, ama alubi bre bee shin nɛ esa bee wora alubi nna a ti so.

Aŋasa 13:4

Etɔlpo bee yɛlga kusɔ gba, jiga nna, e maaŋ tiŋ n nya kumo, ama esa kama nɛ e bee pere kenishi a shuŋ bre beeŋ tiŋ n nya kusɔ kama nɛ e bee sha.

Aizaaya 66:2

Ma e to durnya kikɛ nseŋ shin nɛ kusɔ kikɛ wɔtɔ. Basa nɛ bumo be asheŋ bee par ma nɛ mee keni bumo a bɔlɔ kenishi, e la basa nɛ baa bar bumo be amu kaseto nsaa tuba ashi bumo be alubi to ŋko bumo nɛ baa ŋana ma nsaa wora ma kasonu na.

Aizaaya 66:5

Menyi nɛ menyee ŋana Enyɛnpe Ebɔrɛ nsaa wora mo kasonu na e nu kusɔ nɛ e kaŋɛ. E yɛ: “Ŋkpal men ka bee ji kashenteŋ a sa ma so, menyi gbagba be basa ko kishi menyi nna a maa sha ketu menyi n wora shɛŋ. Baa wora menyi eyurto nna a kaŋɛ le: ‘Men shin nɛ Enyɛnpe Ebɔrɛ na e ŋini mbe eleŋgboŋ nseŋ mɔlga menyi, saŋɛ na so anyeeŋ wu fanɛ menyi be ŋgbene fuli menyi.’ Ama bumo gbagba beeŋ ji anishinyɔr!”

Matiu 11:12

Yili jemanɛ nɛ Jɔn kabɔrɛbɛrpo bɔ mbe kubɔya na m ba fo mbre, Ebɔrɛ be kuwura na baa nya eleŋ nna ga a yɔ anishito nɛ belempo ko malɛ gba baa wora ania ga a fin kesuge kumo.

Matiu 11:29

Men be ekama e ta ma kubɔ to be kebarga n dii nɛ ma nɛ mo e baa na, saŋɛ na so e beeŋ koya kebaawɔtɔ ashi ma kutɔ, ŋkpal manɛ so, n du boeŋ nna a bar ma kumu kaseto. Ekama nɛ e baŋ wora loŋ, e beeŋ nya ewushi.

Ashuŋ Shunso 16:29

Nɛ kabutikenipo na shin nɛ b sa mo fitila nɛ e jɔ to n luri ŋ gbir Pɔɔl nɛ Sailas be anishito a chicha.

Ashuŋ Shunso 9:6

Niŋi to n yɔ kade to nɛ b ŋini fo kusɔ nɛ k daga nɛ fo wora.”

Romebi 2:7

Bumo nɛ alelasheŋ be kewora maa gben bumo nɛ baa fin kemaŋkura nɛ bunyaŋ nɛ kebaawɔtɔ nɛ k maŋ kɔ luwu na, e beeŋ sa bumo ŋkpa nɛ k maŋ kɔ ekar na.

1 Kɔrintebi 15:58

Amoso ŋ kurgepo shasoana, men baa yil to kpakpa. Men sa maŋ shin nɛ shɛŋ shɛŋ e tia menyi ashi to. Saŋkikɛ men baa ta men be ŋgbene kikɛ a wɔtɔ Enyɛnpe be kushuŋ na to, ŋkpal manɛ so, menyi alɛ gba baa nyi fanɛ men be kegben nɛ menyee gben a sa Enyɛnpe na maaŋ to jiga kikɛ.

1 Kɔrintebi 2:3

Ma alɛ ka daŋ ba menyi kutɔ na, ma nɛ kapɔshi nɛ kufu nɛ kechicha damta e daŋ ba.

1 Kɔrintebi 4:14

M maa sibɛ asɔ ere nna a sa menyi nɛ n ta anishinyɔr m pɛ menyi, ama mee sibɛ amo nna nɛ n niŋi menyi ekpa ŋkpal men ka la ma mbia shaso so.

2 Kɔrintebi 7:15

Mo gbagba malɛ be kasha nɛ e kɔ a sa menyi baa ti so nna ŋkpal kananɛ e bee nyiŋi menyi kikɛ be kasonu so nɛ kananɛ men daŋ ta kufu nɛ kechicha chicha n sɔ mo na so.

Ɛfesesebi 6:5

Anya, men baa nu a sa men be durnya ere to be benyɛnpe a ŋana bumo a chicha. Men baa ta kagbene koŋwule a wora kumo fanɛ Kristo gbagba nɛ menyee shuŋ.

Filipaiebi 1:27

Amoso, kusɔ kama nɛ k la gba, men baa kɔ men be amu to nɛnɛ a du fanɛ kananɛ Kristo be baru lela na bee ŋini na. Saŋɛ na so, nɛ m ba wu menyi nna ŋko n wɔ kufɔ nna nsaa nu menyi be asheŋ, n nyi men ka yil to nɛnɛ kɔnɔkoŋwuleso a kɔ fanɛ esa koŋwule ŋkpal yirda nɛ k shi baru lela na to na so.

Filipaiebi 1:29

Ŋkpal manɛ so, mannɛ fanɛ Ebɔrɛ sa menyi ekpa nna fanɛ men yirda Kristo na nawule, ama e ta tɔrɔ gba nna n ti yirda na so n sa menyi ŋkpal Kristo koŋwule na so.

Filipaiebi 1:5

ŋkpal kananɛ men chɛ ma to ashi baru lela na be kebɔ be kushuŋ na to so baŋ yili kachɛ sososo nɛ n yɔ men kutɔ na m ba fo mbre.

Filipaiebi 1:6

Amoso, m baa nyi fanɛ Ebɔrɛ nɛ e baŋ fara le be kushuŋ lela menyi to ere beeŋ shin nɛ k baa wɔ menyi to loŋ n ya loge nɛnɛ kachɛ nɛ Kristo Yesu beeŋ naŋ ba na.

Filipaiebi 2:19

Nɛ Enyɛnpe Yesu malɛ shuli, mee tama fanɛ k maaŋ chɛr nɛ n shuŋi Timoti menyi kutɔ, saŋɛ na so e beeŋ ya bar ma men be baru nɛ ma kagbene e fuli ma.

Filipaiebi 4:1

Amoso, ŋ kurgepoana, mee sha men be asheŋ ga nsaa sha kewu menyi. Menyi e naa shin nɛ ma kagbene bee fuli ma, menyi alɛ nseŋ naa la ma kegben be tɔnɔ. N teriana, amoso nɛ a daga fanɛ men baa kɔ Enyɛnpe na to a yil kpakpa na.

Filipaiebi 4:15

Menyi Filipaiebi malɛ gba baa nyi geeŋ fanɛ ŋ ka lar Masɛdonia be efuli so, saŋɛ nɛ n daŋ baŋ fara a bɔ baru lela na a sa basa na, menyi nawule e daa la asɔriebi nɛ b daŋ chɛ ma to ashi kesa nɛ kesɔ to.

1 Tɛsalɔnikaebi 1:3

Ŋkpal manɛ so, an baa kule anyi be Ebɔrɛ Etuto na, anyee nyiŋi kananɛ men ta men be yirda a shuŋ kushuŋ nɛ kananɛ men be kasha shin nɛ men mɔ men be amu a shuŋ. Anyee kaa nyiŋi kananɛ men kɔ tama kpakpaso an Nyɛnpe Yesu Kristo so ashi an be Ebɔrɛ Etuto na be anishito.

2 Timoti 2:10

Amoso nɛ mee ji awurfoŋ ere be kanyiti ŋkpal Ebɔrɛ be basa laraso na so nɛ bumo alɛ gba e tiŋ m bɔla Kristo Yesu so n nya kumɔlga nɛ kemaŋkura nɛ k maŋ kɔ ekar na.

Hibruwebi 12:1

To, naniere a daga fanɛ anyi, bumo nɛ le be eshɛda ere kulti anyi ere ka ta asɔ kama nɛ a bee kagle anyi ekpa ashi kebɛso na to na nɛ alubi mo nɛ a mar anyi so kpakpa na n lɛ nseŋ ta kenishipere n shile eshile nɛ k dese a jo anyi ere kanyitiso.

Hibruwebi 4:1

Amoso, ŋkpal Ebɔrɛ be kewushi na to be keluri be kɔnɔ naseso na ka kraa dese so, men shin nɛ an baa da so nɛ kumo be saŋɛ kaŋ fo, b maaŋ wu anyi be ekama ka paŋ keluri kumo to.

Hibruwebi 4:11

Amoso, men shin nɛ an wora ania ga n luri kewushi na to nɛ esa kama maaŋ ta kasomaanu m bɛ bedarapo na be aya so n foe ekpa.

Hibruwebi 5:9

Ebɔrɛ malɛ ka baŋ shin nɛ e ki cheembi n loge so, mo so nɛ ekama nɛ e bee nu a sa mo beeŋ bɔla n nya kumɔlga nɛ k maŋ kɔ ekar na.

1 Pita 2:11

N teri lelaana, mee kule menyi nna fanɛ men baa gelge ayɛlgasɔ lubiana nɛ a wɔ men be eyurana to a kɔ men be ayoyuana kena, a na fanɛ befɔ nɛ benitepo ashi durnya ere to.

2 Pita 3:18

Ama men baa wɔtɔ a yɔ anishito ashi an Nyɛnpe nɛ an be Emɔlgapo Yesu Kristo be kuwɔr be kakɛ na nɛ kashennyi na to. Kemaŋkura e baa la mo peya naniere nɛ saŋkikɛ mbaanaayɔ. Amɛn.