Filipaiebi 2:1 - EBƆRƐ BE KAWƆL

¹ Nɛ fanɛ fo kɔ keleŋ n wɔtɔ be kebaawɔtɔ ŋkpal fo ka wɔ Kristo to so, mbe kasha bee wushi fo kagbene to nɛ fo nɛ Kiyoyu na kɔ kebaawɔtɔ koŋwule nna ŋko nɛ men la basa nna a sa abar nsaa wu abar kuwɔr kashenteŋto,

Filipaiebi 2:1 ပူးပေါင်းရင်းမြစ်များ

Nshɛ 133:1

Kekurge koŋwule to be basa be kechena abar so kashaso nɛ kɔnɔkoŋwuleso walɛ ga.

Aizaaya 16:11

Ebesa bee ji ma nna ashi ma kagbene to nɛ mee shu a sa Mowab nɛ Kir Hɛrɛs.

Luuk 2:25

Kanyɛn ko malɛ daa wɔ Jerusalɛm nɛ baa tre mo Simiɔn. E daa la esa lela nna a bunyaŋ Ebɔrɛ nsaa jo jemanɛ nɛ Israɛlebi beeŋ nya kumɔlga. Kiyoyu Cheeŋ na daa wɔ mo to.

Baru lela nɛ Jɔn kute na 14:18

M maaŋ yige menyi n to fanɛ amunibi. Meeŋ naŋ ba menyi kutɔ.

Baru lela nɛ Jɔn kute na 14:27

Kagbenewushi nɛ mee yige a sa menyi na, kagbenewushi nɛ k shi ŋ gbagba kutɔ. Kumo alɛ mannɛ fanɛ kananɛ durnya bee sa kumo na nɛ ŋ kɔ kumo a sa menyi. Amoso, men sa maŋ shin nɛ menyi be ŋgbene e baa jija menyi ŋko nɛ kufu e baa kɔ menyi.

Baru lela nɛ Jɔn kute na 17:13

Naniere mee ba fo kutɔ nna na, ama ma alɛ kraa wɔ durnya ere to nna nsaa kaŋɛ asheŋ ere kikɛ na, saŋɛ na so baaŋ nya kagbenefuli nɛ mee sa na m baŋ so.

Ashuŋ Shunso 2:46

Karechɛ kama malɛ b daa shɛr bɔrɛlambu na to nna kɔnɔkoŋwuleso nseŋ naa shɛr abarana pe nchɛ nchɛ a ji ajibi kagbenewushiso nɛ kɔnɔkoŋwuleso nsaa di Ebɔrɛ epaŋ.

Ashuŋ Shunso 4:32

Nfɛra koŋwule nɛ beyirdapoana na kikɛ daa kɔ. Bumo be ekama daa maa kaŋɛ fanɛ mbe asɔ la mo nawule peya nna. Kusɔ kama nɛ ekama daa kɔ b daa ta nna a barga to a sa abar.

Romebi 5:5

Ebɔrɛ bɔla Kiyoyu Cheeŋ nɛ e la Ebɔrɛ be kakɛ nɛ e kɔ a sa anyi na so nna n ta mbe kasha m bɔlɔ anyi be ŋgbene to.

Romebi 8:26

Loŋ koŋwule na malɛ nɛ Kiyoyu na bee ba m ba kaa chɛ anyi mo nɛ an maŋ kɔ eleŋ ashi yirda na to na to. Anyi maŋ nyi kananɛ k daga fanɛ an kule Ebɔrɛ gba, ama Kiyoyu na gbagba e naa bugi kagbene a kule kabɔrɛkule nɛ k bee mɔ kɔnɔ a sa anyi.

1 Kɔrintebi 12:13

Ŋkpal manɛ so, Kiyoyu koŋwule na e shin nɛ anyi kikɛ, Juwebi ŋko Griikebi, anya ŋko bumo nɛ b wɔ bumo be amu kikɛ nyam bɔla kabɔrɛbɛr so ŋ ki eyur koŋwule to ebi nyam nɛ anyi kikɛ ba nya Kiyoyu koŋwule na.

1 Kɔrintebi 15:31

Ŋ kurgepoana, mee kaŋɛ menyi nna fanɛ kachɛ kama mee wu nna. Kede malɛ baa kɔ kashenteŋ nna fanɛ kananɛ mee wu ma kumu ŋkpal men ka la Kristo Yesu, an Nyɛnpe peya na so.

1 Kɔrintebi 3:16

Men maŋ nyi fanɛ men la Ebɔrɛ be lambu nna nɛ Ebɔrɛ be Kiyoyu wɔ menyi to a?

2 Kɔrintebi 13:14

Enyɛnpe Yesu Kristo be kuwɔr be kakɛ na nɛ Ebɔrɛ be kasha na nɛ Kiyoyu Cheeŋ na be kɔnɔkoŋwule be kebaawɔtɔ na e baa wɔ menyi kikɛ so.

2 Kɔrintebi 2:14

Ama anyee chɔrɔ Ebɔrɛ ga, ŋkpal manɛ so, mo e naa shin nɛ anyee tu Kristo a nite kekɔmpɔɔso be ekpa so nseŋ naa bɔla anyi so a shin nɛ Kristo be kenyi bee sɔ kaplɛkama fanɛ efɛa belbelso na.

Galeeshaebi 4:6

Kusɔ nɛ k bee ŋini fanɛ men la Ebɔrɛ be mbia nde: Mo ere Ebɔrɛ koŋwule na shuŋi mo Pibinyɛn be Kiyoyu na anyi be ŋgbene to, Kiyoyu na e naa tre Ebɔrɛ ‘Aba’, kumo e la fanɛ n Tuto na.

Galeeshaebi 5:22

Ama nɛ Kiyoyu na baa wɔ esa to, le be asɔ lela ere e du fanɛ kusɔrso a wɔ amodoŋwura to nɛ e bee wora: Kasha nɛ kagbenefuli nɛ kagbenewushi nɛ kanyiti nɛ kebaala esa nɛ alelasheŋ nɛ kebaayɛ a wora

Ɛfesesebi 4:4

Eyur koŋwule nɛ Kiyoyu koŋwule e wɔtɔ fanɛ kananɛ tama koŋwule nɛ Ebɔrɛ tre menyi m ba wɔtɔ kumo to na gba wɔtɔ na.

Filipaiebi 1:8

Ŋ ka kaŋɛ fanɛ men kikɛ be asheŋ wɔ ma kagbene to ere, Ebɔrɛ e la ma shɛdajipo fanɛ kasha damta nɛ ŋ kɔ a sa menyi na kikɛ la Kristo Yesu be kasha nna.

Filipaiebi 3:3

Ŋkpal manɛ so, anyi e la kashenteŋ be katutukuebi a bɔla Ebɔrɛ be Kiyoyu na so a bunyaŋ mo nsaa ji anyi be ŋkpa nɛ an kɔ ashi Kristo Yesu to ere be njɔŋ. Anyi nɛ anyee wora asheŋ ere maa ta anyi be yirda a wɔtɔ eyur ere be kedulgi to.

Kɔlɔsiebi 2:2

saŋɛ na so meeŋ leŋ menyi to nɛ men baa kɔ kasha a wɔ abar so nsaa kɔ kenyi kikɛ nyam. Kumo e la fanɛ nɛ men ba pin mbe wulo na kikɛ.

Kɔlɔsiebi 3:12

Amoso, men baa wora le be kelela ŋkpal Ebɔrɛ ka lara menyi ŋ kɔr a sha menyi a shin nɛ men baa du cheeŋ na so. Men baa wu kuwɔr, men baa la basa, men baa kɔ bunyaŋ, men baa kɔ kushuso, men baa kɔ kanyiti.

Hibruwebi 6:18

Naniere an nya asɔ anyɔ nɛ a maaŋ tiŋ n chɛrga, ŋkpal manɛ so, Ebɔrɛ maaŋ tiŋ ŋ ku efɛ kikɛ. Asɔ anyɔ na so nɛ anyi nɛ an shuli m mata Ebɔrɛ na beeŋ nya kagbene a kɔ kumɔlga be tama nɛ k wɔ anishito na to kpakpa.

1 Pita 1:2

Ebɔrɛ Etuto na bɔla mbe kanyiasheŋ so nna a nyi kusɔ kama nseŋ lara bumo n naŋ bɔla Kiyoyu na to n ta bumo ŋ ki basa cheembi nɛ b baa nu a sa Yesu Kristo nɛ e ta mbe ŋklaŋ n fɔr bumo so na. Ebɔrɛ be kuwɔr be kakɛ nɛ kagbenewushi e baa wora keshi menyi to a ti so.

1 Jɔn 3:24

Bekama malɛ nɛ baa bɛ mbe mmalga nasesoana na so shir a wɔ mo to nna nɛ mo alɛ gba wɔ bumo to. To, kananɛ anyee wora a pin fanɛ e wɔ anyi to nde: Mbe Kiyoyu nɛ e ta n sa anyi na so so nɛ an pin loŋ.

1 Jɔn 4:12

Esa kama maŋ naŋ wu Ebɔrɛ kenishiso, ama nɛ an baa sha abar bre, kumo ere Ebɔrɛ wɔ anyi to nɛ mbe kasha malɛ bɔlɔ anyi to felɛlɛ kashenteŋto.

1 Jɔn 4:16

Anyi alɛ gba ba pin nseŋ yirda kasha mo nɛ Ebɔrɛ kɔ a sa anyi na. Ebɔrɛ e la kashawura. Ekama malɛ nɛ e wɔ kasha be kebaawɔtɔ to, wɔ Ebɔrɛ to nna na nɛ Ebɔrɛ malɛ gba wɔ amodoŋwura to.