Filipaiebi 1:27 - EBƆRƐ BE KAWƆL

²⁷ Amoso, kusɔ kama nɛ k la gba, men baa kɔ men be amu to nɛnɛ a du fanɛ kananɛ Kristo be baru lela na bee ŋini na. Saŋɛ na so, nɛ m ba wu menyi nna ŋko n wɔ kufɔ nna nsaa nu menyi be asheŋ, n nyi men ka yil to nɛnɛ kɔnɔkoŋwuleso a kɔ fanɛ esa koŋwule ŋkpal yirda nɛ k shi baru lela na to na so.

Filipaiebi 1:27 ပူးပေါင်းရင်းမြစ်များ

1 Kronikɛls 19:12

Le nɛ Jɔab kaŋɛ Abishai: “Fo baŋ wu fanɛ Siriyaebi na bee pɔɔ ma so, fo wora ania m ba chɛ ma to, nɛ Ammɔnebi na kaa pɔɔ fo alɛ so, ma alɛ beeŋ ba chɛ fo to.

Nshɛ 122:3

B pɔr Jerusalɛm fanɛ kadegboŋ nɛ k tir abar to a walɛ kebita nna.

Nshɛ 133:1

Kekurge koŋwule to be basa be kechena abar so kashaso nɛ kɔnɔkoŋwuleso walɛ ga.

Aŋasa 22:23

Ŋkpal manɛ so Enyɛnpe Ebɔrɛ na e naŋ chɛ bumo to, nseŋ tɔrɔ bekama nɛ b tɔrɔ bumo na n tal to.

Jɛremaya 32:39

Meeŋ shin nɛ b baa bunyaŋ ma jemanɛ kikɛ kenishipereso, ŋkpal bumo gbagba nɛ bumo be kaman to ebi be nɛnɛ so.

Matiu 12:25

Ama Yesu pin bumo be nfɛra na nseŋ kaŋɛ bumo le: “Ewura kama nɛ mbe basa barga to a kɔ abar kena, kuwura na maaŋ chɛr ŋkeŋ tɔr. Nɛ kade kama ŋko kakurge koŋwule kama to ebi baŋ barga to a kɔ abar kena, kade na ŋko kakurge na beeŋ jija.

Ashuŋ Shunso 2:46

Karechɛ kama malɛ b daa shɛr bɔrɛlambu na to nna kɔnɔkoŋwuleso nseŋ naa shɛr abarana pe nchɛ nchɛ a ji ajibi kagbenewushiso nɛ kɔnɔkoŋwuleso nsaa di Ebɔrɛ epaŋ.

Ashuŋ Shunso 24:24

Kachako malɛ nɛ Filiks keta mbe eche Drusila nɛ e daa la Juw na m ba shin nɛ b ya bar Pɔɔl nɛ e ba malga keyirda Yesu Kristo be asheŋ nɛ e nu.

Ashuŋ Shunso 4:32

Nfɛra koŋwule nɛ beyirdapoana na kikɛ daa kɔ. Bumo be ekama daa maa kaŋɛ fanɛ mbe asɔ la mo nawule peya nna. Kusɔ kama nɛ ekama daa kɔ b daa ta nna a barga to a sa abar.

Romebi 1:16

M maa wora baru lela na be anishinyɔr kikɛ, ŋkpal manɛ so, kumo so nɛ Ebɔrɛ bee bɔla a ŋini mbe eleŋ a mɔlga basa kama nɛ baa yirda na. Juwebi e nya kumo be loŋ be ekpa pɔɛŋ nseŋ ta nnyamase, bumo nɛ b maŋ la Juwebi na m bɛ so.

Romebi 1:5

Mo so nɛ Ebɔrɛ bɔla n wu ma kuwɔr n sa ma ekpa fanɛ m baa la eshuŋipo ŋkpal Yesu koŋwule na be ketre so nɛ efuli kama so ebi e ba yirda mo nseŋ fara a nu a sa mo.

Romebi 1:9

Ebɔrɛ nɛ n ta ma kagbene kikɛ nyam a bɔ mo Pibinyɛn be baru lela na gbagba e la ma shɛdajipo a nyi menyi be asheŋ ka baa wɔ ma kagbene to ashi ma kabɔrɛkule to saŋkikɛ.

Romebi 10:8

Kusɔ nɛ abɔrɛsibɛ na naa kaŋɛ e la: “Ebɔrɛ be kamalga baŋ taga menyi to nna. K baa wɔ menyi be nnɔ to nɛ menyi be ŋgbene to nna.” Yirda na be baru nɛ anyee bɔ a sa basa na.

Romebi 15:16

Mee shuŋ nna fanɛ bɔrɛmatapo a wɔtɔ a bɔ baru lela nɛ a shi Ebɔrɛ kutɔ na nna a sa nnyamase, saŋɛ na so, baaŋ baa du fanɛ kakɛ nɛ k bee par mo ere Ebɔrɛ nɛ Kiyoyu Cheeŋ na lara m bɔɔ mo enɔ na.

Romebi 15:29

M baa nyi fanɛ ŋ kaŋ ba menyi kutɔ ma nɛ Kristo be nɛfa kikɛ nyam e naaŋ ba menyi to.

1 Kɔrintebi 1:10

Ŋ kurgepoana, mee ta an Nyɛnpe Yesu Kristo be ketre nna a kule menyi fanɛ men kikɛ e baa kɔ kɔnɔkoŋwule a wɔ abar so, saŋɛ na so kebarga to kikɛ maaŋ baa wɔ menyi to. Men baa kɔ nfɛra koŋwule nsaa wora asheŋ ekpa koŋwuleso.

1 Kɔrintebi 15:58

Amoso ŋ kurgepo shasoana, men baa yil to kpakpa. Men sa maŋ shin nɛ shɛŋ shɛŋ e tia menyi ashi to. Saŋkikɛ men baa ta men be ŋgbene kikɛ a wɔtɔ Enyɛnpe be kushuŋ na to, ŋkpal manɛ so, menyi alɛ gba baa nyi fanɛ men be kegben nɛ menyee gben a sa Enyɛnpe na maaŋ to jiga kikɛ.

2 Kɔrintebi 13:11

To, bekurgepoana, Ebɔrɛ e chɛ menyi to. Men baa kɔ a fin kebaawɔtɔ niŋiso. Men baa du fanɛ kananɛ ŋ kule menyi na nsaa kɔ kɔnɔkoŋwule a wɔtɔ nseŋ naa wɔ kagbenewushi to, nɛ kasha nɛ kagbenewushi be Ebɔrɛ na e baa wɔ menyi to.

2 Kɔrintebi 4:4

Bumo alɛ maŋ yirda nna, ŋkpal manɛ so, durnya ere to be ebɔrɛ na e tan bumo be anishiana, saŋɛ na so b maaŋ baa wu Kristo nɛ e la Ebɔrɛ be kaduli gbagba na be kemaŋkura be baru lela na be kefulto na.

2 Kɔrintebi 9:13

Ŋkpal menyi alɛ be kushuŋ lela nɛ men shuŋ ŋ ŋini basa nɛ men la ere so, basa beeŋ chɔrɔ Ebɔrɛ ŋkpal men ka ta kasonu n ti men be shɛda mo nɛ menyee ji a kaŋɛ Kristo be baru lela na be asheŋ na so nɛ kananɛ menyee sha kebaakɛ bumo nɛ basa kama men be kanya to be asɔ na so.

Galeeshaebi 1:7

Kashenteŋto bre, baru lela kama maŋ naa wɔtɔ n ti anyeya ere so, ama ŋkpal basa ko ka wɔtɔ a wul menyi to a sha kechɛrga Kristo be baru lela na so e shin nɛ ŋ kaŋɛ loŋ na.

Ɛfesesebi 1:13

Ŋkpal kusɔ nɛ e wora na so, menyi alɛ gba ka daŋ nu kashenteŋ be kubɔya nɛ k bee bar menyi kumɔlga na, men yirda Kristo, nɛ Ebɔrɛ ta mbe ndulgi n dulgi menyi na. Kiyoyu Cheeŋ nɛ e nase kɔnɔ fanɛ e beeŋ sa na nɛ e ta n sa a ŋini fanɛ e dulgi anyi.

Ɛfesesebi 1:15

Ŋkpal le ere so, baŋ yili saŋɛ nɛ n nu kananɛ men yirda an Nyɛnpe Yesu na nɛ kananɛ menyee sha Ebɔrɛ be basa kikɛ so, m maŋ naŋ yige kebaachɔrɔ Ebɔrɛ ŋkpal menyi so,

Ɛfesesebi 4:1

Ma Pɔɔl nɛ n wɔ kabuti to ŋkpal Enyɛnpe so na e naa leŋ menyi to a kaŋɛ menyi fanɛ men baa kɔ kebaawɔtɔ nɛ k maa ji ketre nɛ Ebɔrɛ tre menyi na emɔrɔ.

Filipaiebi 1:5

ŋkpal kananɛ men chɛ ma to ashi baru lela na be kebɔ be kushuŋ na to so baŋ yili kachɛ sososo nɛ n yɔ men kutɔ na m ba fo mbre.

Filipaiebi 2:12

Amoso, n teri shasoana, men baa kraa nu a sa ma fanɛ kananɛ men chɛr a wora na, mannɛ fanɛ saŋɛ nɛ n wɔ menyi kutɔ nawule, ama saŋɛ nɛ m maŋ wɔ menyi kutɔ gba a chɔ ŋ ka wɔ men kutɔ. Men baa ta kagbene ŋana asheŋ ŋ kraa kɔ a fin men be kumɔlga kikɛ be kenya.

Filipaiebi 2:24

Ma alɛ naa kɔ yirda Enyɛnpe so fanɛ k maaŋ chɛr nɛ ma ere gbagba e ba.

Filipaiebi 3:18

Ŋkpal manɛ so, loŋ koŋwule na gbagba nɛ mee kaa kaŋɛ menyi nsaa sha kenaŋ n lɔŋɛ n ta anishichubi ŋ kaŋɛ menyi n ti so na fanɛ basa damta be kebaawɔtɔ du fanɛ b ka bee kishi Kristo be kedibi largato na be asheŋ nna.

Filipaiebi 3:20

Ama anyi ere, ebɔrɛso be basa e la anyi nɛ an baa jɔŋ anyi be aya so a jo anyi be Emɔlgapo, Enyɛnpe Yesu Kristo nɛ e shi ebɔrɛso m ba.

Filipaiebi 4:1

Amoso, ŋ kurgepoana, mee sha men be asheŋ ga nsaa sha kewu menyi. Menyi e naa shin nɛ ma kagbene bee fuli ma, menyi alɛ nseŋ naa la ma kegben be tɔnɔ. N teriana, amoso nɛ a daga fanɛ men baa kɔ Enyɛnpe na to a yil kpakpa na.

Kɔlɔsiebi 1:10

Loŋ nɛ menyeeŋ baa kɔ kebaawɔtɔ nɛ k daga Enyɛnpe na be basa ka kɔ nɛ men be asheŋ e baa par mo nɛnɛ nɛ men baa wora kelela be yiri kikɛ m baa pin Ebɔrɛ nɛnɛ a ti so.

Kɔlɔsiebi 1:4

ŋkpal manɛ so, an nu kananɛ men kraa yirda Yesu Kristo nɛ kananɛ men kraa sha bumo nɛ b la Ebɔrɛ peya kikɛ

1 Tɛsalɔnikaebi 3:6

Timoti ka shi menyi kutɔ m ba, mo alɛ bar anyi menyi be yirda nɛ kasha be kubɔya lela. E kaŋɛ anyi men ka bee nyiŋi an be asheŋ a fin kewu anyi fanɛ kananɛ anyee fin kewu menyi na.

1 Tɛsalɔnikaebi 4:1

Bekurgepoana, an shin nɛ men pin kebaawɔtɔ nɛ k bee par Ebɔrɛ. Loŋ malɛ be kebaawɔtɔ to nɛ men chɛr a wɔ to na, ama anyee kule menyi Enyɛnpe Yesu be ketre to fanɛ men pere kenishi n nya kebaawɔtɔ nɛ k bee par Ebɔrɛ saŋkama a ti so.

1 Timoti 1:11

Le nɛ nɛfa be Ebɔrɛ na be baru lela nɛ kemaŋkura wɔ kumo to nɛ b ta m bɔɔ ma enɔ na bee ŋini.

1 Timoti 1:19

Basa ko bre kplaŋ le be akɔsɔ ere so nseŋ foe yirda be ekpa na so cheche.

2 Timoti 4:7

Ŋ kɔ kolu lela na n loge nseŋ shile eshile na n loge, ma alɛ nseŋ naŋ keta yirda na m ba fo ekar.

Taites 2:10

A daga fanɛ b baa ŋini fanɛ saŋkama b la anya lela nna a maŋ kɔ kebirkɔnshi a wora asheŋ. Loŋ na Ebɔrɛ, anyi be Emɔlgapo be asheŋ ŋiniso na beeŋ nya mbo ashi asheŋ nɛ baa wora kikɛ to.

Failimɔn 1:5

Ŋkpal manɛ so, mee nu kasha nɛ yirda nɛ men kɔ a sa Enyɛnpe Yesu nɛ beyirdapoana na kikɛ be asheŋ.

Jeems 3:18

Bumo nɛ b kɔ kagbenewushi e naa bar kagbenewushi basa to nɛ kumo alɛ be lalaloge la alelasheŋ be kewora.

2 Pita 3:11

Nɛ kananɛ asɔ kikɛ ka beeŋ ba mur le ere, nuso be basa a daga fanɛ men baa du? A daga fanɛ men baa kɔ kebaawɔtɔ cheembi a wɔ kabɔrɛŋana be kebaawɔtɔ to

2 Pita 3:14

Amoso, n teri shasoana, ŋkpal men ka bee keni le be kesheŋ ere ekpa so, men baa wora ania ga a la basa nɛ Ebɔrɛ maaŋ wu kulubi bumo so nɛ b maŋ kɔ saŋgre kikɛ nɛ menyi nɛ mo malɛ e naa kɔ kagbenewushi abar so.

Juud 1:3

Ma beshapo, k daa wɔ ma kagbene to nna ga fanɛ n sibɛ ŋ kaŋɛ menyi kumɔlga mo nɛ an kikɛ kɔ na be asheŋ, ama n naŋ wu fanɛ a daga fanɛ n sibɛ menyi ŋ kule menyi ga fanɛ men baa wora ania a kɔ a sa abɔrɛsheŋ mo nɛ an yirda nɛ Ebɔrɛ ta kela koŋwule pati m bɔɔ mbe basa laraso enɔ na.