Filipaiebi 1:26 - EBƆRƐ BE KAWƆL

²⁶ Saŋɛ na so, ŋ ka naŋ ba men kutɔ menyeeŋ bɔla Kristo Yesu so n nya ekpa m puchi n ti so ŋkpal ma so.

Filipaiebi 1:26 ပူးပေါင်းရင်းမြစ်များ

Sɔlɔmɔn 5:1

M ba ma kudɔbi to, ŋ jipo, nɛ ma kejafɔ. N chala ma etulale nɛ asɔ dufɛso Ŋ ji ma mushoŋkɔrfɔ nɛ mushoŋchu; nseŋ nuu ma nsa belbelso nɛ kenyipochu. Ji nseŋ nu kanaŋkama so nɛ fee sha; shin nɛ kasha e boo fo.

Baru lela nɛ Jɔn kute na 16:22

To, loŋ nɛ k du n sa menyi alɛ gba. Naniere bre, men be ŋgbene jija menyi nna, ama a wora gbrɛ, meeŋ naŋ wu menyi nɛ menyi be ŋgbene e fuli menyi nɛ esa kikɛ malɛ maaŋ tiŋ n lara loŋ be kagbenefuli na ashi menyi to.

Baru lela nɛ Jɔn kute na 16:24

Hale m ba fo mbre, men maŋ naŋ ta ma ketre ŋ kule shɛŋ. Men kule nseŋ nya nɛ menyi be ŋgbene e fuli menyi m baŋ so.

2 Kɔrintebi 1:14

Kumo e la fanɛ menyeeŋ pin fanɛ menyeeŋ tiŋ ŋkpal anyi so n ji njɔŋ fanɛ kananɛ anyeeŋ kpal menyi so n ji njɔŋ Enyɛnpe Yesu be kachɛ na.

2 Kɔrintebi 5:12

To, kede bee ŋini fanɛ an naa sha kekpaŋ anyi be amu nna n sa menyi ŋko? Ayai, kusɔ nɛ anyee wora e la fanɛ anyee sa menyi ekpa nna nɛ men kpal anyi so n ji njɔŋ. Saŋɛ na so, menyeeŋ tiŋ n nya kusɔ ko ŋ kaŋɛ basa nɛ baa keni dimɛdi be eyilikpa nawule so a ji njɔŋ nsaa maa keni kusɔ nɛ k wɔ kagbene to na.

2 Kɔrintebi 7:14

N daŋ ji men be njɔŋ n sa mo, kashenteŋto malɛ, men maŋ ta anishinyɔr m mɔ ma. Men nyi fanɛ saŋkikɛ kashenteŋ nɛ anyee malga a sa menyi. Kumo koŋwule na nɛ njɔŋ mo nɛ n ji n sa Taites na bɔla ekpa na.

2 Kɔrintebi 7:4

Ma yirda shi menyi so ga nɛ mee ji njɔŋ ga ŋkpal menyi so. Ma kagbene kikɛ baa dese ma nna, hale anyi be kekɔrfɛ ere kikɛ to, ma kagbene baŋ fuli ma nna parr.

2 Kɔrintebi 7:6

Ama Ebɔrɛ nɛ e bee wushi kagbenejijawuraana na, wushi anyi be ŋgbene ŋkpal Taites ka ba so.

Galeeshaebi 6:4

Ekama e baa keni mo gbagba be asheŋ woraso to a nyi kananɛ a du, nɛ a baa walɛ, e chɔrɔ mbe kumu. Ama e sa maa ta mbe asheŋ woraso a kesar esa pɔtɛ peya so.

Filipaiebi 3:1

Ŋ kurgepoana, ma lalaloge be kamalga nde fanɛ Enyɛnpe e sa menyi kagbenefuli nɛnɛ. Kashenteŋto, ma kenaŋ n sibɛ asheŋ koŋwule ere gbagba n sa menyi maŋ tir ma, kumo be loŋ malɛ e naaŋ chɛ menyi to gba.

Filipaiebi 3:3

Ŋkpal manɛ so, anyi e la kashenteŋ be katutukuebi a bɔla Ebɔrɛ be Kiyoyu na so a bunyaŋ mo nsaa ji anyi be ŋkpa nɛ an kɔ ashi Kristo Yesu to ere be njɔŋ. Anyi nɛ anyee wora asheŋ ere maa ta anyi be yirda a wɔtɔ eyur ere be kedulgi to.

Filipaiebi 4:10

Ma kagbene bee fuli ma ga ashi Enyɛnpe to fanɛ men ka naŋ lɔŋɛ n fara nɛ men chɛ ma to so. Kashenteŋto, ma asheŋ wɔ men be ŋgbene to, ama ekpa nɛ men maŋ nya nɛ men ŋini kumo be loŋ.

Filipaiebi 4:4

Men shin nɛ men be ŋgbene e baa fuli menyi ashi Enyɛnpe to saŋkikɛ. Kashenteŋto, meeŋ naŋ lɔŋɛ ŋ kaŋɛ loŋ fanɛ: Men shin nɛ men be ŋgbene e baa fuli menyi.