Filipaiebi 1:22 - EBƆRƐ BE KAWƆL

²² Ama nɛ fanɛ ŋ ka wɔ ŋkpa to ere nɛ meeŋ tiŋ n shuŋ ashuŋ nɛ a kɔ kifito bre, kumo ere m maŋ nyi asɔ anyɔ na to be kumo nɛ meeŋ lara.

Filipaiebi 1:22 ပူးပေါင်းရင်းမြစ်များ

Jɛnesis 21:26

Ndoŋ nna nɛ Abimelɛk kaŋɛ Eebraham le: “Ma ere maŋ nyi esa nɛ e wora loŋ. Naniere nɛ m baa nu kumo be asheŋ na, ŋkpal manɛ so, fo maŋ wule ŋ kaŋɛ ma.”

Jɛnesis 39:8

Nɛ Josɛf kini nseŋ kaŋɛ kache na: “Ŋ ka bee ji kejuŋkpar laŋ ere to ere, n nyɛnpe maŋ naa fɔŋ shɛŋ so, kusɔ kama nɛ e kɔ e ta kumo nna m bɔɔ ma enɔ.

Nshɛ 71:18

Naniere, nɛ m bel n fuli kumu, sa maŋ pal kaman n sa ma, O Ebɔrɛ. Shin nɛ m baa kraa wɔtɔ a malga fo eleŋgboŋ be asheŋ a sa kaman to ebi nɛ baa ba na.

Ɛksodɔs 32:1

Mosis ka daŋ chɛr kebee na so nsaa maŋ ba manaŋ na nɛ basa na ba shɛr ŋ kulti Ɛɛrɔn nseŋ kaŋɛ mo: “Koso n lɔŋɛ ebɔrɛ ko n sa anyi nɛ e baa juŋkpar anyi. Ŋkpal manɛ so, anyi maŋ nyi kusɔ nɛ k wora Mosis, nɛ e juŋkpar anyi n lar Ijipt be kasawule so na.”

Ashuŋ Shunso 3:17

To, ŋ kurgepoana, n nyi fanɛ kusɔ nɛ menyi nɛ menyi be benimuana wora Yesu na daa la kamaanyi be kusɔ nna.

Romebi 1:13

Bekurgepoana, mee sha fanɛ men baa nyi fanɛ saŋɛ damta nɛ ŋ kre keba menyi kutɔ be nia nɛ m ba shin nɛ basa e yirda Yesu kananɛ n shin nɛ nnyamase ko gba wora ashi mboŋ ko na, ama m maŋ nya kumo be ekpa.

Romebi 11:2

Ebɔrɛ maŋ kini mbe basa nɛ e lara dra dra na kikɛ kuraa. Men nyi kusɔ nɛ abɔrɛsibɛ na bee kaŋɛ ashi kakpa nɛ a bee malga anebi Elaija be asheŋ fanɛ kananɛ e ta kenishipere ŋ kule Ebɔrɛ ŋ gbiti Israɛlebi na ŋko? E yɛ:

2 Kɔrintebi 10:3

Kashenteŋ nna fanɛ durnya ere to nɛ an wɔ, ama mannɛ durnya ere to be kena nɛ anyee kɔ.

Galeeshaebi 2:20

Ma nɛ Kristo nɛ b daŋ gbir m mata kedibi largato so, amoso, mannɛ ŋ gbagba e naa wɔtɔ, Kristo e wɔ ma to. Kebaawɔtɔ nɛ ŋ kɔ a wɔtɔ ere, keyirda Ebɔrɛ Pibinyɛn nɛ e sha ma n ta mbe kumu n sa ma na to nɛ n wɔ.

Filipaiebi 1:23

M baŋ ki nna cham a wɔ asɔ anyɔ na to be nferinto, ŋkpal manɛ so, kusɔ nɛ mee sha e la kelar durnya ere to n ya kaa wɔ Kristo kutɔ, kusɔ nɛ k baa bɔ malɛ nna na.

Filipaiebi 1:24

Ama ma alɛ be kebaawɔ eyur ere to e bɔ n sa menyi.

Kɔlɔsiebi 2:1

Mee kaŋɛ menyi kesheŋ ere nna ŋkpal ŋ ka bee sha men ka pin kananɛ mee mɔ ma kumu a sa menyi nɛ bumo nɛ b wɔ Laodisiya nɛ bumo nɛ b maŋ naŋ wu ma kikɛ na,

1 Pita 4:2

Nɛ loŋ malɛ baŋ wora, loŋ be esa na maŋ naa kɔ mbe durnya ere to be kebaawɔtɔ a wɔ edimɛdi be ayɛlgasɔ lubiana to, ama Ebɔrɛ be aparsheŋ to nɛ e kɔ mbe kebaawɔtɔ a wɔ.