Filipaiebi 1:20 - EBƆRƐ BE KAWƆL

²⁰ Kusɔ nɛ m baa sha ga nsaa tama e la fanɛ m maaŋ pɔ aba ashi ma kushuŋ to, ama saŋkama, fɔnfɔŋ naniere meeŋ baa kɔ kenyɛn nɛnɛ, saŋɛ na so nɛ n wu nna ŋko n wɔ ŋkpa to nna meeŋ ta ma eyur ere kikɛ m bar Yesu Kristo bunyaŋ.

Filipaiebi 1:20 ပူးပေါင်းရင်းမြစ်များ

Nshɛ 119:116

Sa ma eleŋ fanɛ kananɛ fo nase kɔnɔ na nseŋ shin nɛ m baa wɔ ŋkpa to. Sa maŋ shin nɛ ma tama e to jiga nɛ n ji anishinyɔr.

Nshɛ 119:80

Shin nɛ m baa sa fo mbraana bunyaŋ kashenteŋto, saŋɛ na so, m maaŋ ji anishinyɔr.

Nshɛ 25:2

Ma Ebɔrɛ, fo nɛ n yirda. Sa maŋ shin nɛ n ji anishinyɔr, ŋko n shin nɛ ma doŋana e pɔɔ ma so.

Nshɛ 62:5

Enyɛnpe Ebɔrɛ na nawule e naa sa kagbenewushi; amoso mo so nɛ ma tama yil so.

Aŋasa 10:28

Basa lela be kanya bee bar kagbenefuli nna, ama belubiworapo bre maaŋ nya kusɔ nɛ baa tama kikɛ.

Aŋasa 23:18

Nɛ fo wora loŋ bre, asheŋ beeŋ nyalɛ n sa fo echefoso.

Aizaaya 45:17

Ama Enyɛnpe Ebɔrɛ na mɔlga Israɛl be basa bre, nɛ b kɔ m pɔɔ so mbaanaayɔ. Bumo be basa malɛ maaŋ ŋaba kikɛ.

Aizaaya 50:7

Enyɛnpetale Ebɔrɛ na ka bee chɛ ma to so, bumo be katege maaŋ tiŋ n shin nɛ n ji anishinyɔr. Amoso mee leŋ ma kumu to nna, ma alɛ maa sa bumo kashuli. Ŋkpal manɛ so, n nyi fanɛ m maaŋ ji anishinyɔr.

Aizaaya 54:4

Men sa maa ŋana kufu ŋko anishinyɔr. Menyi alɛ e sa maŋ pɔ aba kikɛ. Men teŋ menyi be kebifɔlbi to be asheŋ lubi na so. Men sa maŋ shin nɛ menyi be kebaawɔtɔ nɛ k du fanɛ ekulpoche be kebaawɔtɔ na e baa keta menyi nyɔmɔ.

Baru lela nɛ Jɔn kute na 21:19

Yesu daŋ kaŋɛ le nna a ŋini luwu mo nɛ Pita daa beeŋ wu m maŋkura Ebɔrɛ na. Kumo be kaman nɛ e kaŋɛ Pita: “Bɛ ma so.”

Ashuŋ Shunso 20:24

Kusɔ nɛ k tir ma e la kananɛ meeŋ tiŋ n loge Enyɛnpe Yesu be kushuŋ nɛ e sa ma na. Kumo alɛ e la kebɔ Ebɔrɛ be kuwɔr be kakɛ na be baru lela na.

Ashuŋ Shunso 21:13

Nɛ e bishi bumo: “Manɛ so nɛ menyee wora le ere nsaa shu le a jija ma kagbene? Ŋkpal Enyɛnpe Yesu so meeŋ shuli fanɛ b mɔ ma ashi Jerusalɛm to gba, a bishi kekre ma ndoŋ.”

Ashuŋ Shunso 4:31

B ka loge bumo be kabɔrɛkule na nɛ bumo be nshɛrkpa na kikɛ fara a gbuŋgbuŋ to nɛ Kiyoyu Cheeŋ na luri m bɔlɔ bumo kikɛ to nɛ b fara a bɔ Ebɔrɛ be kubɔya na kenyɛnso a sa basa.

Romebi 12:1

To, ŋ kurgepoana, ŋkpal Ebɔrɛ be kuwɔr be kakɛ damta nɛ e wu anyi na so, mee kule menyi nna nɛ men ta menyi be amu n sa Ebɔrɛ fanɛ sarga nɛ k wɔ ŋkpa to a du cheembi a par Ebɔrɛ. Menyi be kabɔrɛshuŋ nɛ men kɔ a di Ebɔrɛ epaŋ nna na.

Romebi 5:5

Ebɔrɛ bɔla Kiyoyu Cheeŋ nɛ e la Ebɔrɛ be kakɛ nɛ e kɔ a sa anyi na so nna n ta mbe kasha m bɔlɔ anyi be ŋgbene to.

Romebi 6:13

Menyi alɛ e sa maŋ naa shin nɛ menyi be eyurana be mba kama malɛ gba e naa wora kulubi nɛ men baa kɔ loŋ be kaba na a wora edalubisheŋ. Kusɔ nɛ k daga fanɛ men wora e la fanɛ men ta menyi be amu m bɔɔ Ebɔrɛ enɔ fanɛ basa nɛ b shi luwu to m ba luri ŋkpa to. Men ta menyi be eyurana kikɛ m bɔɔ mo enɔ nɛ e ta n shuŋ ashuŋ lela.

Romebi 6:19

Enyiŋgbasa be nfɛra be kaplɛa so nɛ mee ber kesheŋ ere a sa menyi nna, ŋkpal manɛ so, loŋ e naaŋ shin nɛ men pin amo to. Saŋko men daŋ ta menyi be amu kikɛ nna nyam ŋ ki kusɔjigaya nɛ dalubisheŋ be anya a wɔtɔ a wora asheŋ nɛ a maŋ daga. Naniere loŋ koŋwule na e daga fanɛ men naŋ ta menyi be amu kikɛ nyam ŋ ki alelasheŋ be anya a wɔtɔ a wora asheŋ nɛ a daga a du cheembi.

Romebi 8:19

Ebɔrɛ be kepɔrso kikɛ nyam malɛ baa jɔŋ kumo be aya so nna a jo saŋɛ nɛ Ebɔrɛ beeŋ lara mbe mbia efuli na.

Romebi 9:33

Kumo be asheŋ nɛ abɔrɛsibɛ na bee kaŋɛ fanɛ Ebɔrɛ kaŋɛ le na: “Men keni, kejembu nɛ n ta n nase Zayɔn nɛ k bee shin nɛ basa bee fiti kumo na, kumo e la fanɛ kefalta nɛ baaŋ fiti n tɔr na. Ama ekama nɛ e yirda mo Yesu na bre maaŋ ji anishinyɔr kikɛ.”

1 Kɔrintebi 15:31

Ŋ kurgepoana, mee kaŋɛ menyi nna fanɛ kachɛ kama mee wu nna. Kede malɛ baa kɔ kashenteŋ nna fanɛ kananɛ mee wu ma kumu ŋkpal men ka la Kristo Yesu, an Nyɛnpe peya na so.

1 Kɔrintebi 6:20

Ŋkpal manɛ so, kukɔ damta nɛ Ebɔrɛ ka n tɔ menyi. Amoso, men ta men be eyurana ere a maŋkura Ebɔrɛ.

1 Kɔrintebi 7:34

nɛ mbe nfɛra bee wora mo anyɔnyɔ. Eche nɛ e maŋ kɔ ekul ŋko eche mo nɛ e maŋ nyi enyɛn be nfɛra wɔ Enyɛnpe be asheŋ to so nna nɛ e bee fɛ kananɛ e beeŋ wora n wora a du cheembi ashi mbe eyur nɛ mbe kiyoyu to be asheŋ. Ama eche kilpo be nfɛra wɔ durnya ere to be asheŋ to so nna a fɛ kananɛ e beeŋ wora n wora mo kul be aparsheŋ.

2 Kɔrintebi 10:8

Hale nɛ m puchi eleŋ nɛ Enyɛnpe sa anyi fanɛ an ta a chɛ menyi to nɛ men baa yɔ anishito, mannɛ fanɛ an ta n jija menyi na so n ti so gba, k maaŋ pɛ ma anishinyɔr kikɛ.

2 Kɔrintebi 3:12

Ŋkpal an ka kɔ le be tama ere so, an kɔ kenyɛn nɛ an baa wora asheŋ.

2 Kɔrintebi 4:10

Saŋkikɛ an kɔ Yesu be luwu nna an be eyurana to a na, saŋɛ na so Yesu na be ŋkpa gba beeŋ baa lar anyi be eyurana to a ŋini basa.

2 Kɔrintebi 5:15

Mo alɛ wu nna n sa ekama, saŋɛ na so, bumo nɛ b wɔ ŋkpa to na maaŋ naa wɔtɔ ŋkpal bumo gbagba be amuana so, ama baaŋ baa wɔtɔ nna ŋkpal esa nɛ e kpal bumo so n wu nɛ Ebɔrɛ tiŋi mo luwu na to na so.

2 Kɔrintebi 7:14

N daŋ ji men be njɔŋ n sa mo, kashenteŋto malɛ, men maŋ ta anishinyɔr m mɔ ma. Men nyi fanɛ saŋkikɛ kashenteŋ nɛ anyee malga a sa menyi. Kumo koŋwule na nɛ njɔŋ mo nɛ n ji n sa Taites na bɔla ekpa na.

2 Kɔrintebi 7:4

Ma yirda shi menyi so ga nɛ mee ji njɔŋ ga ŋkpal menyi so. Ma kagbene kikɛ baa dese ma nna, hale anyi be kekɔrfɛ ere kikɛ to, ma kagbene baŋ fuli ma nna parr.

Filipaiebi 1:14

Ŋkpal loŋ be kabuti na malɛ so, bekurgepo be bedamta be keyirda Enyɛnpe na wora eleŋ nna n ti so nɛ baa nya kagbene a ti so a wɔtɔ a bɔ kubɔya na kenyɛnso.

Filipaiebi 2:17

Nɛ fanɛ b lara ma ŋklaŋ ere ma to n chulgi amo n wurge n ti men be yirda nɛ men kɔ a deŋi Ebɔrɛ so fanɛ sarga na so gba, k par ma. Ma alɛ beeŋ tu menyi a kɔ kagbenefuli.

Kɔlɔsiebi 1:24

Naniere ma kagbene fuli ma ŋkpal awurfoŋ nɛ mee ji ŋkpal menyi so na so. Awurfoŋ nɛ Yesu Kristo kaŋɛ fanɛ meeŋ ji na be tɔrɔ nɛ mee ji a bɔlɔ mbe tɔrɔ na so na ŋkpal mbe asɔriebi, bumo nɛ baa tre Yesu Kristo be eyur na so.

1 Tɛsalɔnikaebi 5:23

Ebɔrɛ nɛ e bee sa kagbenewushi na e wora menyi cheembi n shin nɛ menyi be amu kikɛ nɛ kiyoyu nɛ kagbene nɛ eyur e lar kulubi kikɛ to jemanɛ nɛ anyi nɛ Enyɛnpe Yesu Kristo beeŋ ya ba na.

1 Pita 4:16

Ama nɛ men luri tɔrɔ to ŋkpal men ka la bebɛsopo so, men sa maŋ shin nɛ k baa wora menyi anishinyɔr. Men baa di Ebɔrɛ epaŋ ŋkpal men ka bee ji mbe ketre so.

1 Jɔn 2:28

To, naniere ma mbi shasoana, men baa kraa wɔ mo to, saŋɛ na so, e kaŋ ba, anyi maaŋ baa shika to kikɛ, anyi alɛ maaŋ naŋ ji anishinyɔr mbe anishito ŋkpal menyi so.