Filipaiebi 1:17 - EBƆRƐ BE KAWƆL

¹⁷ Ama bumo na bre maa bugi ŋgbene a bɔ Kristo na be asheŋ, kajɛ be ketresha so nɛ baa bɔ kubɔya na a fɛ fanɛ nɛ b wora loŋ baaŋ shin nɛ n nya tɔrɔ n ti so ashi ma kabuti ere to.

Filipaiebi 1:17 ပူးပေါင်းရင်းမြစ်များ

Luuk 21:14

Men baa nyi geeŋ menyi be ŋgbene to fanɛ a maŋ daga men ka beeŋ chena n fɛ kananɛ menyeeŋ malga be asheŋ.

Ashuŋ Shunso 22:1

“M braana nɛ n tutoana, men lo to n nu ma kamalga nɛ mee sha kemalga ŋ kuŋ ma kumu ashi menyi kutɔ ere.”

Ashuŋ Shunso 26:1

Nɛ Agripa kaŋɛ Pɔɔl: “N sa fo ekpa nɛ fo malga ŋ kuŋ fo kumu.” Nɛ Pɔɔl teŋi mbe enɔ to nseŋ fara a malga le a kuŋ mbe kumu:

Ashuŋ Shunso 26:24

Pɔɔl ka yili a malga le a kuŋ mbe kumu na nɛ Fɛstes ponte mo so ŋ kaŋɛ: “Pɔɔl, keyeŋiyeŋi e kɔ fo na. Fo kawɔl be kenyi damta ere e naa shin nɛ keyeŋiyeŋi tɔr fo so na.”

Romebi 2:8

Ama bumo nɛ b wɔ bumo gbagba be aparsheŋ to a kini kashenteŋ na be kebɛso nsaa bɛ alubi so na, Ebɔrɛ be kagbene beeŋ kaa nɛ mbe agbo e ba bumo so.

Filipaiebi 1:18

Ama le be asheŋ ere malɛ tir nna a? Ayai, a maŋ tir, kumo alɛ bee par ma, ŋkpal manɛ so, nɛ basa kɔ kebirkɔnshi be nfɛra nna a bɔ kubɔya na ŋko b kɔ nfɛra lela nna a bɔ kumo, kusɔ nɛ k bee lar amo kikɛ to e la fanɛ baa bɔ Kristo be asheŋ nna a sa basa. Kumo be loŋ malɛ so nɛ ma kagbene bee fuli ma na.

Filipaiebi 1:7

Saŋkama men be asheŋ baa wɔ ma kagbene to nna, amoso, k baŋ dii efuli nna fanɛ meeŋ baa fɛ le be nfɛra ere a yɔ men be kaplɛa so. Ŋkpal manɛ so, men kikɛ tu ma nna n nya kuwɔr be kakɛ nɛ Ebɔrɛ sa ma naniere ashi ma kabuti ere to nɛ saŋɛ nɛ n daa wɔ ma kumu a wɔtɔ a kɔ a fin baru lela na be kelela nseŋ naa malga a ŋini basa fanɛ kashenteŋ wɔ Kristo to na.

Filipaiebi 2:3

Sa maŋ ta kejimuni be ketresha n juŋkpar n wora asheŋ, fo alɛ e sa maa kɔ kamoowu fuloŋ. Ama baa bar fo kumu kaseto kusɔ kama to a ta basa fanɛ bumo e bɔ fo.

1 Timoti 2:7

Amoso nɛ Ebɔrɛ lara ma fanɛ m baa la eshuŋipo nɛ nnyamase be eŋinipo a bɔ yirda nɛ kashenteŋ be kubɔya na. M maa fule nna, kashenteŋ nɛ mee ji.

2 Timoti 2:9

Baru lela na malɛ so nɛ mee ji awurfoŋ ere hale a wɔ ŋgbuliŋ to fanɛ esa nɛ e wora kulubi ko na. Ama esa malɛ kikɛ maaŋ tiŋ n wɔtɔ Ebɔrɛ be kamalga bre kegbuleŋ.

2 Timoti 4:16

Kachɛ nɛ n fara m malga nɛ m mɔlga ma kumu na, ekama shile ma nna. Ebɔrɛ e ta m paŋ bumo.