Filipaiebi 1:13 - EBƆRƐ BE KAWƆL

¹³ Ŋkpal manɛ so, naniere k baŋ dii efuli ewurkpa be bekumpo kutɔ nɛ bekama nɛ b wɔ nfe ere kutɔ nna fanɛ Kristo na so e shin nɛ n wɔ kabuti ere to.

Filipaiebi 1:13 ပူးပေါင်းရင်းမြစ်များ

Ashuŋ Shunso 26:29

Nɛ Pɔɔl kaŋɛ: “Nɛ fo ki Kristo be ebɛsopo epul ere to ŋko kachako so gba, kusɔ nɛ mee kule Ebɔrɛ e la fanɛ e shin nɛ fo nɛ bumo nɛ b yil nfe kabre a nu kamalga ere e ba ki kananɛ n du ere. Kusɔ nɛ m maa kule nɛ men nya e la kananɛ n wɔ ŋgbɛlɛbi to ere.”

Ashuŋ Shunso 26:31

“Kanyɛn ere maŋ wora kusɔ kama nɛ k daga mbe luwu ŋko kabuti.”

Ashuŋ Shunso 28:17

Pɔɔl be kachɛ sasopo ashi Rom nɛ e tre ndoŋ be Juwebi be benimuana na m ba shɛr ŋ kaŋɛ bumo: “Ŋ kurgepoana, m maŋ wora shɛŋ n da anyi be basa ŋko edaŋkare nɛ an nanaana sa anyi na so nɛ m peebi ti ma ebu ashi Jerusalɛm nseŋ naŋ ta ma m bɔɔ Romebi enɔ.

Ashuŋ Shunso 28:20

Amoso nɛ n tre menyi nɛ ŋ kaŋɛ menyi amo na. Esa nɛ Israɛlebi na bee tama fanɛ e beeŋ ba na malɛ so nɛ ŋgbɛlɛbi ere wɔ ma enɔana to na.”

Ashuŋ Shunso 28:30

Pɔɔl be nfɛ anyɔ nɛ e sɔ esa ko be ebu a wɔtɔ a ka ebu na wura. Ndoŋ nɛ e daa wɔ a sɔ basa kama nɛ b daa ba m ba kaa chɔrɔ mo.

Ɛfesesebi 3:1

Ŋkpal le so nɛ ma Pɔɔl la Kristo Yesu be kabutipo ŋkpal menyi nnyamase so.

Ɛfesesebi 4:1

Ma Pɔɔl nɛ n wɔ kabuti to ŋkpal Enyɛnpe so na e naa leŋ menyi to a kaŋɛ menyi fanɛ men baa kɔ kebaawɔtɔ nɛ k maa ji ketre nɛ Ebɔrɛ tre menyi na emɔrɔ.

Ɛfesesebi 6:20

Baru lela na malɛ be katelamuyilipo e la ma nɛ n wɔ kabuti to na. Men baa kule Ebɔrɛ a sa ma nɛ m baa tiŋ a kɔ kenyɛn a bɔ baru lela na a sa basa fanɛ kananɛ k daga fanɛ m baa wora.

Filipaiebi 1:30

To, menyi alɛ gba tu mo nna a kɔ nna na. Kekɔ koŋwule nɛ men daŋ wu ŋ ka kɔ dra dra na koŋwule na nɛ ŋ kraa kɔ nɛ menyee nu kumo be asheŋ na.

Filipaiebi 1:7

Saŋkama men be asheŋ baa wɔ ma kagbene to nna, amoso, k baŋ dii efuli nna fanɛ meeŋ baa fɛ le be nfɛra ere a yɔ men be kaplɛa so. Ŋkpal manɛ so, men kikɛ tu ma nna n nya kuwɔr be kakɛ nɛ Ebɔrɛ sa ma naniere ashi ma kabuti ere to nɛ saŋɛ nɛ n daa wɔ ma kumu a wɔtɔ a kɔ a fin baru lela na be kelela nseŋ naa malga a ŋini basa fanɛ kashenteŋ wɔ Kristo to na.

Filipaiebi 4:22

Ebɔrɛ be basa nɛ b wɔ nfe ere kikɛ, fɔnfɔŋ bumo nɛ b shi Romebi be ewurgboŋ pe na bee chɔrɔ menyi.

2 Timoti 2:9

Baru lela na malɛ so nɛ mee ji awurfoŋ ere hale a wɔ ŋgbuliŋ to fanɛ esa nɛ e wora kulubi ko na. Ama esa malɛ kikɛ maaŋ tiŋ n wɔtɔ Ebɔrɛ be kamalga bre kegbuleŋ.