Ɛzra 9:9 - EBƆRƐ BE KAWƆL

⁹ An daa la anya nna, ama fo maŋ yige anyi kenyaya na to. Fo shin nɛ Pɛshiya be bewura wu anyi kuwɔr nseŋ shin nɛ an kraa wɔ ŋkpa to hale nɛ m ba nya ekpa nɛ an ba lɔŋɛ m pɔr fo bɔrɛlambu nɛ k daŋ ki kelambure a dese na. Kumo be kaman, an naŋ nya anyi be amu a wɔ Juda be efuli so nɛ Jerusalɛm be kade to.

Ɛzra 9:9 ပူးပေါင်းရင်းမြစ်များ

Ɛzra 2:68

Basa na ka fo kakpa nɛ Enyɛnpe Ebɔrɛ be bɔrɛlambu na daa yil ashi Jerusalɛm to na nɛ nnaŋ be benimuana na bugi ŋgbene n lara keparso be esarga n sa fanɛ b ta n lɔŋɛ bɔrɛlambu na m pɔr n yili kumo be epul dra na to.

Ɛzra 7:6

Ɛzra daŋ shi Babilɔn be efuli so nna m ba Jerusalɛm. E daa la eŋinipo nɛ e daa nyi Israɛl be Ebɔrɛ na be mbra nɛ e ta m bɔla Mosis so n sa mbe basa na ga nna. Ewura na daŋ sa Ɛzra kusɔ kama nɛ e daŋ kule mo na nna ŋkpal Ebɔrɛ be nɛfa ka daa wɔ mo so so.

Ɛzra 7:8

Loŋ be kafɛ shunusopo na be kufɔl nusopo na to nɛ Ɛzra bɛta m ba Jerusalɛm.

Ɛzra 9:10

O Ebɔrɛ, asheŋ nɛ a wora ere kikɛ be kaman, manɛ nɛ anyeeŋ naŋ kaŋɛ? Ŋkpal manɛ so, anyi maŋ wora m bɛ fo

Nehemaya 2:17

Ama ŋ ka bɛta n yɔ na nɛ n ya kaŋɛ bumo le: “Menyi alɛ gba wu tɔrɔ nɛ an wɔ kumo to ŋkpal Jerusalɛm ka bure a dese nɛ kumo be mbunagboŋana kikɛ chɔɔ n tɔr nna na! Men wora ania n shin nɛ an pɔr kadegboŋ ere be egbalana nɛ a tɔr ere, saŋɛ na so anyi maaŋ naŋ ji anishinyɔr.”

Nshɛ 109:12

Sa maŋ shin nɛ mbe asheŋ e baa tir esa kikɛ, ŋko n shin nɛ esa ko e sɔ mbe amunibi m bela kikɛ.

Nshɛ 138:7

Nɛ etɔrɔ baŋ kulti ma n wɔtɔ gba, fo e naa kuŋ ma ashi bedoŋ nɛ b nya agbo n wɔtɔ ma be enɔ to. Fo gbagba be enɔ lempo na e naa shin nɛ mee nya ma kumu a ji.

Aizaaya 14:3

Enyɛnpe Ebɔrɛ na beeŋ sɔ Israɛl be basa na n yige ashi ebesa nɛ awurfoŋ nɛ kenyaya to.

Aizaaya 5:2

N teri na daŋ pulgi kasawule na to nna, n tise kumo so be ajembu kikɛ pɔɛŋ; nseŋ duu afeelebi lela kumo so. Kumo be kaman nɛ e pɔr egbal a kuŋ amo, nseŋ pɔr ebu jeŋgreŋ ko nɛ baaŋ baa yili so a keni kudɔ na nseŋ kur kemaŋ nɛ baaŋ baa nyaŋ asɔrso na a wɔtɔ. E daa tama fanɛ asɔrso na beeŋ wora nɛnɛ nseŋ pere a wɔ ebel nna, ama amo kikɛ daa du nyaŋnyaŋ nna.

Aizaaya 5:5

Kusɔ nɛ meeŋ wora ma ndibi sɔrso be kudɔ na e la fanɛ, meeŋ lara kunji nɛ k kulti kumo na nseŋ bure egbal nɛ k bee kuŋ kumo na nna, nɛ kupuŋ to be asɔbɔya e ba ji ndibi sɔrso na nseŋ chichi amo so m mata kasawule.

Aizaaya 61:4

Kumo be kaman nɛ b lɔŋɛ m pɔr ndegboŋ nɛ a bure n dese dra dra na kikɛ na.

Ezikɛl 11:16

Ama kusɔ nɛ mee sha fanɛ fo, Ezikɛl, e kaŋɛ Israɛl be basa nɛ b wɔ Babilɔn be efuli so na e la fanɛ, ma e shin nɛ b yɔ efuli pɔtɛ so kufɔ kufɔ n ya pesaŋ to a wɔtɔ na. Ama naniere, ma nɛ menyi e naŋ baa la ashi efuliana nɛ men wɔ amo so na.

Danɛl 9:25

A daga fo ka pin fanɛ yili saŋɛ nɛ ebɔl beeŋ ba kenishipereso fanɛ b naŋ lɔŋɛ Jerusalɛm m pɔr na, n ya fo saŋɛ nɛ ejuŋkparpo nɛ Ebɔrɛ lara na beeŋ ba na beeŋ baa la nfɛ adushunu be ntuŋ ashunu nna. Kumo be saŋɛ so baaŋ lɔŋɛ abɔrbi ashi Jerusalɛm to nseŋ kur kemaŋ ŋ kulti kumo a kuŋ kumo nɛ k yili n ya fo nfɛ shunu be ntuŋ adeshe nɛ anyɔ. Ama etɔrɔsheŋ damta beeŋ baa wɔ kumo to.

Heegai 1:9

Men daa tama keteŋi asɔ damta nna, ama asɔ gbrɛbi nɛ men nya n teŋi. Menyi alɛ ka naŋ bar asɔ nɛ men teŋi na epe, nɛ n shin nɛ afu ba ber amo n yɔ. Manɛ so nɛ n wora loŋ? Ŋkpal ma bɔrɛlambu ka bure a dese nɛ men pere kenishi a pɔr menyi be nwuana so.

Zakareya 2:5

Enyɛnpe Ebɔrɛ na nase kɔnɔ fanɛ mo gbagba beeŋ ki fanɛ edɛ be egbal ŋ kulti kadegboŋ na a kuŋ kumo nsaa la kumo be kemaŋkura ashi kumo to.”