Ɛzra 9:6 - EBƆRƐ BE KAWƆL

⁶ nseŋ kule Ebɔrɛ ŋ kaŋɛ: “O ma Ebɔrɛ, k kɔ ma nyɔmɔ nɛ anishinyɔr nna fanɛ ŋ ka beeŋ maŋ ma enɔ so fo anishito, ŋkpal manɛ so, anyi be alubi shi m baŋ anyi so hale n dii n ya fo ebɔrɛso gba kuraa.

Ɛzra 9:6 ပူးပေါင်းရင်းမြစ်များ

Jɛnesis 13:13

Sodɔmebi malɛ daa la dalubiwuraana nna nseŋ daa wora alubi ga a gbiti Enyɛnpe Ebɔrɛ na.

1 Bewura 8:47

fo nu fo basa be kabɔrɛkule. Nɛ fanɛ b chɛrga bumo be nfɛra nseŋ kule fo a bugi to a kaŋɛ bumo be alubi kananɛ b la basa lubi nɛ kananɛ b la amu kpakpasowuraana ashi efuli na so, kumo ere Enyɛnpe Ebɔrɛ, fo nu bumo be kekule.

2 Kronikɛls 28:9

Kede be kaman nɛ kanyɛn ko nɛ baa tre Odɛd nɛ e la Enyɛnpe Ebɔrɛ be anebi a wɔ Samɛria be kade to na lar n ya shɛr Israɛlebi be benapo nɛ b keta Juda b basa nɛ b pɛ kena to a ba Samɛria na to, saŋɛ so nɛ b daa shin nɛ b luri kade to na, nseŋ kaŋɛ bumo le: “Enyɛnpe men nananyɛnana be Ebɔrɛ na daŋ nya agbo nna n wɔtɔ Juda nseŋ shin nɛ men kɔ m pɔɔ bumo so, ama mo alɛ naŋ wu kananɛ men maŋ wu bumo kuwɔr nseŋ mɔ bumo alegaiso.

Ɛzra 9:13

Kusogberge nɛ k ba anyi so ŋkpal anyi be alubi so ere kikɛ be kaman, an wu fanɛ fo, anyi be Ebɔrɛ na, kraŋ shu anyi so nna. Ŋkpal manɛ so, mannɛ kasogberge nɛ k daga anyi nɛ fo sa anyi na. Fo kraŋ shin nɛ anyi to be beko kraa wɔ ŋkpa to.

Ɛzra 9:15

Enyɛnpe Israɛl be Ebɔrɛ, kashenteŋ jipo e la fo. Fo maŋ shin nɛ an mur, ama fo shin nɛ an ji ŋkpa. Anyee shuli kewora n jija fo anishito nsaa nyi fanɛ an daa maŋ kɔ ekpa nɛ an ba fo anishito gba kuraa.”

Nehemaya 1:6

Enyɛnpe Ebɔrɛ, keni ma so nseŋ nu ma kekule ŋkpal kananɛ mee kule fo kapa nɛ kanyɛ ere a sa fo nyɛrbi Israɛlebi na so. N shuli fanɛ anyi Israɛlebi nɛ an nanaana kikɛ wora alubi ŋ gbiti fo.

Job be kawɔl 40:4

“Ma alɛ e la wanɛ nɛ n tiŋ n tuge fo mmalga? Mee wora ma kɔnɔ kare nɛ m malga ŋ kasar fo.

Job be kawɔl 42:6

Amoso nɛ ŋ gbagba be asheŋ bee nu ma agbo nɛ n tuba nseŋ chena nsunɔ to, a ŋini kebɔltofinfin nɛ k kɔ ma.”

Nshɛ 38:4

nɛ ma alubi wora ma so egbɛ hale a buri ma to.

Nshɛ 38:5

Ŋkpal ma kawuli so, ma eyur kikɛ kɔ achuu nɛ a bɛ a dufɛ nna.

Ɛksodɔs 32:31

Ndoŋ nna nɛ Mosis bɛta n yɔ Enyɛnpe Ebɔrɛ kutɔ n ya kaŋɛ mo: “Kashenteŋto, basa na wora kulubi gboŋgboŋi, ŋkpal manɛ so b ta shuwa n lɔŋɛ bumo gbagba be ebɔrɛ nsaa shuŋ kumo.

Aizaaya 1:18

Ade be kaman nɛ Enyɛnpe Ebɔrɛ na naŋ kaŋɛ le: “Naniere, men shin nɛ an ji kesheŋ na. Kulubi shin nɛ men pere kpeŋ fanɛ ŋklaŋ, ama meeŋ fɔr menyi so nɛ men fuli parr a chɔ ateebi.

Aizaaya 59:12

An wora alubi damta ŋ gbiti fo, Enyɛnpe Ebɔrɛ na. Anyi be alubi bee ji a bri anyi nna, nɛ anyi alɛ nyi amo kikɛ nyam be asheŋ.

Jɛremaya 3:3

Amoso nɛ ewule bee yili nɛ bɔrɛ maa ba na. Ama kananɛ sakaleche maŋ kɔ nyɔmɔ na nɛ menyi alɛ gba maŋ kɔ nyɔmɔ a laŋɛ kusɔ nɛ men wora na be kaplɛa so.

Jɛremaya 31:19

An daŋ shile fo nna, ama naniere anyi naa sha kebɛta m ba fo kutɔ nna. Fo ka gberge anyi kusoe na be kaman, nɛ kagbenejija tɔr anyi so nɛ an kurgi amu n yuu to. Nyɔmɔ daŋ pɛ anyi nna nɛ an ji anishinyɔr ŋkpal an ka wora alubi saŋɛ nɛ an daa la mbifɔlbi kikɛ na so.’

Jɛremaya 51:9

Nɛ befɔ nɛ b wɔ ndoŋ na kaŋɛ abar le: ‘An wora ania fanɛ anyeeŋ chɛ Babilɔn be efuli na to, ama asheŋ teŋ n jija. Amoso men shin nɛ an bɛta epe. Ebɔrɛ be eleŋgboŋ na so nɛ e bɔla ŋ gberge Babilɔn kusoe nseŋ mur kumo cheche na.’ ”

Jɛremaya 6:15

Ekishisheŋ nɛ baa wora na maa keta bumo nyɔmɔ. Kashenteŋto, anishinyɔr maŋ kɔ bumo gba; bumo alɛ be anishiakpa maa chɛrga a ŋini fanɛ kusɔ nɛ baa wora na be asheŋ tir bumo. Ŋkpal loŋ so, jemanɛ nɛ meeŋ gberge bumo kusoe na kaŋ fo, bumo alɛ gba beeŋ tɔr n wu fanɛ kananɛ beko daŋ tɔr n wu na. Bumo be ekar e naaŋ baa la na.”

Jɛremaya 8:12

Ma basa, anishinyɔr daŋ pɛ menyi nna ŋkpal men ka wora ekishisheŋ ere so a? Anishinyɔr daŋ maŋ pɛ menyi. Menyi maŋ kɔ nyɔmɔ gba kuraa. Ŋkpal loŋ so, menyi alɛ gba beeŋ tɔr fanɛ kananɛ beko daŋ tɔr na. Jemanɛ nɛ meeŋ gberge menyi kusoe na nɛ menyi be kusɔ kama beeŋ fo ekar. Ma, Enyɛnpe Ebɔrɛ e kaŋɛ na.

Nfabel 3:42

An lar fo kaman n wora alubi!

Ezikɛl 16:63

Meeŋ ta fo alubi m paŋ fo, ama feeŋ baa nyiŋi amo nɛ nyɔmɔ e pɛ fo nɛ fo maaŋ naŋ tiŋ m bugi kɔnɔ. Ma, Enyɛnpetale Ebɔrɛ e kaŋɛ na.”

Levitikɔs 26:40

Ama nɛ menyi be kaman to ebi beeŋ tuba ashi bumo gbagba nɛ bumo nananyɛnana be alubi nɛ b wora ŋkpal b ka daŋ maŋ sa ma kashuli nseŋ nyaŋɛ to n wɔtɔ ma,

Luuk 15:21

Nɛ kebinyɛnbi na kaŋɛ mo le: ‘N tuto, n wora alubi ŋ gbiti fo nɛ Ebɔrɛ. A maŋ naŋ daga b ka naa tre ma fo pibi.’

Luuk 18:13

Ndoŋ nna nɛ lamposɔpo na malɛ ya yili kufɔ ŋ kur kumu n yuu kasawule nseŋ bri mbe kagbene so ŋ kaŋɛ: ‘Ebɔrɛ, n la alubiworapo nna, wu ma kuwɔr.’ ”

Romebi 6:21

Men ka daa wora asheŋ nɛ amo be asheŋ bee pɛ menyi anishinyɔr ere, manɛ be tɔnɔ nɛ men daŋ nya amo to? Loŋ be asheŋ na be tɔnɔ e la luwu.

Kelaraŋŋini 18:5

Ŋkpal manɛ so, mbe alubi dii n deŋi abar so nna n ya fo ebɔrɛso nɛ Ebɔrɛ malɛ bee nyiŋi mbe alubi na kikɛ.