Ɛzra 9:5 - EBƆRƐ BE KAWƆL

⁵ Kaaseso be sarga be kelara be jemanɛ ka fo, nɛ n ta kagbenejija nɛ ma asɔ kpɛatoso na loŋ ŋ koso n ya gbir nseŋ maŋ ma enɔana so kabɔrɛkule to ŋ ŋini Enyɛnpe ma Ebɔrɛ na

Ɛzra 9:5 ပူးပေါင်းရင်းမြစ်များ

1 Bewura 8:22

Ndoŋ nna nɛ ewura Sɔlɔmɔn yili bɔrɛsure na be anishito Israɛlebi na kikɛ be anishito m maŋ mbe enɔana so ŋ kule Ebɔrɛ le:

1 Bewura 8:38

kumo ere fo nu bumo be kekule. Nɛ fo basa Israɛlebi baŋ ta kagbenejija n teŋi bumo be enɔana kabɔrɛkule to n shoŋi bɔrɛlambu ere,

1 Bewura 8:54

Ewura Sɔlɔmɔn ka kule Enyɛnpe Ebɔrɛ n loge, nɛ e niŋito n yili bɔrɛsure nɛ e gbir kumo ase na be anishito

2 Kronikɛls 6:13

Sɔlɔmɔn daŋ wora danyaŋ be ketempreŋ nɛ kumo be nteŋ la ayadra ashunu nɛ bargato nɛ kumo be mparto gba la ayadra ashunu nɛ bargato nɛ kumo be jeŋgreŋ la ayadra anu nna n yili kelɔnɛ na be kowushina be nferinto. E daŋ yuu kusɔ jeŋgreŋ ere nna nseŋ gbir kumo so m maŋ mbe enɔana so esoso, kakpa nɛ ekama beeŋ baa wu mo,

Nehemaya 1:4

Ŋ ka nu loŋ nɛ n chena n shu nchɛ damta ŋkpal kumo so nseŋ kishi ŋ kule Ebɔrɛ ŋ kaŋɛ le:

Nshɛ 141:2

Nu ma kekule fanɛ duwu be efɛa belbelso, nseŋ wu ma enɔana nɛ m maŋ so ere fanɛ kaaseso be sarga nɛ mee lara a sa fo.

Nshɛ 143:6

M maŋ ma enɔana so ashi kabɔrɛkule to a shoŋi fo nna, Kananɛ kasawule wɔlso bee sha nchu na nɛ ma kiyoyu gba bee shu a fin fo.

Nshɛ 95:6

Men ba nɛ an jɔŋɛ m bunyaŋ Enyɛnpe Ebɔrɛ nɛ e to anyi na!

Ɛksodɔs 9:29

Nɛ Mosis malɛ kaŋɛ mo: “Ŋ kaŋ baŋ lar kade ere to na nɛ meeŋ maŋ ma enɔana so ŋ kule Enyɛnpe Ebɔrɛ nɛ e shin nɛ bɔrɛ na be keponte nɛ abɔrɛjembubi gbɛgbɛso na kikɛ e ku nɛ fo pin fanɛ durnya ere la Enyɛnpe Ebɔrɛ na peya nna.

Ɛksodɔs 9:33

Ade be kaman nɛ Mosis nɛ Ɛɛrɔn lar ewura Fɛɛro kutɔ nɛ kade na to nɛ Mosis maŋ mbe enɔana so ŋ kule Enyɛnpe Ebɔrɛ nɛ bɔrɛ na be keponte na nɛ abɔrɛjembubi gbɛgbɛso na kikɛ nɛ bɔrɛchu nɛ k daa chulgi kasawule na so na kikɛ ku kuraa.

Aizaaya 1:15

Nɛ menyee maŋ menyi be enɔana so ashi kabɔrɛkule to, m maaŋ gbɛ ŋ keni menyi gba. Kanaŋkama nɛ men kule ma gba, m maaŋ nu n sa menyi, ŋkpal manɛ so, men la bemɔpo nna nɛ ŋklaŋ gbiti menyi be enɔana.

Danɛl 10:2

Kumo be jemanɛ na so nɛ n wɔtɔ a shu keeli bɔkwe asa kikɛ.

Luuk 22:41

Ndoŋ nɛ e yige bumo nseŋ yɔ anishito gbrɛ n ya gbir ŋ kule Ebɔrɛ ŋ kaŋɛ le:

Ashuŋ Shunso 21:5

Ama anyi be keyige bumo n yɔ be saŋɛ ka ba fo nɛ an lar bumo kutɔ ndoŋ. Bumo kikɛ nɛ bumo be beche nɛ mbia e daŋ shuŋi anyi n lar kadegboŋ na to nɛ an kikɛ ya gbir shishɛr so ashi teku na ase ŋ kule Ebɔrɛ.

Ɛfesesebi 3:14

Amoso nɛ mee gbir Etuto