Ɛzra 9:4 - EBƆRƐ BE KAWƆL

⁴ Kagbenejija na to nɛ n chena loŋ hale n ya fo jemanɛ nɛ baa lara kaaseso be sarga na. Ndoŋ nna nɛ basa nɛ kufu kɔ bumo ŋkpal kusɔ nɛ Israɛl be Ebɔrɛ kaŋɛ a laŋɛ alubi be kaplɛa so na ba shɛr ŋ kulti ma.

Ɛzra 9:4 ပူးပေါင်းရင်းမြစ်များ

2 Kronikɛls 34:27

nseŋ chɛrga fo nfɛra m bar fo kumu kaseto ŋ kpɛa fo asɔbuuso to kagbenejijaso a shu ŋkpal ŋ ka kaŋɛ fanɛ meeŋ gberge Juda be basa kusoe so. N nu fo kabɔrɛkule,

Ɛzra 10:3

To, men shin nɛ an nase kɔnɔ fanɛ anyeeŋ yige loŋ be beche na nseŋ lara bumo nɛ bumo be mbia be asheŋ ashi anyi be asheŋ to nseŋ wora asheŋ fanɛ kananɛ fo nɛ bekama nɛ baa ŋana Ebɔrɛ bee kaa ji anyi asoe to a kaŋɛ na, saŋɛ na so anyeeŋ wora asheŋ m bɛ Ebɔrɛ be mbra na so.

Ɛzra 10:9

Nchɛ nsa na ka fo, kumo e la fanɛ, kufɔl kpanusopo na be kachɛ kudu anyɔsopo na nɛ Juda nɛ Bɛnjamin be efuliana so ebi kikɛ ba shɛr bɔrɛlambu na ase. Ŋkpal nshɛr na ka la kenishipere n sa bumo so b daŋ kplaŋ bɔrɛ so nna nɛ gboŋgboŋi ko bri bumo hale nɛ baa gbugbo.

Nshɛ 119:136

Mee kaa shu anishichubi nna, ŋkpal basa ka maa wora fo mbraana kasonu so.

Ɛksodɔs 29:39

Men ta kukoŋwule n lara sarga na kachipurso nseŋ ta kumo nɛ k ka malɛ n lara sarga kaaseso.

Ɛksodɔs 29:41

Kumo be kaman nɛ men naŋ ta kpakpafɔlbi nyɔsopo na nɛ asɔ nɛ men daŋ ta n ti chipurso peya na so na gbagba chap n ti so n chɔɔ n lara sarga kaaseso n sa ma. Loŋ be sarga chɔɔso na be efɛa bee wora ma, Enyɛnpe Ebɔrɛ na ebel ga.

Aizaaya 66:2

Ma e to durnya kikɛ nseŋ shin nɛ kusɔ kikɛ wɔtɔ. Basa nɛ bumo be asheŋ bee par ma nɛ mee keni bumo a bɔlɔ kenishi, e la basa nɛ baa bar bumo be amu kaseto nsaa tuba ashi bumo be alubi to ŋko bumo nɛ baa ŋana ma nsaa wora ma kasonu na.

Aizaaya 66:5

Menyi nɛ menyee ŋana Enyɛnpe Ebɔrɛ nsaa wora mo kasonu na e nu kusɔ nɛ e kaŋɛ. E yɛ: “Ŋkpal men ka bee ji kashenteŋ a sa ma so, menyi gbagba be basa ko kishi menyi nna a maa sha ketu menyi n wora shɛŋ. Baa wora menyi eyurto nna a kaŋɛ le: ‘Men shin nɛ Enyɛnpe Ebɔrɛ na e ŋini mbe eleŋgboŋ nseŋ mɔlga menyi, saŋɛ na so anyeeŋ wu fanɛ menyi be ŋgbene fuli menyi.’ Ama bumo gbagba beeŋ ji anishinyɔr!”

Ezikɛl 9:4

ŋ kaŋɛ mo le: “Yɔ Jerusalɛm be kadegboŋ na to n ya dulgi bekama nɛ asheŋ bee besa nɛ bumo be ŋgbene jija bumo ŋkpal ekishisheŋ nɛ a bee wora kade na to so na be nsɔto.” Nɛ kanyɛn na lar n yɔ nɛ e ya dulgi bumo.

Danɛl 10:2

Kumo be jemanɛ na so nɛ n wɔtɔ a shu keeli bɔkwe asa kikɛ.

Danɛl 9:21

Ŋ ka bee kule Ebɔrɛ na, nɛ malaika nɛ baa tre Geebriɛl nɛ n daŋ wu mo ashi ma bɔrɛdare sososo na to na, firgi a gbelge to a ba kakpa nɛ n wɔ na. Kumo be jemanɛ nɛ kaaseso be sarga be kelara fo.

Nɔmbɛs 25:6

Mosis nɛ Israɛlebi na kikɛ ka shɛr Enyɛnpe Ebɔrɛ be wajɛbu na ase a shu na, nɛ Israɛlebi na be eko keta Midian be eche m bɔla bumo be anishito n yɔ mbe wajɛbu to.

Ashuŋ Shunso 3:1

Kachako Pita nɛ Jɔn ka bee yɔ bɔrɛlambu na to kapaso kerfi asa, jemanɛ nɛ basa daa yɔ n ya kaa bunyaŋ Ebɔrɛ bumo be kabɔrɛkule to na