Ɛzra 9:3 - EBƆRƐ BE KAWƆL

³ Ŋ ka nu loŋ be kubɔya na nɛ kpɛa ma piŋi to nseŋ gberge ma kumu so nɛ katɔl be emin n tia nseŋ chena kagbenejija to.

Ɛzra 9:3 ပူးပေါင်းရင်းမြစ်များ

2 Samuɛl 1:11

Deevid ka nu loŋ nɛ mo nɛ basa nɛ b wɔ mo kutɔ na kikɛ kpɛa bumo be asɔbuuso to kagbenejijaso.

2 Bewura 18:37

Kumo be kaman nɛ Eliakim nɛ Shɛbna nɛ Jowa kpɛa bumo be asɔbuuso to kagbenejijaso nseŋ ya kaŋɛ ewura Hɛzekaya kusɔ nɛ Asiriya be benapo be enimu na kaŋɛ na.

Nehemaya 1:4

Ŋ ka nu loŋ nɛ n chena n shu nchɛ damta ŋkpal kumo so nseŋ kishi ŋ kule Ebɔrɛ ŋ kaŋɛ le:

Nehemaya 13:25

Amoso n daŋ shoduu loŋ be benyɛn agbo so nna nseŋ naŋ shin nɛ b bri beko nseŋ gberge bumo be emin gba n tia. Kumo be kaman nɛ n shin nɛ b nase kɔnɔ ŋ kaŋɛ: ‘An bɔ ntaŋ a nase kɔnɔ Ebɔrɛ be ketre to fanɛ anyi maaŋ shin nɛ anyi be mbinyɛnso ŋko mbicheso e ta ŋko ŋ kil befɔ.’

Job be kawɔl 1:20

Job ka nu le be asheŋ ere kikɛ, nɛ e pɛ mbe asɔbuuso ŋ kpɛa to nseŋ she mbe kumu so be emin kikɛ ŋkpal kagbenejija damta nɛ k tɔr mo so na so. Kumo be kaman nɛ e gbir m bunyaŋ Ebɔrɛ

Nshɛ 119:53

M baŋ wu kumukpakpasowura ka bee wora a da fo mbra so, k bee kaa ma kagbene nna.

Nshɛ 143:4

Ŋkpal loŋ so ma tama kikɛ loge nna, nɛ ma kagbene jija ma m baŋ so.

Nshɛ 66:3

Men kaŋɛ Ebɔrɛ fanɛ mbe aworbi kikɛ kɔ kufu nna, nɛ mbe eleŋgboŋ na bee shin nɛ mo doŋana bee chicha a jɔŋɛ mo ase kufuso.

Aizaaya 15:2

Ndoŋ nna nɛ basa nɛ b wɔ kade nɛ baa tre Dibɔn na dii n yɔ kegbir ase ashi kebee so n ya shu ndoŋ. Mowab be basa daŋ shu kagbenejijaso nna ŋkpal ndegboŋ nɛ baa tre Nɛbo nɛ Mɛdiba na so. B daŋ she bumo be amu nɛ ntɔl kagbenejijaso gba nna.

Jɛremaya 36:24

Ama ewura na nɛ mbe benimuana nɛ b nu kawɔl na be kakraŋ na maŋ wora kusɔ ko a ŋini fanɛ kagbene jija bumo ŋko kufu pɛ bumo.

Jɛremaya 7:29

Jerusalɛm be basa, men she men be amu so be emin, fanɛ basa nɛ baa shu nli na. Men baa boŋ nli to be nshɛ ashi abee be awɔlto; ŋkpal manɛ so, ma Enyɛnpe Ebɔrɛ na nya agbo nna nseŋ kini menyi nɛ men la ma basa na n lɛ.

Ezikɛl 3:15

Kumo be kaman nɛ m ba kakpa nɛ basa nɛ b pɛ anya n yɔ efuli pɔtɛ so na wɔ na ashi kebeebi nɛ baa tre ‘Tɛl Abib’ nɛ k dese m mata Lɔr nɛ baa tre Kɛba na ase na n ya tu bumo n chena nchɛ ashunu. Kusɔ nɛ n wu nseŋ nu ndoŋ na daŋ chinchiŋ ma nna.

Ezikɛl 7:18

Baaŋ ta ebɔtɛ ŋ ki asɔbuuso m buu a ŋini fanɛ bumo be ŋgbene jija bumo nna, nɛ kufugboŋ e tɔr bumo so. Anishinyɔr beeŋ pɛ bumo nseŋ shin nɛ ekama e she mbe kumu nɛ k baa la ŋaba n sa mo.

Danɛl 4:19

Ndoŋ nna nɛ edare na be kifito be asheŋ pɛ Danɛl nɛ baa tre Bɛlteshaaza na kufu ga nɛ mbe nfɛra wul mo to. Nɛ ewura na kaŋɛ mo le: “Bɛlteshaaza, sa maŋ shin nɛ edare na be asheŋ e baa fɔŋ fo.” Nɛ Danɛl kaŋɛ: “Yiramu, nɛ edare nɛ fo ku ere daŋ beeŋ laŋɛ fo doŋana so nna, k daa beeŋ par ma ga.

Danɛl 8:27

Kesheŋ ere daŋ baŋ shin nna nɛ ŋ gben nseŋ dese n lɔ nchɛ damta. Kumo be kaman nɛ n naŋ bɛta n yɔ kushuŋ nɛ ewura sa ma na to. Bɔrɛdare na daŋ wul ma nfɛra to nna nɛ m maŋ tiŋ m pin kumo to kikɛ.

Levitikɔs 21:5

Bɔrɛmatapo maŋ daga fanɛ e she mbe kumu ŋko n digi mbe katɔl so ŋko ŋ ku mbe eyur be kaplɛkama a ŋini fanɛ e bee shu keeli nna.

Maika 1:16

Judaebi, men she men be amu ŋkpal kagbenejija nɛ k beeŋ tu menyi ŋkpal men be mbia shasoana so. Men she men be amu kɔlikɔli fanɛ ejita be amu na ŋkpal manɛ so, baaŋ pɛ men be mbia shaso ŋ ki anya n yɔ efuli pɔtɛ wɔfɔ so.

Joshuwa 7:6

Nɛ Joshuwa nɛ Israɛlebi be benimu na kikɛ kpɛa bumo be asɔbuuso to kagbenejijaso nseŋ tɔr kasawule ashi Enyɛnpe Ebɔrɛ be ŋkre be deka na ase n dese ndoŋ hale n ya fo kaaseso. B daŋ muu shishɛr gba nna n wurge bumo be amu so a ŋini fanɛ bumo be ŋgbene jija bumo ga.