Ɛzra 9:15 - EBƆRƐ BE KAWƆL

¹⁵ Enyɛnpe Israɛl be Ebɔrɛ, kashenteŋ jipo e la fo. Fo maŋ shin nɛ an mur, ama fo shin nɛ an ji ŋkpa. Anyee shuli kewora n jija fo anishito nsaa nyi fanɛ an daa maŋ kɔ ekpa nɛ an ba fo anishito gba kuraa.”

Ɛzra 9:15 ပူးပေါင်းရင်းမြစ်များ

Ɛzra 1:4

Bekama nɛ bumo nɛ Enyɛnpe Ebɔrɛ na be basa chena n sha abar e ta shuwa nɛ gbiti nɛ asɔ lela be yiri kikɛ nɛ asɔbɔya nɛ baaŋ ta n ya lara sarga ashi Ebɔrɛ be lambu nɛ k wɔ Jerusalɛm to na n chɛ bumo to.”

Ɛzra 9:6

nseŋ kule Ebɔrɛ ŋ kaŋɛ: “O ma Ebɔrɛ, k kɔ ma nyɔmɔ nɛ anishinyɔr nna fanɛ ŋ ka beeŋ maŋ ma enɔ so fo anishito, ŋkpal manɛ so, anyi be alubi shi m baŋ anyi so hale n dii n ya fo ebɔrɛso gba kuraa.

Nehemaya 9:8

Ŋkpal e ka daa ji kashenteŋ a sa fo so fo nɛ mo daŋ wora kɔnɔkoŋwule be ŋkre nna fanɛ feeŋ ta Keenanebi nɛ Hitebi nɛ Amɔriebi nɛ Pɛrizebi nɛ Jebusiebi nɛ Giigaebi be nsawule n sa mbe kaman to ebi. Naniere fo wora fo kɔnɔ naseso na m bɔlɔ so fanɛ kananɛ fee wora saŋkikɛ na.

Nshɛ 116:5

Enyɛnpe Ebɔrɛ na bee wu kuwɔr nsaa walɛ; Kashenteŋto Ebɔrɛ kɔ kushuso pasaa.

Nshɛ 119:137

O Enyɛnpe Ebɔrɛ, fo niŋi nna nɛ fo mbraana malɛ bɔla ekpa.

Nshɛ 130:3

Nɛ fo Enyɛnpe Ebɔrɛ na daa sibɛ alubi a nase nna, esa kikɛ daa maaŋ ji n lar fo demuji to.

Nshɛ 143:2

Sa maŋ ji ma, fo kayɛrbi demu; ŋkpal manɛ so, esa kikɛ be kebaawɔtɔ maŋ niŋi ashi fo anishito.

Nshɛ 76:7

Fo Enyɛnpe Ebɔrɛ na e daga fanɛ ekama e baa ŋana fo. Fo baŋ nya agbo, esa kikɛ maaŋ tiŋ n yili fo anishito.

Jɛremaya 12:1

Enyɛnpe Ebɔrɛ, ma nɛ fo be demuji kikɛ to, fo e naa ji a bri ma. Ama ŋ kraa kɔ kusɔ ko nɛ m bishi a laŋɛ fo keji asheŋ nɛ amo be ekpa so be kaplɛa so. Manɛ nna nɛ kumu kpakpasowuraana bee dii dama, nɛ asheŋ bee nite nɛnɛ a sa basa nɛ baa puni beko?

Ezikɛl 33:10

Kumo be kaman, nɛ Enyɛnpe Ebɔrɛ na naŋ kaŋɛ ma le: “Dimɛdi pibi, Israɛl be basa na bee bile asheŋ a fubel a kaŋɛ fanɛ bumo be alubi be kasogberge na chɔ bumo so. B maŋ naa kɔ tama kikɛ fanɛ baaŋ ji efute nseŋ kpal loŋ so a malga a gbiti ma.

Ezikɛl 7:16

Bekama nɛ baaŋ ji efute na malɛ beeŋ shile n yɔ abee so fanɛ kufu ka pɛ elepɔ nɛ a firgi n shi ketaŋɛ to n yɔ kebee so na. Ndoŋ nɛ baaŋ ya shu ŋkpal bumo be alubi so.

Danɛl 9:14

O, an Nyɛnpe nɛ anyi be Ebɔrɛ, naniere bre fo gberge anyi kusoe. Kumo alɛ be loŋ walɛ, ŋkpal manɛ so kusɔ kama nɛ fo wora walɛ nna, anyi e maa nu a sa fo.

Levitikɔs 26:40

Ama nɛ menyi be kaman to ebi beeŋ tuba ashi bumo gbagba nɛ bumo nananyɛnana be alubi nɛ b wora ŋkpal b ka daŋ maŋ sa ma kashuli nseŋ nyaŋɛ to n wɔtɔ ma,

Levitikɔs 26:41

nɛ ma alɛ gba kilgi n tu bumo nseŋ shin nɛ b pɛ bumo anya n yɔ bumo doŋana be efuli so na. To, nɛ b chɛrga bumo be ŋgbene nseŋ fara a wora kusɔ nɛ k daga bre,

Baru lela nɛ Jɔn kute na 8:21

Kede be kaman nɛ Yesu naŋ lɔŋɛ ŋ kaŋɛ bumo: “Meeŋ yɔ nɛ menyi e fin ma ŋ gben nseŋ wu menyi be alubi to. Kakpa nɛ ma ere bee yɔ na, menyi maaŋ tiŋ n yɔ ndoŋ.”

Baru lela nɛ Jɔn kute na 8:24

Amoso nɛ ŋ kaŋɛ menyi fanɛ menyeeŋ wu menyi be alubi to na. Menyi alɛ baa maŋ yirda fanɛ ma e la esa nɛ ŋ kaŋɛ fanɛ n la ere, menyeeŋ wu menyi be alubi to.”

Romebi 10:3

Ŋkpal manɛ so, b maa pin ekpa nɛ Ebɔrɛ bee sha fanɛ b bɔla so na to nɛ bumo nɛ mo e nyalɛ nsaa wɔtɔ a bɔla bumo gbagba be aworbi be ekpaana so. Loŋ malɛ e naa ŋini fanɛ b maŋ ta bumo be amu m bɔɔ Ebɔrɛ enɔ nɛ e shin nɛ mo nɛ bumo e nyalɛ.

Romebi 3:19

Ama an nyi fanɛ kusɔ kama nɛ mbra na bee kaŋɛ, basa nɛ b wɔ kumo to na to nɛ k de, saŋɛ na so esa kikɛ maaŋ nya kɔnɔ m bugi. Loŋ malɛ e naaŋ shin nɛ Ebɔrɛ e ji durnya kikɛ demu.

1 Kɔrintebi 15:17

Nɛ Kristo malɛ daa maŋ tiŋi ashi luwu na to, kumo ere, men be yirda na daa maaŋ baa kɔ tɔnɔ nɛ menyi alɛ kraa wɔ men be alubi to

Joshuwa 22:15

B ka yɔ Giliad be kasawule so n ya tu Ruben nɛ Gad nɛ Manase be epeŋilarkpa be kaba so be basa na nɛ