Ɛzra 9:13 - EBƆRƐ BE KAWƆL

¹³ Kusogberge nɛ k ba anyi so ŋkpal anyi be alubi so ere kikɛ be kaman, an wu fanɛ fo, anyi be Ebɔrɛ na, kraŋ shu anyi so nna. Ŋkpal manɛ so, mannɛ kasogberge nɛ k daga anyi nɛ fo sa anyi na. Fo kraŋ shin nɛ anyi to be beko kraa wɔ ŋkpa to.

Ɛzra 9:13 ပူးပေါင်းရင်းမြစ်များ

Nehemaya 13:18

Ebɔrɛ daa maŋ gberge anyi nɛ Jerusalɛm be kadegboŋ be basa ere kusoe nna ŋkpal an nanaana ka daŋ wora asheŋ nɛ anyee wora ere so a? To menyee sha keŋaba Kewushiachɛ na nɛ Ebɔrɛ be agbo e koso, ŋko?”

Nehemaya 9:32

O, anyi be Ebɔrɛ mo nɛ eleŋ kikɛ bɔɔ fo enɔ, nɛ fo asheŋ kɔ kufu; fo maa lar fo kamalga kaman kikɛ, kasha malɛ bɔlɔ fo to kiŋkiŋ. Nyiŋi awurfoŋ nɛ k ba anyi nɛ anyi be bewura nɛ bejuŋkparpo nɛ bɔrɛmatapoana nɛ anebiana nɛ an nanaana nɛ anyi be basa kikɛ so, yili Asiriya be ewura be jemanɛ kikɛ so m ba fo kabre.

Job be kawɔl 11:6

E daa beeŋ shin nɛ fo pin kakpa nɛ kanyiasheŋ shi. Asheŋ ko du chiŋgeliŋ nna n sa dimɛdi nɛ e tiŋ m pin amo to. Fo alɛ daa beeŋ naŋ pin fanɛ kasogberge nɛ Ebɔrɛ sa fo na maŋ fo kumo nɛ k daga fo na so.

Nshɛ 103:10

E maa gberge anyi kusoe kananɛ a daga fanɛ e gberge anyi kumo na; ŋko a laŋɛ anyi be alubi a ka anyi kukɔ.

Nfabel 3:22

Kumo e la fanɛ, Enyɛnpe Ebɔrɛ na be alelasheŋ maa loge! E daa maa wu kuwɔr nna, n dafanɛ anyi kikɛ mur.

Habakuk 3:2

O Enyɛnpe Ebɔrɛ, n nu kusɔ nɛ fo wora, nɛ k mɔ ma kɔnɔ nsaa keta ma kufu. Naniere naŋ wora asheŋgboŋ nɛ fo daŋ wora n sa an nanaana na, anyi alɛ gba be jemanɛ ere to. Hale nɛ fo nya agbo gba, fo baa nyiŋi fo kuwɔrwu na.

Galeeshaebi 3:4

Asheŋ nɛ men be kenishi wu na kikɛ ki jiga nna ere ŋko? Cha, mannɛ fanɛ k ka la kusɔ jiga nna bre.