Ɛzra 9:12 - EBƆRƐ BE KAWƆL

¹² Anebiana na daŋ kaŋɛ anyi fanɛ nɛ anyee sha kenu kasawule na be ebel nseŋ ji kumo ŋ ka n yili anyi be kaman to ebi bre, an sa maŋ ta bumo be beche, ŋko ŋ kil bumo be benyɛn. B yɛ anyi alɛ e sa maŋ kaŋ ji bumo keteri, ŋko n shin nɛ b ji eleŋ anyi so.

Ɛzra 9:12 ပူးပေါင်းရင်းမြစ်များ

1 Kronikɛls 28:8

“Amoso mee kaŋɛ menyi nna ashi Enyɛnpe Ebɔrɛ nɛ Israɛlebi kikɛ nɛ b shɛr nfe ere be anishito fanɛ men baa de so nsaa bɛ kusɔ kama nɛ Enyɛnpe Ebɔrɛ na kaŋɛ anyi na so. Saŋɛ na so kasawule lela ere kraa beeŋ ba la menyi peya, nɛ menyi alɛ gba e ta kumo n sa men be kaman to ebi nɛ k ki bumo be kapetɛ mbaanaayɔ.”

2 Kronikɛls 19:2

Nɛ anebi Jehu nɛ e la Hanani pibinyɛn na yɔ mo kutɔ n ya kaŋɛ mo le: “Fee fɛ fanɛ fo ka chɛ ewura Ahab esa lubi nɛ e kishi Enyɛnpe Ebɔrɛ to ere walɛ a? Kusɔ nɛ fo wora ere shin nɛ Enyɛnpe Ebɔrɛ nya agbo n wɔtɔ fo ga.

Ɛzra 9:2

Juwebi be benyɛn nɛ bumo be bibinyɛnsobiana daa ta eyiri pɔtɛana be mbichesobi nna a kil nɛ loŋ nɛ Ebɔrɛ be basa maŋ naa du cheembi. Israɛlebi be benimuana na e daŋ sɔ kumo be kejuŋkpar.

Ɛksodɔs 23:32

Men sa maŋ kaŋ shin nɛ menyi nɛ bumo nɛ bumo be agbirana e wora kɔnɔkoŋwule kikɛ.

Aŋasa 13:22

Basa lela bee yige kapetɛ nna a yili bumo be kaman to ebi, ama belubiworapo bre bee fin asɔ nna a yili basa nɛ baa wora asheŋ niŋiso.

Aŋasa 20:7

Esa nɛ e niŋi kikɛ be kebaawɔtɔ niŋi nna. Mbia nɛ baa koya mbe asheŋ woraso bee nya nɛfa nna.

Aizaaya 1:19

Nɛ menyeeŋ baa wora ma kasonu bre, menyeeŋ baa nya asɔ lela kasawule ere so a ji.

Ditɛronɔmi 23:6

Amoso menyi nɛ Mowabebi ŋko Ammɔnebi e sa maŋ kaa wora kayurwushi be kebaawɔtɔ be kɔnɔkoŋwule be ŋkre kikɛ.

Ditɛronɔmi 23:7

Ama Edɔmebi bre la men kurgepoana nna nɛ menyi alɛ daa la befɔ Ijipt be efuli so. Amoso men sa maa keni Edɔmebi nɛ Ijiptebi na jiga.

Ditɛronɔmi 7:3

Menyi nɛ menyi be mbia nɛ bumo be ekama e sa maŋ kaa luri kakil to.