Ɛzra 9:1 - EBƆRƐ BE KAWƆL

¹ Asheŋ ere kikɛ ka wora n loge be kaman, nɛ Israɛlebi be bejuŋkparpo na ba kaŋɛ ma fanɛ basa na nɛ bɔrɛmatapoana na nɛ Livaiebi na kra maŋ lara bumo be amu ashi basa nɛ b chena ŋ kulti bumo na be asheŋ woraso lubi to. B ta bumo be amu n wɔtɔ Keenanebi nɛ Hitebi nɛ Pɛrizebi nɛ Jebusiebi nɛ Ammɔnebi nɛ Mowabebi nɛ Ijiptebi nɛ Amɔriebi be mbushusheŋ nɛ b daa wora to nna.

Ɛzra 9:1 ပူးပေါင်းရင်းမြစ်များ

Jɛnesis 15:16

Fo kenanagbiramuli be jemanɛ to nɛ baaŋ naŋ bɛta m ba kasawule ere so. Loŋ be saŋɛ na nɛ Amɔriebi be alubi wora keshi ga nseŋ daga kasogberge.”

1 Bewura 11:1

Ijipt be efuli so be ewura pibiche na be kaman ewura Sɔlɔmɔn daŋ ta efuli pɔtɛana fanɛ Hiti nɛ Mowab nɛ Ammɔn nɛ Edɔm nɛ Sidɔn be beche damta nna n ti so.

2 Kronikɛls 33:2

E daŋ kini kenu n sa Enyɛnpe Ebɔrɛ nna nseŋ bɛ efuliana nɛ Enyɛnpe Ebɔrɛ ju kasawule na so, saŋɛ so nɛ mbe basa Israɛlebi bee ba kumo so sososo na be asheŋ nɛ Ebɔrɛ kishi ga na so.

2 Kronikɛls 8:7

Ewura Sɔlɔmɔn daŋ shin nna nɛ Keenan be efuli so b basa nɛ Israɛlebi daa maŋ mɔ saŋɛ nɛ b daŋ lar Ijipt m ba sɔ kasawule na bee shuŋ a sa mo. Bumo e daa la Hitebi nɛ Amɔriebi nɛ Pɛrizebi nɛ Hivebi nɛ Jebusiebi nɛ bumo be kaman to ebi la anya hale m ba fo loŋ be jemanɛ na so.

Ɛzra 10:2

Ndoŋ nna nɛ Jehiɛl pibinyɛn, Shekanaya, nɛ e shi Elam be kabuna kaŋɛ anebi Ɛzra: “Anyi maŋ ji kashenteŋ n sa Ebɔrɛ ŋkpal befɔche nɛ an ta a kil ere so. Ama tama kra wɔtɔ n sa Israɛlebi.

Ɛzra 10:8

Nseŋ kaŋɛ fanɛ esa kama nɛ e kini keba nshɛr na to nchɛ asa be kefɛato, beeŋ paŋ mbe asɔ kikɛ. Kumo ba kaman nɛ an lara mo ashi anyi to nɛ e maaŋ naa la anyi to be eko.

Nehemaya 13:23

Ma alɛ daŋ naŋ wu fanɛ Juwebi na be benyɛn ko daŋ ta beche ashi Ashdɔd be kadegboŋ to nɛ Ammɔn nɛ Mowab be efuliana so nna.

Nehemaya 4:3

Jemanɛ na so nɛ Tobaya nɛ e shi Ammɔn be efuli so na yil mo kutɔ, nseŋ kaŋɛ le: “Nuso bre be egbal nɛ baa sha kepɔr ere? Jiŋkaamu gba beeŋ tiŋ ŋ ŋin kumo n lɛ!”

Nehemaya 4:7

Sanballat nɛ Tobaya nɛ Nlɔrbu na nɛ Ammɔnebi na nɛ basa nɛ b shi kadegboŋ nɛ baa tre Ashdɔd na daŋ wu fanɛ egbal na daa dii nna a shin nɛ k shɛrto. Amoso b daŋ nya agbo nna,

Nehemaya 9:2

B daŋ barga bumo amu ashi befɔ na kutɔ nna nseŋ ya yili m bugi to ŋ kaŋɛ bumo nɛ bumo nanaana be alubi nɛ b wora.

Nshɛ 106:35

Ama b daŋ ji bumo keteri nna hale a wora asheŋ nnyamase na be edaŋkare be ekpa so.

Ɛksodɔs 13:5

Enyɛnpe Ebɔrɛ kaŋ baŋ yɛr menyi basa nɛ baa tre Keenanebi nɛ Hitebi nɛ Amɔriebi nɛ Hivebi nɛ Jebusiebi be kasawule nɛ e nase kumo be kɔnɔ n sa men nananyɛnana fanɛ e beeŋ ta n sa menyi na so, men baa kraa wora le be kesheŋ ere kufɔl ere to.

Ɛksodɔs 23:23

Nɛ ma malaika na e juŋkpar menyi n yɔ Amɔriebi nɛ Hitebi nɛ Pɛrizebi nɛ Keenanebi nɛ Hivebi nɛ Jebusiebi be nsawule so nɛ m mur bumo kikɛ.

Ɛksodɔs 33:16

Nɛ fo maŋ tu anyi n yɔ, nuso nɛ esa beeŋ wora m pin ma nɛ fo basa be asheŋ ka bee par fo? Fo kebaawɔ anyi kutɔ e naaŋ shin nɛ an baa kɔr bomin kikɛ to ashi durnya ere to.”

Aizaaya 52:11

Menyi kikɛ nɛ menyee sulɔ bɔrɛlambu na to be asɔ na, e lar kadegboŋ nɛ baa tre Babilɔn na to. Men sa maŋ kaŋ beta keyurpisɔ kikɛ n wora eyurpi daŋkare be ekpa so. Menyi alɛ e bɛr nchu a du farfarbi pɔɛŋ nseŋ lar ndoŋ.

Jɛremaya 26:10

Juda be bejuŋkparpoana na ka nu kusɔ nɛ k wora na nɛ b nya manaŋ n shi ewurkpa m ba bɔrɛlambu na to m ba chena bumo be echenakpa ashi Kabunagboŋ Popɔr na ase.

Jɛremaya 26:16

Ndoŋ nna nɛ bejuŋkparpoana na nɛ basa na kikɛ kaŋɛ bɔrɛmatapoana na nɛ anebiana na le: “Enyɛnpe, anyi be Ebɔrɛ na be ketre to nɛ kanyɛn ere malga n sa anyi, amoso e maŋ daga luwu.”

Levitikɔs 18:3

Men sa maa wora asheŋ nɛ Ijipt nɛ men daa wɔ jemanɛ ko na be basa bee wora na ŋko kananɛ basa nɛ b wɔ Keenan be efuli nɛ ŋ kɔ menyi a yɔ kumo so na be basa bee wora na.

Malakai 2:11

Menyi Judaebi na kikɛ maŋ ji kashenteŋ n sa Ebɔrɛ, menyi alɛ nseŋ naŋ wora ekishisheŋ ashi Jerusalɛm nɛ efuli na kikɛ so. Men wora mbushusheŋ a jija bɔrɛlambu nɛ Enyɛnpe Ebɔrɛ bee sha ga na. Men be benyɛn ta beche nɛ baa shuŋ efuli pɔtɛ so be agbir.

Nɔmbɛs 23:9

N yili kebee be esoso n wu bumo. N wɔ kebee so a keni bumo. B la basa nɛ b kɔr bekama to nna. Basa nɛ Ebɔrɛ nɛfa.

Nɔmbɛs 25:6

Mosis nɛ Israɛlebi na kikɛ ka shɛr Enyɛnpe Ebɔrɛ be wajɛbu na ase a shu na, nɛ Israɛlebi na be eko keta Midian be eche m bɔla bumo be anishito n yɔ mbe wajɛbu to.

Ditɛronɔmi 18:9

“Nɛ menyi kaŋ yɔ kasawule nɛ Enyɛnpe menyi be Ebɔrɛ na ta a sa menyi na so, men sa maŋ kaa wora ekishisheŋ nɛ efuliana nɛ a wɔ ndoŋ na bee wora na.

Ditɛronɔmi 23:8

Yili bumo be kenanafofo mbaanaayɔ, bumo be kaman to ebi ti Enyɛnpe Ebɔrɛ na be basa, Israɛlebi so.

Ditɛronɔmi 7:1

Ndoŋ nna nɛ Mosis naŋ kaŋɛ: “Israɛlebi, Enyɛnpe menyi be Ebɔrɛ na beeŋ chɛ menyi to nɛ men suge Hitebi nɛ Giigashebi nɛ Amɔriebi nɛ Keenanebi nɛ Pɛrizebi nɛ Hivebi nɛ Jebusiebi be nsawule. Efuli ashunu ere be kekama be basa shibi nsaa kɔ eleŋ a chɔ menyi Israɛlebi, ama nɛ men kre kena n ya tu bumo,

Joshuwa 23:12

Men baŋ pal kaman n sa mo nseŋ tu basa nɛ b ka a wɔ menyi to na a wora asheŋ nsaa ta abar be beche bre,