Ɛzra 8:31 - EBƆRƐ BE KAWƆL

³¹ Kufɔl juŋkparso na be kachɛ kudu anyɔsopo na nɛ an fara n shi Ahava be kabombi na ase a yɔ Jerusalɛm. Anyi nɛ anyi be Ebɔrɛ e daa la nɛ e daa kuŋ anyi nɛ an doŋana maaŋ kuŋ anyi ekpa n tu anyi ŋ kɔ ŋko beyu e kuŋ anyi ekpa n suge anyi be asɔ.

Ɛzra 8:31 ပူးပေါင်းရင်းမြစ်များ

Ɛzra 7:28

Mo, Ebɔrɛ koŋwule, na be katiŋ to so nɛ ewura nɛ mbe benimu nɛ basa gboŋana na kikɛ wu ma kuwɔr nseŋ shin nɛ n nya le be ekpa ere na. N nyɛnpe nɛ ma Ebɔrɛ na so nɛ n nya kagbene n ta kenyɛn m malga n sa Israɛl be benimu kpakpaso nɛ b nu nseŋ bɛ ma so n yɔ Jerusalɛm na.”

Ɛzra 7:9

Kufɔl juŋkparso na be kachɛ juŋkparso na nɛ e daŋ koso Babilɔn be efuli so nseŋ ba fo Jerusalɛm kufɔl nusopo na be kachɛ juŋkparso. Ŋkpal manɛ so, Ebɔrɛ be kuwɔr wu be nɛfa daa wɔ anebi Ɛzra so nna.

Ɛzra 8:15

Ndoŋ nna nɛ n shɛr basa na kikɛ kabombi nɛ k bee shile a yɔ kade nɛ baa tre Ahava na nɛ an daŋ ji nchɛ asa ndoŋ na ase. Ŋ ka keni basa na nɛ bɔrɛmatapoana na to n daa maŋ wu Livaiebi bumo to.

Aizaaya 66:14

Men kaŋ wu le ka bee wora, menyi be ŋgbene beeŋ fuli menyi nɛ men nya eleŋ nɛ alenfia. Aloŋ nɛ menyeeŋ pin fanɛ ma, Enyɛnpe Ebɔrɛ na bee chɛ basa nɛ baa wora ma kasonu na to nna; ma alɛ nsaa shin nɛ ma agbo bee ba n doŋana so.”

Ashuŋ Shunso 25:3

Kumo be kaman nɛ b kule Fɛstes fanɛ e wora ania n chɛ bumo to n shin nɛ Pɔɔl e ba Jerusalɛm. B ka daŋ kre Pɔɔl be kemɔ ekpa to be nia so nɛ b daŋ kaŋɛ loŋ na.

Ashuŋ Shunso 26:22

Ama Ebɔrɛ chɛ ma to hale m ba fo kabre nɛ n yili nfe a ji ma shɛda a sa ekama nyam, begboŋi nɛ bewurbi kikɛ na. Kusɔ nɛ mee malga e la kusɔ koŋwule chap nɛ anebiana nɛ Mosis gba kaŋɛ fanɛ k beeŋ wora na.