Ɛzra 8:30 - EBƆRƐ BE KAWƆL

³⁰ Ndoŋ nna nɛ bɔrɛmatapoana na nɛ Livaiebi na sɔ gbiti nɛ shuwa be asɔ n ta n yɔ bɔrɛlambu na to ashi Jerusalɛm.

Ɛzra 8:30 ပူးပေါင်းရင်းမြစ်များ

Ɛzra 1:9

Kananɛ asɔ na daa sa nde: Shuwa be echeenshi daa wɔ adesa nɛ gbiti be echeenshi daa wɔ kagboŋ koŋwule nɛ gbiti be echeenshigboŋ daa wɔ adunyɔ nɛ akpanu, nɛ shuwa be echeenshiwurbi daa wɔ adesa, nɛ gbiti be echeenshiwurbi daa wɔ alfa ana nɛ kudu, nɛ asɔ pɔtɛ malɛ daa wɔ kagboŋ koŋwule.

Ɛzra 8:22

K daa beeŋ baa la nyɔmɔ nna n sa ma, fanɛ an ka beeŋ kaŋɛ ewura fanɛ e sa anyi esoji nɛ b baa kuŋ anyi ashi an doŋana kutɔ ashi anyi be enite ere to. Ŋkpal manɛ so, n daŋ kaŋɛ mo fanɛ an be Ebɔrɛ na bee nɛfa esa kama nɛ e ta mo yirda ŋ wɔtɔ mo to nna. Ebɔrɛ malɛ be kagbene maa fuli esa kama nɛ e kplaŋ mo so so. E bee gberge loŋ be esa kusoe nna.

Ɛzra 8:33

Kachɛ nasopo na nɛ an yɔ bɔrɛlambu na to n ya karga gbiti nɛ shuwa nɛ echeenshi na kikɛ m bɔɔ Uriya pibinyɛn, Mɛremɔf, nɛ e daa la bɔrɛmatapo na enɔ. Mo nɛ Finihas pibinyɛn, Eliaza, nɛ Joshuwa pibinyɛn, Jozabad, nɛ Binuyi pibinyɛn, Nowadiya nɛ b la Livaiebi na e daa la.

Nshɛ 122:9

Ŋkpal Enyɛnpe anyi be Ebɔrɛ be lambu na so, nɛ mee kule Ebɔrɛ a fin kadegboŋ na be nɛnɛ na.

Aizaaya 60:13

Baaŋ ku Lebanɔn be efuli so be ndibi lela m ba lɔŋɛ menyi be kadegboŋ, Jerusalɛm be ebuana m pɔr nseŋ shin nɛ ma bɔrɛlambu e nyalɛ kebita. Saŋɛ na so ma kadegboŋ na gba beeŋ nya kemaŋkura.