Ɛzra 8:28 - EBƆRƐ BE KAWƆL

²⁸ Kumo be kaman nɛ ŋ kaŋɛ bumo le: “Menyi nɛ asɔ ere kikɛ ki asɔ cheembi nna n sa Enyɛnpe men nanaana be Ebɔrɛ na. Shuwa nɛ gbiti na kikɛ la kagbene koŋwule so be sarga nna nɛ an lara n sa Enyɛnpe men tutoana be Ebɔrɛ na.

Ɛzra 8:28 ပူးပေါင်းရင်းမြစ်များ

1 Kronikɛls 23:28

Livaiebi na be kushuŋ e daa la kebaachɛ Ɛɛrɔn be kaman to ebi to ashi Enyɛnpe Ebɔrɛ be bɔrɛlambu na be kushuŋ to. Bumo e naŋ baa lɔŋɛ kumo nsaa keni kumo be alɔnɛ nɛ ebuana nɛ asɔ cheembi na so nɛ a saa maa wora eyurpi.

1 Kronikɛls 26:20

Livaiebi nɛ bumo kurgepoana la Koora nɛ Mɛrari be mbunaebi na e daa keni bɔrɛlambu na to be ebuana nɛ baa yili amansherbi nɛ asɔ nɛ b kɔ a shuŋ Ebɔrɛ amo to na so.

2 Kronikɛls 24:14

B ka lɔŋɛ bɔrɛlambu na n loge na, nɛ b ta amansherbi nɛ a ka na m ba sa ewura na nɛ Jehowada. Loŋ be amansherbi nɛ a ka na malɛ nɛ b ta n lɔŋɛ asɔwurbi nɛ shuwa nɛ gbiti be ntishaŋ nɛ b kɔ a wora asheŋ ashi Enyɛnpe Ebɔrɛ be bɔrɛlambu na to. Bɔrɛmatapo Jehowada ka daa wɔ ŋkpa to na, b daa mɔ asɔbɔya nna a lara sarga chɔɔso bɔrɛlambu na to a sa Enyɛnpe Ebɔrɛ saŋkama.

Ɛzra 8:27

nɛ shuwa be echeenshi adunyɔ, nɛ amo be yawu beeŋ fo fanɛ pɔŋ kagboŋ, nseŋ ta danyaŋ be echeenshi anyɔ, nɛ amo nɛ shuwa be echeenshi be yawu sasa na, n ti so n sa bumo.

Ɛksodɔs 35:29

Israɛlebi na be benyɛn nɛ beche nɛ b daa sha nɛ b chɛ kushuŋ na to na, daa bar bumo be ŋkɛ nna fanɛ b ta n shuŋ Enyɛnpe Ebɔrɛ na be kushuŋ nɛ e ta n sa Mosis na.

Aizaaya 52:11

Menyi kikɛ nɛ menyee sulɔ bɔrɛlambu na to be asɔ na, e lar kadegboŋ nɛ baa tre Babilɔn na to. Men sa maŋ kaŋ beta keyurpisɔ kikɛ n wora eyurpi daŋkare be ekpa so. Menyi alɛ e bɛr nchu a du farfarbi pɔɛŋ nseŋ lar ndoŋ.

Ditɛronɔmi 33:8

A laŋɛ Livai be yiri be kaplɛa so, le nɛ Mosis kaŋɛ: “Fo Enyɛnpe Ebɔrɛ na e naa shin nɛ Livaiebi nɛ b la fo nyɛrbi a ji kashenteŋ na bee bɔla Urim nɛ Tumim so a pin fo aparsheŋ. Fo e daŋ wora bumo ŋ keni ashi Massa, nseŋ mige bumo to m pin fanɛ b la beshenteŋjipoana nna ashi Mɛriba be nchu na ase.