Ɛzra 8:23 - EBƆRƐ BE KAWƆL

²³ Ndoŋ nna nɛ an kishi ŋ kule Ebɔrɛ fanɛ e kuŋ anyi nɛ mo alɛ nu anyi be kekule.

Ɛzra 8:23 ပူးပေါင်းရင်းမြစ်များ

Jɛnesis 25:21

Aizek nɛ Rebɛka ka ta abar Rebɛka daa maa kurge nɛ Aizek kule Enyɛnpe Ebɔrɛ na n sa mo nɛ Enyɛnpe Ebɔrɛ na nu mbe kabɔrɛkule na n shin nɛ Rebɛka di kedampo.

2 Bewura 13:4

Jehowahaz ka wu kananɛ Siriya be ewura na bee tɔrɔ bumo nsaa mɛaŋ bumo na nseŋ kule Enyɛnpe Ebɔrɛ nɛ e nu mbe kekule,

1 Kronikɛls 5:20

B daŋ ta bumo be yirda nna n deŋi Ebɔrɛ so ŋ kule mo fanɛ e chɛ bumo to. Nɛ Ebɔrɛ nu bumo be kekule nseŋ chɛ bumo to nɛ b kɔ m pɔɔ Hagebi nɛ basa nɛ b chɛ bumo to a kɔ kena na kikɛ so.

Ɛzra 8:31

Kufɔl juŋkparso na be kachɛ kudu anyɔsopo na nɛ an fara n shi Ahava be kabombi na ase a yɔ Jerusalɛm. Anyi nɛ anyi be Ebɔrɛ e daa la nɛ e daa kuŋ anyi nɛ an doŋana maaŋ kuŋ anyi ekpa n tu anyi ŋ kɔ ŋko beyu e kuŋ anyi ekpa n suge anyi be asɔ.

Nehemaya 9:1

Kufɔl shunusopo na be kachɛ adunyɔ nɛ ana na nɛ Israɛlebi na shɛr ŋ kishi nseŋ buu nli be nle nseŋ wora eshishɛr ŋ gbiti bumo be amu to a ŋini bumo be ŋgbene ka jija bumo ŋkpal bumo be alubi so so.

Ɛsta 4:16

“Shin nɛ Juwebi nɛ b wɔ Susa na kikɛ e ba abar so m ba kishi nchɛ asa nɛ nnyɛ asa ŋ kule Ebɔrɛ n sa ma. Ma alɛ gba nɛ ma mbita beeŋ luri loŋ be ekishi na to. Kumo be kaman, nɛ n yɔ ewura na kutɔ. Hale nɛ mbra maŋ sa ma ekpa gba, meeŋ wora loŋ. Nɛ k la luwu nɛ n wu.”

Aŋasa 3:5

Ta fo kagbene kikɛ nyam n yirda Enyɛnpe Ebɔrɛ na. Sa maa ta fo tama a deŋi kusɔ nɛ fo nyi so.

Aizaaya 19:22

Enyɛnpe Ebɔrɛ na kaŋ gberge Ijiptebi na kusoe n loge, baaŋ bɛta m ba mo kutɔ. Kumo be kaman nɛ e nu bumo be kabɔrɛkule nseŋ shin nɛ Ijiptebi na e nya kechɛ.

Jɛremaya 33:3

Men kule ma nɛ n nu menyi be kekule nseŋ kaŋɛ menyi asheŋgboŋ nɛ menyi maŋ nyi nsaa maaŋ tiŋ m pin amo to na.

Danɛl 9:3

Ndoŋ nna nɛ ŋ kishi nseŋ buu kagbenejijaso be asɔbuuso n chena nsunɔ to ŋ kule Ebɔrɛ kenishipereso.

Luuk 2:37

E ka daŋ kil kumo be kafɛ shunusopo to nɛ mo kul wu ŋ ka mo nɛ e wɔtɔ loŋ n ya ji nfɛ aduburwa nɛ ana. E daa sha bɔrɛlambu na to ga nseŋ daa wɔtɔ a kule Ebɔrɛ nsaa kishi a bunyaŋ mo saŋkama.

Ashuŋ Shunso 10:30

Nɛ Kɔɔnilias kaŋɛ: “Kachɛnawase be kapaso, kerfi asa, saŋɛ ere so nɛ mee kule Ebɔrɛ ashi ma pe nɛ kanyɛn ko buu asɔ fuful m ba yili ma anishito nseŋ kaŋɛ ma:

Ditɛronɔmi 4:29

Ashi menyi be etɔrɔ na kikɛ to, menyeeŋ ba chɛrga a sha kenaŋ n shuŋ Enyɛnpe Ebɔrɛ na nawule. Nɛ menyi alɛ kaŋ bɛta m ba mo kutɔ nseŋ wora mo kasonu kashenteŋto, e beeŋ naa la menyi be Ebɔrɛ.