Ɛzra 8:21 - EBƆRƐ BE KAWƆL

²¹ Ahava be kabombi na ase nɛ ŋ kaŋɛ fanɛ a daga an kikɛ ka kishi nseŋ bar anyi be amu kaseto ashi Ebɔrɛ be anishito nseŋ kule mo nɛ e juŋkpar anyi nseŋ keni anyi nɛ anyi be mbia nɛ anyi be asɔ kikɛ so ashi anyi be enite to.

Ɛzra 8:21 ပူးပေါင်းရင်းမြစ်များ

2 Kronikɛls 20:3

Ndoŋ nna nɛ kufu pɛ Jehoshafat ga nɛ e kule Enyɛnpe Ebɔrɛ fanɛ e ŋini mo kusɔ nɛ e beeŋ wora. Kumo be kaman nɛ e shin nɛ efuli na be basa kikɛ kishi ŋ kule Ebɔrɛ n sa mo.

2 Kronikɛls 20:4

Amoso Juda be efuli so be basa daŋ ba shɛr Jerusalɛm nna nɛ b fin kechɛto ashi Enyɛnpe Ebɔrɛ kutɔ.

Ɛzra 8:15

Ndoŋ nna nɛ n shɛr basa na kikɛ kabombi nɛ k bee shile a yɔ kade nɛ baa tre Ahava na nɛ an daŋ ji nchɛ asa ndoŋ na ase. Ŋ ka keni basa na nɛ bɔrɛmatapoana na to n daa maŋ wu Livaiebi bumo to.

Ɛzra 8:31

Kufɔl juŋkparso na be kachɛ kudu anyɔsopo na nɛ an fara n shi Ahava be kabombi na ase a yɔ Jerusalɛm. Anyi nɛ anyi be Ebɔrɛ e daa la nɛ e daa kuŋ anyi nɛ an doŋana maaŋ kuŋ anyi ekpa n tu anyi ŋ kɔ ŋko beyu e kuŋ anyi ekpa n suge anyi be asɔ.

Nehemaya 9:1

Kufɔl shunusopo na be kachɛ adunyɔ nɛ ana na nɛ Israɛlebi na shɛr ŋ kishi nseŋ buu nli be nle nseŋ wora eshishɛr ŋ gbiti bumo be amu to a ŋini bumo be ŋgbene ka jija bumo ŋkpal bumo be alubi so so.

Ɛsta 4:16

“Shin nɛ Juwebi nɛ b wɔ Susa na kikɛ e ba abar so m ba kishi nchɛ asa nɛ nnyɛ asa ŋ kule Ebɔrɛ n sa ma. Ma alɛ gba nɛ ma mbita beeŋ luri loŋ be ekishi na to. Kumo be kaman, nɛ n yɔ ewura na kutɔ. Hale nɛ mbra maŋ sa ma ekpa gba, meeŋ wora loŋ. Nɛ k la luwu nɛ n wu.”

Nshɛ 137:1

An daŋ chena Babilɔn be elɔr na ase nna n nyiŋi Jerusalɛm be asheŋ nseŋ chena n shu ga.

Nshɛ 5:8

Enyɛnpe Ebɔrɛ, juŋkpar ma ŋkpal fo ka bee wora asheŋ niŋiso so. Ŋini ma fo ekpa niŋiso na, ŋkpal ŋ ka kɔ bedoŋ damta so.

Nshɛ 5:9

M maaŋ tiŋ n yirda kusɔ nɛ ma doŋana bee kaŋɛ. Esa be kejija nɛ baa fin. Efɛ e bɔlɔ bumo be mmalga to fanɛ kemaŋ chiŋgeliŋ nɛ asɔ buu so. Bumo be adonduloŋ malɛ bee ku efɛ nawule nna.

Nshɛ 8:2

Hale mbi popɔrbi nɛ mbiwurbi kikɛ bee boŋ nshɛ a di fo epaŋ. Fo kuŋ fo kumu ashi fo doŋana be enɔ to. Fo alɛ maaŋ sa fo doŋ kikɛ kashuli.

Aŋasa 3:6

Baa nyiŋi Enyɛnpe Ebɔrɛ na ashi kusɔ kama nɛ fee wora to, nɛ e baa lɔŋɛ ekpa nɛ fee bɔla so kananɛ k daga a sa fo.

Aizaaya 30:21

Nɛ fanɛ men foe ekpa a yɔ jisoso ŋko bena so gba, menyeeŋ nu mbe ebɔl menyi be kamanto ka bee kaŋɛ le: “Ekpa na nde. Men bɔla kumo so.”

Aizaaya 35:8

Kegbembi lela beeŋ ba dese ndoŋ, nɛ b baa tre kumo “Kecheembiya be ekpa.” K beeŋ baa la Ebɔrɛ be basa be ekpa. Esa nɛ e maa shuŋ Ebɔrɛ maaŋ nite kumo so. Bewulpo gba maaŋ nite loŋ be kegbembi na so.

Aizaaya 42:16

Meeŋ juŋkpar etanpo m bɔla ekpaana nɛ b maŋ naŋ bɔla so ŋ ku so so. Meeŋ shin nɛ bumo be tentembiri e ki kefulto nseŋ shin nɛ ekpa lubi nɛ baa nite so e nyalɛ n sa bumo. Ma nnɔ naseso nna na, ma alɛ beeŋ wora m bɔlɔ amo kikɛ so nyam.

Aizaaya 49:10

Akoŋ nɛ achukoŋ maaŋ naŋ pɛ bumo kikɛ. Epeŋi nɛ keshishɛrsawule so be ebeldɛ maaŋ naŋ tɔrɔ bumo. Ma, Enyɛnpe Ebɔrɛ na beeŋ baa wu bumo kuwɔr nsaa juŋkpar bumo a yɔ mbombi ase.

Aizaaya 58:3

Kumo be kaman nɛ basa na bishi le: “Manɛ nna nɛ anyee kishi nɛ Enyɛnpe Ebɔrɛ na maa wu fanɛ anyee kishi? Nɛ manɛ nna nɛ anyee bar anyi be amu kaseto nɛ mbe lakal maŋ wɔ anyi so?” Ade be kaman nɛ Enyɛnpe Ebɔrɛ na malɛ kaŋɛ bumo le: “Kashenteŋ na e la fanɛ, jemanɛ kikɛ nɛ menyee kishi menyi gbagba be aparsheŋ nɛ menyee wora nsaa mɛaŋ menyi be beshumpoana.

Aizaaya 58:5

Men baŋ kishi kikɛ, menyee ta menyi be amu nna a wɔtɔ awurfoŋ to. Menyi alɛ naa wora asheŋ nna fanɛ bebɔlpo, a kurgi amu a yuu to fanɛ ayu ka bel n chulgi na nseŋ naa buu nli to be asɔbuuso a dese nsunɔ to a ŋini men ka bar menyi be amu kaseto. Le nɛ menyee tre ekishi nɛ k bee par ma nna a?

Jɛremaya 10:23

Enyɛnpe Ebɔrɛ, n nyi fanɛ anyi edimɛdi maŋ kɔ anyi be ŋkpa so be eleŋ.

Jɛremaya 42:3

Amoso kule Enyɛnpe, anyi be Ebɔrɛ na nɛ e ŋini anyi kakpa nɛ anyeeŋ yɔ nɛ kusɔ nɛ anyeeŋ wora.”

Danɛl 9:3

Ndoŋ nna nɛ ŋ kishi nseŋ buu kagbenejijaso be asɔbuuso n chena nsunɔ to ŋ kule Ebɔrɛ kenishipereso.

Jowɛl 1:14

Naniere, a daga fanɛ men tre abar n shɛr ŋ kishi ekishi cheembi. Men tre bejuŋkparpoana na, nɛ bekama nɛ b wɔ kasawule ere so na n shɛr men Nyɛnpe be bɔrɛlambu to n shu n tre mo.

Levitikɔs 16:29

Mbraana ere daga fanɛ a baa dese nna nɛ b baa bɛ amo so mbaanaayɔ. Kufɔl shunusopo to be kachɛ kudusopo kikɛ, Israɛlebi nɛ befɔ kama nɛ b tu bumo n chena na kikɛ daga b kishi nsaa maŋ shuŋ kushuŋ kikɛ loŋ be kachɛ na.

Levitikɔs 16:31

Kachɛ na daga k baa la kachɛ cheembi ga nɛ baaŋ kishi nsaa maŋ shuŋ shɛŋ nna. Mbraana ere wɔtɔ nna nɛ b baa bɛ amo so hale mbaanaayɔ.

Levitikɔs 23:29

Esa kama nɛ e beeŋ ji loŋ be kachɛ na, maaŋ naa la Ebɔrɛ be basa to be eko.

Jona 3:5

Ninɛveebi na ka nu kubɔya na nɛ b yirda Ebɔrɛ nseŋ yili kumo fanɛ ekama e kishi. Ndoŋ nna nɛ benimu nɛ mbia kikɛ ta kagbenejijaso be asɔbuuso m buu a ŋini fanɛ bumo be ŋgbene jija bumo.

Jona 3:7

Kumo be kaman nɛ e sa Ninɛveebi kubɔya. Kubɔya na e daa la fanɛ ewura nɛ mbe benimuana yɛ: “Esa kama e sa maŋ ji shɛŋ. Dimɛdi ŋko kusɔbɔya e sa maŋ ta ajibi ŋko nchu n yɔ kɔnɔ.

Nɔmbɛs 14:3

Manɛ nna nɛ Enyɛnpe Ebɔrɛ keta anyi a ba Keenan nɛ b mɔ anyi nseŋ pɛ anyi be beche nɛ mbia ŋ ki anya? An daa wɔ Ijipt be kasawule so gba, k daa ba bɔ.”

Nɔmbɛs 14:31

Menyi be mbia nɛ men yɛ baaŋ pɛ ŋ ki anya na nɛ meeŋ yɛra kasawule nɛ men kini na so nɛ k ki bumo peya.

Ashuŋ Shunso 2:39

Ŋkpal manɛ so, kumo be loŋ be kɔnɔ nɛ Enyɛnpe Ebɔrɛ daŋ nase n sa menyi nɛ menyi be mmantoebi nɛ basa pɔtɛ nɛ b maŋ taga to nfe ere na kikɛ, bumo e la bumo nɛ Enyɛnpe Ebɔrɛ bee tre a ba mo kutɔ na.”

Demujipoana 20:26

Ndoŋ nna nɛ Israɛl be basa na kikɛ yɔ Bɛtɛl, kakpa nɛ baa shuŋ Ebɔrɛ na, n ya shu ga a maŋ ji shɛŋ ashi Enyɛnpe Ebɔrɛ be anishito hale nɛ epeŋi ya tɔr. Kaase ka fo nɛ b lara esarga chɔɔso nɛ kɔnɔkoŋwule be esarga n sa Enyɛnpe Ebɔrɛ na a fin mbe nɛfa.

1 Samuɛl 7:6

Nɛ Israɛlebi na ba shɛr abar so ashi Mizpa. Samuɛl e daa la bumo be ejuŋkparpo. B daŋ saŋ nchu nna n chulgi n wurge kasawule fanɛ sarga n sa Enyɛnpe Ebɔrɛ. Bumo alɛ daŋ kishi kumo be kamɔnchɛ kikɛ nna nseŋ bugi to ŋ kaŋɛ Enyɛnpe Ebɔrɛ fanɛ b wora alubi n da mo so.