Ɛzra 7:7 - EBƆRƐ BE KAWƆL

⁷ Ewurgboŋ Atazɛzɛs ka ji kuwura be kafɛ shunusopo to nɛ Israɛlebi na nɛ bɔrɛmatapoana na nɛ Livaiebi na nɛ nshɛbompoana na nɛ mbunagboŋ kenipoana na nɛ bɔrɛlambu to be beshumpo na kikɛ shi Babilɔn be efuli so m bɛta m ba Jerusalɛm to.

Ɛzra 7:7 ပူးပေါင်းရင်းမြစ်များ

Ɛzra 6:14

Juwebi be bejuŋkparpo na daŋ wora asɔ ga ashi bɔrɛlambu na be kepɔr na to. Bumo alɛ daŋ naa nya keleŋto ashi anebi Heegai nɛ Zakareya, nɛ e shi Iddo be kanaŋ to na be keŋini to. Kananɛ Israɛl be Ebɔrɛ bɔla Pɛshiya be bewura fanɛ Sairus nɛ Dariɔs nɛ Atazɛzɛs so ŋ ŋini bumo kananɛ e bee sha bɔrɛlambu na gbagba chap nɛ b daŋ pɔr kumo.

Ɛzra 7:24

A maŋ daga fanɛ b tu bɔrɛmatapoana na nɛ Livaiebi na nɛ beshɛbompo na nɛ mbunagboŋ kenipoana na nɛ bekama nɛ baa shuŋ bɔrɛlambu na to na kikɛ n sɔ toto be yiri kikɛ.

Ɛzra 7:8

Loŋ be kafɛ shunusopo na be kufɔl nusopo na to nɛ Ɛzra bɛta m ba Jerusalɛm.

Nehemaya 1:1

Ma e la Nehemaya Hakalia pibinyɛn. Asheŋ nɛ n wora nɛ amo nɛ m malga nɛ n sibɛ n wɔtɔ kawɔl ere to na. Ewurgboŋ Atazɛzɛs ka ji kuwura Pɛshiya be efuli so be kafɛ adunyɔ to nɛ ma, Nehemaya daa wɔ kadegboŋ lempo nɛ baa tre Susa nɛ k la efuli na be kadegboŋ na to nna. Juwebi be kufɔl nɛ baa tre Kislɛv na to e daa la.

Nehemaya 10:28

Anyi Israɛlebi na kikɛ, ta bɔrɛmatapoana nɛ Livaiebi nɛ bɔrɛlambu to be bekumpo na nɛ beshɛbompoana na nɛ bɔrɛlambu to be beshumpo na nɛ bejuŋkparpoana na n ta anyi be beche nɛ mbia nɛ b daŋ kikɛ n ti so, barga anyi be amu ashi befɔ nɛ b wɔ kasawule ere so to nna. Naniere an wora kɔnɔkoŋwule nna fanɛ anyeeŋ pin kusɔ nɛ anyee wora to nɛnɛ. Amoso nɛ an baŋ maŋ naŋ wora Enyɛnpe anyi be Ebɔrɛ na be mbra nɛ keŋini nɛ e ta m bɔla mbe kayɛrbi Mosis so n sa anyi na kasonu, kumo ere Ebɔrɛ be kɔnɔsho e ba anyi so.

Nehemaya 12:1

Bɔrɛmatapoana nɛ Livaiebi nɛ Shealtiɛl pibinyɛn, Zerubabel nɛ Joshuwa daŋ juŋkpar ŋ keta bumo n shi Babilɔn be efuli so kenyaya to m bɛta m ba na be atre nde.

Nehemaya 2:1

Juwebi be kufɔl nɛ baa tre Nisan na to nɛ ewurgboŋ Atazɛzɛs ka ji kuwura be kafɛ adunyɔ na to nɛ n ta yabra nɛ n ya sa mo. Mo alɛ daŋ maŋ naŋ wu ma anishiakpa ka chɛrga n duli esa nɛ mbe kagbenejija mo kikɛ.