Ɛzra 7:6 - EBƆRƐ BE KAWƆL

⁶ Ɛzra daŋ shi Babilɔn be efuli so nna m ba Jerusalɛm. E daa la eŋinipo nɛ e daa nyi Israɛl be Ebɔrɛ na be mbra nɛ e ta m bɔla Mosis so n sa mbe basa na ga nna. Ewura na daŋ sa Ɛzra kusɔ kama nɛ e daŋ kule mo na nna ŋkpal Ebɔrɛ be nɛfa ka daa wɔ mo so so.

Ɛzra 7:6 ပူးပေါင်းရင်းမြစ်များ

Jɛnesis 32:28

Ndoŋ nna nɛ kanyɛn na kaŋɛ Jeekɔb le: “Yili kabre mbaanaayɔ fo ketre maaŋ naŋ ji Jeekɔb, k ki Israɛl, ŋkpal fo nɛ Ebɔrɛ nɛ edimɛdi ka kɔ nɛ fo pɔɔ so so.”

Ɛzra 5:5

Ama ŋkpal Ebɔrɛ ka daa keni Israɛl be benimuana na so so, Pɛshiya be benimuana na daŋ maŋ tiŋ n ju bumo kapɔr na be kushuŋ to. B daa sha kesibɛ kawɔl nna n sa ewurgboŋ Dariɔs nseŋ nu kusɔ nɛ e beeŋ kaŋɛ pɔɛŋ.

Ɛzra 6:22

Nchɛ ashunu nɛ baa ji bodobodo nɛ k maŋ kɔ yiisi na be kejigboŋ na kagbenefuliso Bumo be ŋgbene daŋ fuli bumo nna ŋkpal Enyɛnpe Ebɔrɛ na ka chɛrga Asiriya be ewura be kagbene nseŋ shin nɛ e chɛ bumo to nɛ b lɔŋɛ Israɛl be Ebɔrɛ be bɔrɛlambu na m pɔr so.

Ɛzra 7:21

Ma, ewurgboŋ Atazɛzɛs, e naa sa bekama nɛ baa keni Yufreetes be epeŋitɔrkpa be efuli so be amansherbi so na ebɔl fanɛ kusɔ kama nɛ Ɛzra, nɛ e la bɔrɛmatapo nɛ Ebɔrɛ be mbra na be eŋinipo na bee sha, b sa mo.

Ɛzra 7:28

Mo, Ebɔrɛ koŋwule, na be katiŋ to so nɛ ewura nɛ mbe benimu nɛ basa gboŋana na kikɛ wu ma kuwɔr nseŋ shin nɛ n nya le be ekpa ere na. N nyɛnpe nɛ ma Ebɔrɛ na so nɛ n nya kagbene n ta kenyɛn m malga n sa Israɛl be benimu kpakpaso nɛ b nu nseŋ bɛ ma so n yɔ Jerusalɛm na.”

Ɛzra 7:5

Bukki mo tuto e daa la Abishuwa nɛ mo alɛ mo tuto daa la Finihas. Finihas mo tuto e daa la Eliaza nɛ e daa la bɔrɛmatapo nimuso Ɛɛrɔn pibinyɛn.

Ɛzra 7:9

Kufɔl juŋkparso na be kachɛ juŋkparso na nɛ e daŋ koso Babilɔn be efuli so nseŋ ba fo Jerusalɛm kufɔl nusopo na be kachɛ juŋkparso. Ŋkpal manɛ so, Ebɔrɛ be kuwɔr wu be nɛfa daa wɔ anebi Ɛzra so nna.

Ɛzra 8:1

Israɛl be nnaŋ nɛ b daa wɔ kenyaya to ashi Babilɔn be efuli so nseŋ bɛ Ɛzra so m bɛta m ba Jerusalɛm na be benimu e daa la:

Ɛzra 8:18

Ŋkpal Ebɔrɛ be kuwɔrwu ka daa wɔ anyi so so, Livainyɛn ko nɛ e shi Maali be kabuna nɛ baa tre mo Shɛribiya na nɛ b daŋ lara n sa anyi. E daa shuŋ ga. Mo nɛ mbe mbinyɛnsobi nɛ mo siponyɛnsoana kuduaburwa e daŋ ba.

Ɛzra 8:22

K daa beeŋ baa la nyɔmɔ nna n sa ma, fanɛ an ka beeŋ kaŋɛ ewura fanɛ e sa anyi esoji nɛ b baa kuŋ anyi ashi an doŋana kutɔ ashi anyi be enite ere to. Ŋkpal manɛ so, n daŋ kaŋɛ mo fanɛ an be Ebɔrɛ na bee nɛfa esa kama nɛ e ta mo yirda ŋ wɔtɔ mo to nna. Ebɔrɛ malɛ be kagbene maa fuli esa kama nɛ e kplaŋ mo so so. E bee gberge loŋ be esa kusoe nna.

Ɛzra 8:31

Kufɔl juŋkparso na be kachɛ kudu anyɔsopo na nɛ an fara n shi Ahava be kabombi na ase a yɔ Jerusalɛm. Anyi nɛ anyi be Ebɔrɛ e daa la nɛ e daa kuŋ anyi nɛ an doŋana maaŋ kuŋ anyi ekpa n tu anyi ŋ kɔ ŋko beyu e kuŋ anyi ekpa n suge anyi be asɔ.

Nehemaya 12:26

Joshuwa pibinyɛn, ewura Jowakim nɛ mo nananyɛn daa la ewura Jozadak na be jemanɛ to kikɛ nɛ basa ere wɔtɔ. Loŋ be jemanɛ na ma e daa la gomena nɛ Ɛzra nɛ e daa ŋini Mosis be mbra na malɛ daa la bɔrɛmatapo.

Nehemaya 12:36

nɛ Shamaya nɛ Azarɛl nɛ Mikalai nɛ Gilalai nɛ Maai nɛ Netanɛl nɛ Juda nɛ Hanani kikɛ keta alaŋsɔ a laŋ a bɛ Ɛzra nɛ e la mbra ŋinipo na so. Alaŋsɔ na barkasa nɛ Ebɔrɛ be kenya ewura Deevid daŋ laŋ dra dra na.

Nehemaya 2:12

nɛ ma nɛ basa gbrɛbi ko koso kanyɛso a yɔ. Jemanɛ na so nɛ ma alɛ daŋ maŋ naŋ kaŋɛ esa kikɛ kusɔ nɛ Ebɔrɛ ta n deŋi ma kagbene so fanɛ n wora n sa Jerusalɛmebi. Kurma nɛ n daŋ dii na nawule e daa la kusɔbɔya nɛ an keta n yɔ.

Nehemaya 2:18

Ma alɛ daŋ naŋ kaŋɛ bumo kananɛ Ebɔrɛ wɔ ma kutɔ nseŋ chɛ ma to nɛ kusɔ nɛ ewurgboŋ na gba kaŋɛ ma. Ndoŋ nna nɛ b kaŋɛ: “Men shin nɛ an fara kapɔr na naniere!” Ndoŋ nna nɛ b bela ase nɛ b fara kushuŋ na.

Nehemaya 2:8

Ma alɛ daa beeŋ baa sha kawɔl nɛ meeŋ ta n ya sa kanyɛn nɛ baa tre Asaf nɛ e bee keni ewura be kupo so na, saŋɛ na so Asaf beeŋ sa ma ekpa nɛ ŋ ku ndibi be kupo na to n lɔŋɛ mbuna n wɔtɔ ebu lempo jeŋgreŋ nɛ a yil m mata bɔrɛlambu na nɛ kadegboŋ na gba to be egbalana na nɛ laŋ nɛ ŋ gbagba beeŋ ya kaa wɔtɔ to na. Ebɔrɛ ka daa wɔ ŋ kutɔ so, ewura na daŋ shuli nna n sa ma kusɔ kama nɛ n daŋ kule mo.

Nehemaya 4:15

An doŋana daŋ mige to m pin fanɛ an nyi ŋkre lubi nɛ baa kre a laŋɛ anyi be kaplɛa so na kikɛ. Ebɔrɛ malɛ daŋ jija bumo be ŋkre na nna. Amoso anyi kikɛ naŋ bɛta n yɔ egbal na be kelɔŋɛ m pɔr to nna.

Nehemaya 8:1

Afɔl ashunu nɛ Israɛlebi na daŋ ta n chena bumo be ndeana to n loge. Kufɔl shunusopo na to be kachɛ sososo na nɛ bumo kikɛ gama abar so ashi Jerusalɛm be kadegboŋ na to be kelɔnɛ nɛ k dese kabuna nɛ baa tre Nchu be Kabuna na ase. Kumo be kaman nɛ b kaŋɛ bɔrɛmatapo Ɛzra, nɛ e daa ŋini mbra nɛ Ebɔrɛ daŋ bɔla an nananyɛn Mosis so n ta n sa Israɛlebi na, fanɛ e ya ta mbra be kawɔl na m ba.

Nehemaya 8:13

Kumo be ŋklade nɛ nnaŋ to be benimuana na kikɛ, nɛ bɔrɛmatopoana na nɛ Livaiebi na yɔ Ɛzra kutɔ nɛ e ya ŋini bumo mbra na.

Nehemaya 8:4

B daŋ ta ndibi n yuu kejaŋ nna nɛ Ɛzra yili kumo so loŋ be kachɛ nna. Basa nɛ b daa yil mbe jisoso a la Mattitia nɛ Shema nɛ Anaya nɛ Yuriya nɛ Hilkiya nɛ Maseya. Bumo nɛ bumo alɛ daa yil mbe bena so malɛ e daa la Pedaya nɛ Mishaal nɛ Malkiya nɛ Hashum nɛ Hash Badaana nɛ Zakareya nɛ Mɛshulam.

Nehemaya 8:9

Basa na ka nu kusɔ nɛ mbra na bee kaŋɛ na nɛ k luri bumo to ga nɛ b fara a shu. Amoso Nehemaya nɛ e daa la gomena na nɛ bɔrɛmatapo Ɛzra nɛ e la mbra na be eŋinipo na nɛ Livaiebi nɛ baa kute mbra na be afito a sa basa na kaŋɛ: “Kabre la kachɛ cheembi nna n sa Enyɛnpe menyi be Ebɔrɛ na. Amoso k maŋ daga fanɛ men baa shu a wora kuwɔr be asheŋ.”

Nehemaya 9:13

Fo daŋ shi ebɔrɛso nna ŋ gbelge m ba Sainai be kebee na so m ba sa fo basa mbra nɛ keŋini nɛ a walɛ ga n sa bumo.

Nshɛ 109:27

Shin nɛ bedoŋ e pin fanɛ fo, Enyɛnpe Ebɔrɛ na, e la ma emɔlgapo.

Nshɛ 147:19

Ebɔrɛ e ta mbe mbraana nɛ keŋiniana n sa mbe basa nɛ b la an nananyɛn Jeekɔb nɛ e daa wɔtɔ dra dra na be kaman to ebi; bumo e ki Israɛl be efuli so be basa na.

Nshɛ 45:1

Ŋ kɔ mmalga lela ma nfɛra to nɛ n sa ewura. Meeŋ ta ma kudonduloŋ m boŋ amo fanɛ kananɛ esibɛpo lela bee ta kelembi a sibɛ na.

Nshɛ 80:18

Anyi maaŋ naŋ lar fo kaman kikɛ. Sa anyi ŋkpa popɔr nɛ an baa bunyaŋ fo.

Aŋasa 3:6

Baa nyiŋi Enyɛnpe Ebɔrɛ na ashi kusɔ kama nɛ fee wora to, nɛ e baa lɔŋɛ ekpa nɛ fee bɔla so kananɛ k daga a sa fo.

Aizaaya 50:2

Ŋ ka ba nɛ m ba mɔlga ma basa na, b maŋ shuli m bɛ ma so. Ŋ ka tre bumo gba, b maŋ shuli so. M maŋ kɔ eleŋ nɛ m mɔlga bumo nna a? Ma kɔnɔ to be kamalga beeŋ tiŋ n shin nɛ teku nɛ elɔr kikɛ e wɔlto ŋ ki keshishɛrsawule nɛ ekɔrɔtɔ nɛ e wɔ amo to kikɛ e wu ŋkpal nchu ka maŋ naa wɔtɔ so.

Aizaaya 59:1

Men sa maa fɛ fanɛ Enyɛnpe Ebɔrɛ na pɔ nna ga so nɛ e maaŋ tiŋ m mɔlga menyi ŋko mbe asoe ti nna so nɛ e maaŋ tiŋ n nu kushu nɛ menyee shu a fin kechɛto na!

Jɛremaya 8:8

Nuso nɛ menyeeŋ tiŋ ŋ kaŋɛ fanɛ men nyi asheŋ nsaa nyi ma mbraana na? Mbraŋinipoana na chɛrga amo nna nɛ e ki efɛ men kutɔ.

Matiu 13:52

Nɛ e kaŋɛ le: “Mbraŋinipo kama nɛ b ŋini mo ebɔrɛso be kuwura na to be asheŋ baa du fanɛ laŋwura ko ka bela asɔ popɔr nɛ asɔ dra ashi mbe kpanjawu to be ebu to n lar na nna.”

Matiu 23:2

“Mbraŋinipoana na nɛ Efarisiana na yil anebi Mosis be katelamu to nna.

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

1 Kɔrintebi 1:20

To, nɛ kenya la loŋ, nnɛ nɛ benyiashempo ŋko nwɔlnyipoana ŋko durnya ere to be kanyiashenfinpowuraana naa yil? Ebɔrɛ maŋ ŋini fanɛ durnya ere to be kanyiasheŋ la kawulisheŋ nna a?

1 Kɔrintebi 15:1

Naniere, ŋ kurgepoana, mee sha fanɛ n nyiŋi menyi baru lela mo nɛ n daŋ bɔ n sa menyi nɛ men sɔ a yil kumo to na be asheŋ nna.

Ditɛronɔmi 28:1

Nɛ Mosis naŋ kaŋɛ Israɛl be basa na le: Nɛ fanɛ menyeeŋ wora Enyɛnpe menyi be Ebɔrɛ na kasonu nseŋ bɛ mbe mbraana nɛ n ta a sa menyi kabre ere so kashenteŋto, e beeŋ shin nɛ men ki efuligboŋ nsaa kɔ eleŋ ga a chɔ efuliana nɛ a ka a wɔ durnya to na kikɛ.

Ditɛronɔmi 4:5

Mbraana nɛ Enyɛnpe, ma Ebɔrɛ na ta n sa ma na kikɛ nɛ ŋ ŋini menyi na. Men wora amo kasonu ashi kasawule nɛ menyee yɔ nɛ men ya kɔ n sɔ n chena so na so.