Ɛzra 7:27 - EBƆRƐ BE KAWƆL

²⁷ Ndoŋ nna nɛ Ɛzra kaŋɛ le: “Kemaŋkura e baa la an nananyɛnana be Ebɔrɛ na peya. Mo e sa ewura na le be nfɛra nɛ e ta bunyaŋ n sa Enyɛnpe Ebɔrɛ be lambu nɛ k wɔ Jerusalɛm na.

Ɛzra 7:27 ပူးပေါင်းရင်းမြစ်များ

2 Kronikɛls 31:8

Ewura Hɛzekaya nɛ mbe benimuana ka wu kananɛ basa na sa na, nɛ b di Enyɛnpe Ebɔrɛ epaŋ nseŋ chɔrɔ Israɛlebi gba.

Ɛzra 6:22

Nchɛ ashunu nɛ baa ji bodobodo nɛ k maŋ kɔ yiisi na be kejigboŋ na kagbenefuliso Bumo be ŋgbene daŋ fuli bumo nna ŋkpal Enyɛnpe Ebɔrɛ na ka chɛrga Asiriya be ewura be kagbene nseŋ shin nɛ e chɛ bumo to nɛ b lɔŋɛ Israɛl be Ebɔrɛ be bɔrɛlambu na m pɔr so.

Nehemaya 2:12

nɛ ma nɛ basa gbrɛbi ko koso kanyɛso a yɔ. Jemanɛ na so nɛ ma alɛ daŋ maŋ naŋ kaŋɛ esa kikɛ kusɔ nɛ Ebɔrɛ ta n deŋi ma kagbene so fanɛ n wora n sa Jerusalɛmebi. Kurma nɛ n daŋ dii na nawule e daa la kusɔbɔya nɛ an keta n yɔ.

Nehemaya 2:8

Ma alɛ daa beeŋ baa sha kawɔl nɛ meeŋ ta n ya sa kanyɛn nɛ baa tre Asaf nɛ e bee keni ewura be kupo so na, saŋɛ na so Asaf beeŋ sa ma ekpa nɛ ŋ ku ndibi be kupo na to n lɔŋɛ mbuna n wɔtɔ ebu lempo jeŋgreŋ nɛ a yil m mata bɔrɛlambu na nɛ kadegboŋ na gba to be egbalana na nɛ laŋ nɛ ŋ gbagba beeŋ ya kaa wɔtɔ to na. Ebɔrɛ ka daa wɔ ŋ kutɔ so, ewura na daŋ shuli nna n sa ma kusɔ kama nɛ n daŋ kule mo.

Nehemaya 7:5

Amoso Ebɔrɛ daŋ sa ma nfɛra nna fanɛ ŋ gama basa na nɛ bumo be bejuŋkparpo nɛ ekrachi na ŋ keni basa nɛ ewurgboŋ Nebukadneeza pɛ n yɔ Babilɔn be efuli so nɛ b bɛta m ba na be nnaŋ be atre be nwɔl to ŋ karga bumo. Kusɔ nɛ n wu nwɔl na to nde.

Ɛksodɔs 8:9

Nɛ Mosis kaŋɛ Fɛɛro le: “Kaŋɛ ma saŋɛ nɛ fee sha fanɛ ŋ kule Enyɛnpe Ebɔrɛ n sa fo nɛ fo beyaasepo nɛ fo basa nɛ epulo na e lar menyi be elaŋana to n ya ka wɔ Nail be lɔr na to nawule?”

Aŋasa 21:1

Enyɛnpe Ebɔrɛ e naa ŋini Ewura be kagbene ekpa, fanɛ nchu be kubɔr na.

Aizaaya 60:13

Baaŋ ku Lebanɔn be efuli so be ndibi lela m ba lɔŋɛ menyi be kadegboŋ, Jerusalɛm be ebuana m pɔr nseŋ shin nɛ ma bɔrɛlambu e nyalɛ kebita. Saŋɛ na so ma kadegboŋ na gba beeŋ nya kemaŋkura.

Luuk 7:5

E bee sha an be efuli ere so be basa ga, mo e shin nɛ b pɔr nshɛrbu n sa anyi na.”

2 Kɔrintebi 8:16

Mee chɔrɔ Ebɔrɛ ga ŋkpal e ka ta kagbene koŋwule be kasha mo nɛ an kɔ a sa menyi na n wɔtɔ Taites be kagbene to so.

Filipaiebi 4:10

Ma kagbene bee fuli ma ga ashi Enyɛnpe to fanɛ men ka naŋ lɔŋɛ n fara nɛ men chɛ ma to so. Kashenteŋto, ma asheŋ wɔ men be ŋgbene to, ama ekpa nɛ men maŋ nya nɛ men ŋini kumo be loŋ.

Hibruwebi 10:16

“Ade be kaman kɔnɔkoŋwule be ŋkre nɛ ma nɛ bumo beeŋ kre na nde: ‘Meeŋ ta ma mbraana n wɔtɔ bumo be ŋgbeneana to nseŋ sibɛ amo n deŋi bumo be nfɛraana so.’ ”

Hibruwebi 8:10

Ma, Enyɛnpe na naŋ kaŋɛ: Amo be saŋɛ na be kaman le be kɔnɔ naseso ere nɛ meeŋ nase n sa Israɛlebi fanɛ: Meeŋ ta ma mbraana n wɔtɔ bumo be nfɛraana to nseŋ sibɛ amo n deŋi bumo be ŋgbeneana so. Meeŋ baa la bumo be Ebɔrɛ nɛ bumo alɛ e baa la ma basa.

Jeems 1:17

Kelela be yiri kikɛ nɛ kakɛ lela kikɛ bee shi ebɔrɛso nna a ba. Ebɔrɛ nɛ e to kefulto na kutɔ nɛ asɔ na kikɛ bee shi a ba. Ebɔrɛso be kefulto bee kaa chɛrga a bar tentembiri, ama Ebɔrɛ bre maa chɛrga kikɛ.

Kelaraŋŋini 17:17

Ŋkpal manɛ so, Ebɔrɛ ta kusɔ nɛ e bee sha nɛ k wora na n wɔtɔ bumo be ŋgbene to nɛ baa sha kewora loŋ. Bumo kikɛ beeŋ nya kɔnɔkoŋwule n ta bumo be eleŋ n sa kusɔbɔya na nɛ e ji kuwura loŋ hale nɛ Ebɔrɛ be kɔnɔ e ya bɔla.