Ɛzra 7:25 - EBƆRƐ BE KAWƆL

²⁵ Ɛzra, ta kanyiasheŋ nɛ Ebɔrɛ sa fo na ŋ keni to n lara sheriajipoana nɛ demujipoana nɛ b baa keni to a ji asheŋ ashi Yufreetes be epeŋitɔrkpa be efuli so ndoŋ. A daga fanɛ b baa la basa nɛ b nyi fo Ebɔrɛ na be mbra na. Fo alɛ e naaŋ baa ŋini bekama nɛ b maŋ nyi amo na.

Ɛzra 7:25 ပူးပေါင်းရင်းမြစ်များ

Jɛnesis 41:38

Nɛ Fɛɛro bishi mbe benimu na: “Anyeeŋ naŋ tiŋ n nya esa ko n naŋ baŋ kanyɛn nɛ Ebɔrɛ be kiyoyu wɔ mo to ere so a?”

Jɛnesis 41:39

Kumo be kaman nɛ Fɛɛro kaŋɛ Josɛf: “Ebɔrɛ ka baŋ lara le be asheŋ ere kikɛ ŋ ŋini fo ere, esa kama maŋ naa wɔtɔ a pin asheŋ to nsaa nyi asheŋ fanɛ fo.”

1 Bewura 3:28

Israɛl be basa ka nu kananɛ Ewura Sɔlɔmɔn ji asheŋ na nɛ b ta bunyaŋ gboŋgboŋi n sa mo ŋkpal b ka pin fanɛ Ebɔrɛ e sa mo loŋ be kanyiasheŋ nɛ e tiŋ n ji le be asheŋ kpakpaso ere nɛnɛ so.

2 Bewura 17:27

Asiriya be ewura ka nu kubɔya na nɛ e kaŋɛ fanɛ b sa bɔrɛmatapoana nɛ b pɛ m ba ti ebu na be ekoŋwule ekpa nɛ e bɛta n ya ka wɔ Israɛl a ŋini basa na kasawule na so be edaŋkaresheŋ.

1 Kronikɛls 22:12

Enyɛnpe nɛ e la fo Ebɔrɛ na e sa fo kanyiasheŋ nɛ nfɛra nɛ fo baa wora asheŋ amo be ekpa so, nseŋ juŋkpar Israɛl ashi mbe mbra be ekpa so nɛnɛ.

1 Kronikɛls 23:4

E daŋ shin nna nɛ Livaiebi na be basa ŋgboŋ adunyɔ nɛ ana bee shuŋ bɔrɛlambu na to nɛ basa ŋgboŋ ashe malɛ la nwɔlsibɛpoana nɛ demujipoana,

Ɛzra 10:4

Kusɔ kama bɔɔ fo enɔ nna na, amoso, koso to nɛ an pɛ fo kashɛr to. Baa kɔ kenyɛn nɛ kusɔ kama e nyalɛ.”

Ɛzra 6:6

Kede be kaman nɛ ewurgboŋ Dariɔs sibɛ kawɔl n shoŋi Yufreetes be epeŋitɔrkpa be kasawule so be gomena, Tatɛnayi, nɛ Shɛta Bɔzanayi nɛ bumo braana nɛ b daa la efuli na be benimu na kikɛ ŋ kaŋɛ bumo fanɛ b sa maŋ naŋ yɔ bɔrɛlambu na ase kikɛ.

Ɛzra 7:10

Ɛzra bre daŋ ta Ebɔrɛ be mbra na be kekoya nɛ amo be kenu nseŋ wora, nɛ mbra na be atande be keta ŋ ŋini Israɛl be efuli so kenishipereso nna.

Ɛzra 7:14

Ma, ewura nɛ ma ejinatopo ashunu, e naa shuŋi fo fanɛ fo ya keni Judiya nɛ Jerusalɛm be efuli so be asheŋ to a laŋɛ fo Ebɔrɛ be mbra nɛ e ta m bɔɔ fo enɔ na be kaplɛa so.

Nehemaya 9:3

Awa asa nɛ b yil a nu b ka bee kraŋ Enyɛnpe bumo be Ebɔrɛ na be mbra be kawɔl na. Kumo be kaman nɛ b naŋ ta awa asa malɛ ŋ kule Ebɔrɛ ŋ kaŋɛ bumo be alubi nseŋ bunyaŋ Enyɛnpe Ebɔrɛ na.

Nshɛ 19:7

Enyɛnpe Ebɔrɛ be mbra na bee niŋi ekpa nsaa sa ŋkpa nna. Asɔ nɛ Enyɛnpe be mbra bee ŋini na la asɔ nɛ esa beeŋ tiŋ n yirda nna. Amo alɛ bee sa bebɔlpo, kanyiasheŋ nna.

Aŋasa 2:6

Ŋkpal manɛ so, Enyɛnpe Ebɔrɛ na e naa sa kanyiasheŋ. Mo kutɔ nɛ kenyi nɛ asheŋ be kepinto bee shi.

Aŋasa 6:23

Ŋkpal manɛ so fo nio nɛ fo tuto be keŋini du fanɛ kefulto nna n sa fo; nɛ bumo be kasogberge malɛ bee sa fo kebaawɔtɔ lela.

Malakai 2:7

Menyi bɔrɛmatapoana e daga men ka bee malga Ebɔrɛ be asheŋ nɛ basa e baa ba men kutɔ nɛ men ŋini bumo Ebɔrɛ be asheŋ nɛ b pin mo nɛnɛ, ŋkpal manɛ so menyi so nɛ Enyɛnpetale bee bɔla a malga a sa basa.

Matiu 13:52

Nɛ e kaŋɛ le: “Mbraŋinipo kama nɛ b ŋini mo ebɔrɛso be kuwura na to be asheŋ baa du fanɛ laŋwura ko ka bela asɔ popɔr nɛ asɔ dra ashi mbe kpanjawu to be ebu to n lar na nna.”

Maak 6:34

Yesu ka lar ekuloŋ na to nɛ e wu jimaŋ damta na nɛ bumo be asheŋ pɛ mo kuwɔr, ŋkpal manɛ so, b daa du fanɛ mbolpɔ nɛ b maŋ kɔ ekpapo nna. Nɛ e fara a ŋini bumo asɔ damta.

Ditɛronɔmi 16:18

Ade kikɛ be kaman nɛ Mosis naŋ kaŋɛ Israɛlebi na le: “Menyeeŋ lara demujipoana nɛ benimuana ko ashi menyi be ndeana nɛ Enyɛnpe, menyi be Ebɔrɛ na beeŋ sa menyi na to nɛ bumo alɛ e sa maa ji basa demu ŋkpɛato be ekpa so.

Kɔlɔsiebi 1:28

Yesu Kristo be asheŋ nɛ anyee malga a sa basa kikɛ a fiɛ ekama so nsaa ŋini bumo kanyiashenso nɛ an shin nɛ ekama e pin Yesu Kristo nɛnɛ.

Jeems 1:5

Ama menyi to be ekama nɛ e maŋ kɔ kanyiasheŋ nsaa pin kusɔ nɛ e beeŋ wora a gben, amodoŋwura e kule Ebɔrɛ nɛ e chɛ mo to, ŋkpal manɛ so, Ebɔrɛ e naa bugi kagbene a sa basa asɔ nsaa maa bishi bumo nnɔ. Amoso, fo kama nɛ fo kule mo kanyiasheŋ, fo maaŋ paŋ kumo.