Ɛzra 7:23 - EBƆRƐ BE KAWƆL

²³ Kusɔ kama nɛ Ebɔrɛ nɛ e wɔ ebɔrɛso na baŋ kaŋɛ fanɛ e bee sha, a daga fanɛ b wora kumo kananɛ e bee sha na manaŋ manaŋ n sa mo. Men sa maŋ shin e nya agbo n wɔtɔ ma ŋko bekama nɛ baaŋ ba ma kaman na.

Ɛzra 7:23 ပူးပေါင်းရင်းမြစ်များ

Ɛzra 7:13

Mee sa kɔnɔ fanɛ Israɛlebi be esa kama, n ta bɔrɛmatapoana nɛ Livaiebi kikɛ n ti so, nɛ e bee sha ketu fo n yɔ Jerusalɛm be efuli so beeŋ tiŋ m bɛ fo so n yɔ.

Ɛzra 7:18

Amansherbi nɛ a beeŋ ka na malɛ, fo nɛ fo kurgepoana Juwebi na beeŋ ta amo n wora kusɔ kama nɛ k daga nsaa par men be Ebɔrɛ na.

Ɛzra 7:22

Hale nɛ e bee sha gbiti nɛ amo be egbɛ fo fanɛ kilo ŋgboŋ asa nɛ alfa ana ŋko ayu nɛ amo be egbɛ fo fanɛ kilo ŋgboŋ kudu ŋko yabra belbelso be egalɔn alfa ashe ŋko nfɔl kanaŋkamaso gba, a daga fanɛ b sa mo amo.

Nshɛ 119:4

Enyɛnpe Ebɔrɛ, fo e sa anyi fo mbraana na, nsaa sha fanɛ an baa wora amo kasonu kashenteŋto.

Ɛksodɔs 5:3

Ndoŋ nna nɛ Mosis nɛ Ɛɛrɔn kaŋɛ: “Israɛlebi be Ebɔrɛ na e lara mbe kumu ŋ ŋini anyi. Amoso sa anyi ekpa nɛ an ta nchɛ asa n nite n yɔ keshishɛrsawule na so n ya lara sarga ndoŋ n sa Enyɛnpe Ebɔrɛ nɛ e la anyi be Ebɔrɛ na. Nɛ mannɛ aloŋ e beeŋ shin nɛ alɔ ŋko kena e ba mɔ anyi.”

Jɛremaya 29:7

Men baa kule Ebɔrɛ a fin kayurwushi a sa Babilɔn be efuli na nsaa shuŋ ga ashi ndeana na to nɛ asheŋ e baa nite nɛnɛ amo to. Nɛ asheŋ bee nite nɛnɛ ndeana na to, asheŋ beeŋ nyalɛ n sa menyi alɛ gba.

Zakareya 12:3

Ama loŋ be jemanɛ na kaŋ fo, meeŋ shin nɛ Jerusalɛm e ki fanɛ kejembu gbɛgbɛso, nɛ efuli kama so ebi maaŋ tiŋ n fifir kumo. Bekama nɛ b wora ania nɛ b fifir kumo beeŋ doro bumo be amu.