Ɛzra 7:21 - EBƆRƐ BE KAWƆL

²¹ Ma, ewurgboŋ Atazɛzɛs, e naa sa bekama nɛ baa keni Yufreetes be epeŋitɔrkpa be efuli so be amansherbi so na ebɔl fanɛ kusɔ kama nɛ Ɛzra, nɛ e la bɔrɛmatapo nɛ Ebɔrɛ be mbra na be eŋinipo na bee sha, b sa mo.

Ɛzra 7:21 ပူးပေါင်းရင်းမြစ်များ

Ɛzra 4:16

Yiramu, anyee sha fo baa nyi fanɛ nɛ b baŋ lɔŋɛ kade ere m pɔr, kumo ere shɛŋ maaŋ naa shi Yufreetes be epeŋitɔrkpa a ba fo kutɔ.’ ”

Ɛzra 4:20

Bewura nɛ b daŋ ji eleŋ ga daŋ chena Jerusalɛm to nseŋ daŋ ji kuwura basa nɛ b daa tase Yufreetes be epeŋitɔrkpa be kasawule so, bumo alɛ daa tu bumo a sɔ elampo nɛ atoto nna.

Ɛzra 6:6

Kede be kaman nɛ ewurgboŋ Dariɔs sibɛ kawɔl n shoŋi Yufreetes be epeŋitɔrkpa be kasawule so be gomena, Tatɛnayi, nɛ Shɛta Bɔzanayi nɛ bumo braana nɛ b daa la efuli na be benimu na kikɛ ŋ kaŋɛ bumo fanɛ b sa maŋ naŋ yɔ bɔrɛlambu na ase kikɛ.

Ɛzra 7:1

Asheŋ ere kikɛ be kaman nɛ anebi Ɛzra shi Babilɔn be efuli so m bɛta m ba Jerusalɛm Pɛshiya be ewurgboŋ Atazɛzɛs be jemanɛ to. Kananɛ anebi Ɛzra be kanaŋ to lar nde: Ɛzra mo tuto e daa la Seraya, nɛ Seraya malɛ mo tuto daa laa Azariya nɛ mo alɛ daa la Hilkiya pibinyɛn.

Ɛzra 7:22

Hale nɛ e bee sha gbiti nɛ amo be egbɛ fo fanɛ kilo ŋgboŋ asa nɛ alfa ana ŋko ayu nɛ amo be egbɛ fo fanɛ kilo ŋgboŋ kudu ŋko yabra belbelso be egalɔn alfa ashe ŋko nfɔl kanaŋkamaso gba, a daga fanɛ b sa mo amo.

Ɛzra 7:6

Ɛzra daŋ shi Babilɔn be efuli so nna m ba Jerusalɛm. E daa la eŋinipo nɛ e daa nyi Israɛl be Ebɔrɛ na be mbra nɛ e ta m bɔla Mosis so n sa mbe basa na ga nna. Ewura na daŋ sa Ɛzra kusɔ kama nɛ e daŋ kule mo na nna ŋkpal Ebɔrɛ be nɛfa ka daa wɔ mo so so.

Ɛzra 8:36

Bumo alɛ daŋ naŋ ta kawɔl nɛ ewura na sibɛ n sa fanɛ b ta m ba sa Yufreetes be epeŋitɔrkpa be efuli so be gomena nɛ ndoŋ be benimu na nna n ya sa bumo. Nɛ bumo alɛ gba chɛ Israɛlebi na nɛ bɔrɛlambu na be kushuŋ to ga.

Nehemaya 2:7

Kumo be kaman nɛ ŋ kaŋɛ mo le: “Yiramu, jande, wora ania n sibɛ nwɔl n sa ma nɛ n ta n ya sa efuliana nɛ a wɔ Lɔr nɛ baa tre Yufreetes na be epeŋitɔrkpa be kaba so na be egomena nɛ b wɔ fo kaseto na, saŋɛ na so, meeŋ nya ekpa n yɔ Juda be efuli so nɛ shɛŋ maaŋ wora ma.

Nshɛ 119:4

Enyɛnpe Ebɔrɛ, fo e sa anyi fo mbraana na, nsaa sha fanɛ an baa wora amo kasonu kashenteŋto.

Danɛl 6:26

N yili mbra ashi ma efuli so kikɛ nna fanɛ ekama e baa ŋana Danɛl be Ebɔrɛ na nsaa sa mo bunyaŋ. Mo e la Ebɔrɛ nɛ e wɔ ŋkpa to na. Mo alɛ bee ji kuwura nna hale mbaanaayɔ. Mbe kuwurji maa ba nɛ kemur kikɛ. Mo alɛ be eleŋ maa loge kikɛ.