Ɛzra 7:15 - EBƆRƐ BE KAWƆL

¹⁵ Fo alɛ kaŋ yɔ fo ta shuwa nɛ egbiti nɛ ma nɛ ma ejinatopoana ta n sa Israɛl be Ebɔrɛ nɛ mbe lambu wɔ Jerusalɛm to na a yɔ.

Ɛzra 7:15 ပူးပေါင်းရင်းမြစ်များ

1 Kronikɛls 29:6

Ewura Deevid ka malga n loge na, nɛ kanaŋ kanaŋ be bejuŋkparpoana nɛ eyiri to be benimuana nɛ benapo be benimuana nɛ ekrachi nimuso kikɛ bugi ŋgbene n sa asɔ.

2 Kronikɛls 2:6

Ama esa kama maŋ wɔtɔ nɛ e beeŋ tiŋ m pɔr lambu nɛ k beeŋ tiŋ n sɔ Ebɔrɛ, ŋkpal manɛ so, esoso kikɛ gba kra du fimbi nɛ k tiŋ n sɔ mo. Kakpa nɛ ma ere beeŋ tiŋ m pɔr e la lambu nɛ baaŋ baa chɔɔ duwu kumo to a sa Ebɔrɛ.

2 Kronikɛls 32:23

Basa damta daŋ shi Jerusalɛm nna n ta bumo be esarga m ba sa Enyɛnpe Ebɔrɛ na nseŋ ta ŋkɛ malɛ m ba sa ewura Hɛzekaya. Yili loŋ be saŋɛ na efuliana kikɛ daa sa ewura Hɛzekaya bunyaŋ nna.

2 Kronikɛls 6:2

Naniere bre, m pɔr kemaŋkura be bɔrɛlambu nɛ feeŋ baa wɔ ndoŋ mbaanaayɔ.”

2 Kronikɛls 6:6

Naniere bre Jerusalɛm nɛ n lara fanɛ k baa la kade nɛ baaŋ baa bunyaŋ ma kumo to, nɛ fo alɛ Deevid e baa juŋkpar ma basa.”

Ɛzra 1:6

Basa nɛ b tu bumo n chena na kikɛ daŋ ta shuwa nɛ gbiti nɛ asɔ lela be yiri kikɛ nɛ asɔbɔya be yiri kikɛ nna n chɛ bumo enɔ so. Yawu kpakpaso be asɔ nɛ asɔ nɛ baaŋ ta n ya lara sarga ashi bɔrɛlambu na to nɛ b daŋ sa bumo.

Ɛzra 6:12

Ebɔrɛ nɛ mbe ketre deŋ Jerusalɛm be bɔrɛlambu na so na malɛ e mur ewura kama ŋko basa kama nɛ baaŋ chɛrga kusɔ nɛ n yili ere ŋko n fin bɔrɛlambu ere be kejija. Kusɔ nɛ ma, ewura Dariɔs yili nna na. Ekama daga fanɛ e nuu nseŋ bɛ kumo so.”

Ɛzra 6:4

Nɛ b baa pɔr kumo be egbalana, a daga b ka ta ndibi kpakpaso m bɛ ajembu be egbal asa kama nɛ baaŋ pɔr m bɛ abar so so. Kumo be pɔr be kukɔ na beeŋ shi ewura be amansherbi be lɔkɔ to nna.

Ɛzra 7:14

Ma, ewura nɛ ma ejinatopo ashunu, e naa shuŋi fo fanɛ fo ya keni Judiya nɛ Jerusalɛm be efuli so be asheŋ to a laŋɛ fo Ebɔrɛ be mbra nɛ e ta m bɔɔ fo enɔ na be kaplɛa so.

Ɛzra 8:25

Kumo be kaman nɛ ŋ karga gbiti nɛ shuwa nɛ asɔ nɛ ewura nɛ mbe benimu na nɛ Israɛlebi na kikɛ daŋ ta n chɛ anyi enɔ so fanɛ an ta n ya lara sarga ashi bɔrɛlambu na to na n sa bumo.

Nshɛ 135:21

Men kpaŋ Enyɛnpe Ebɔrɛ nɛ e chena Jerusalɛm to ashi Zayɔn be kebee na so na. Men kpaŋ Enyɛnpe Ebɔrɛ na!

Nshɛ 26:8

Mee sha fo bɔrɛlambu na, nɛ kakpa nɛ fo kemaŋkura wɔ ga na.

Nshɛ 72:10

Speen be efuli so nɛ mplasawule so be bewuraana beeŋ bar bumo be ŋkɛ m ba sa mo; nɛ Areebia nɛ Itiopia be bewuraana gba e bar bumo be ŋkɛ m ba sa mo.

Nshɛ 76:11

Men nase nnɔ n sa Enyɛnpe, menyi be Ebɔrɛ na. Menyi alɛ e wora m bɔlɔ men be nnɔ naseso na so. Enyɛnpe Ebɔrɛ na e daga keŋana, mo e daga fanɛ efuli pɔtɛana nɛ a kulti anyi na kikɛ be basa ka bar ŋkɛ m ba sa mo.

Nshɛ 76:2

Zayɔn be kebee nɛ k wɔ Jerusalɛm to na e la kakpa nɛ e wɔ.

Nshɛ 9:11

Men boŋ nshɛ n fur Enyɛnpe Ebɔrɛ nɛ e wɔ Zayɔn be kebee so a ji basa so kuwura na, n shin nɛ efuliana e nu kusɔ nɛ e wora.