Ɛzra 7:14 - EBƆRƐ BE KAWƆL

¹⁴ Ma, ewura nɛ ma ejinatopo ashunu, e naa shuŋi fo fanɛ fo ya keni Judiya nɛ Jerusalɛm be efuli so be asheŋ to a laŋɛ fo Ebɔrɛ be mbra nɛ e ta m bɔɔ fo enɔ na be kaplɛa so.

Ɛzra 7:14 ပူးပေါင်းရင်းမြစ်များ

Ɛzra 1:3

Bekama nɛ b la Enyɛnpe Ebɔrɛ na be basa beeŋ tiŋ n yɔ n ya lɔŋɛ Israɛl be Ebɔrɛ nɛ e wɔ Jerusalɛm to na be bɔrɛlambu na m pɔr.

Ɛzra 5:8

Yiramu, anyee sha nna nɛ fo pin fanɛ an yɔ Juda be efuli so n ya wu fanɛ basa na bee lɔŋɛ a pɔr Ebɔrɛ Ewurgboŋ na be bɔrɛlambu na. Ajembu gbɛgbɛso nɛ ndibi gbɛgbɛso nɛ b kɔ a pɔr kumo. Kenishipereso nɛ baa pɔr kumo, amoso kushuŋ na bee yɔ manaŋ manaŋ nna a sa bumo.

Ɛzra 6:12

Ebɔrɛ nɛ mbe ketre deŋ Jerusalɛm be bɔrɛlambu na so na malɛ e mur ewura kama ŋko basa kama nɛ baaŋ chɛrga kusɔ nɛ n yili ere ŋko n fin bɔrɛlambu ere be kejija. Kusɔ nɛ ma, ewura Dariɔs yili nna na. Ekama daga fanɛ e nuu nseŋ bɛ kumo so.”

Ɛzra 6:8

Ma alɛ naa yili kumo nna a sa menyi fanɛ men chɛ bumo to m pɔr bɔrɛlambu na. Kukɔ kama nɛ k ba kapɔr na be kaplɛa so, men lara amansherbi ashi amansherbi nɛ menyee sɔ Yufreetes be epeŋitɔrkpa be efuli so na to ŋ ka, nɛ kushuŋ na e sa maaŋ shir n yili.

Ɛzra 7:15

Fo alɛ kaŋ yɔ fo ta shuwa nɛ egbiti nɛ ma nɛ ma ejinatopoana ta n sa Israɛl be Ebɔrɛ nɛ mbe lambu wɔ Jerusalɛm to na a yɔ.

Ɛzra 7:28

Mo, Ebɔrɛ koŋwule, na be katiŋ to so nɛ ewura nɛ mbe benimu nɛ basa gboŋana na kikɛ wu ma kuwɔr nseŋ shin nɛ n nya le be ekpa ere na. N nyɛnpe nɛ ma Ebɔrɛ na so nɛ n nya kagbene n ta kenyɛn m malga n sa Israɛl be benimu kpakpaso nɛ b nu nseŋ bɛ ma so n yɔ Jerusalɛm na.”

Ɛzra 8:25

Kumo be kaman nɛ ŋ karga gbiti nɛ shuwa nɛ asɔ nɛ ewura nɛ mbe benimu na nɛ Israɛlebi na kikɛ daŋ ta n chɛ anyi enɔ so fanɛ an ta n ya lara sarga ashi bɔrɛlambu na to na n sa bumo.

Ɛsta 1:14

Bumo e la Kashena nɛ Sheta nɛ Admata nɛ Tarshish nɛ Mɛrɛs nɛ Masena nɛ Memukan nɛ b la Pɛshiya nɛ Midia be efuli so be benimugboŋ ashunu nɛ e bee to jina saŋkikɛ na.

Aizaaya 8:20

Ndoŋ nna nɛ men kaŋɛ bumo le: “Men baa nu kusɔ nɛ Enyɛnpe Ebɔrɛ na bee ŋini menyi nsaa maa nu a sa bekpalpo nɛ belejipo, ŋkpal manɛ so kusɔ nɛ baaŋ kaŋɛ menyi na maaŋ tiŋ n lara menyi ashi etɔrɔ to. Kare maaŋ chɛ bekama nɛ baa malga le ere be ekama!

Danɛl 2:47

Nseŋ kaŋɛ Danɛl le: “Fo Ebɔrɛ na e kɔ eleŋ a chɔ agbirana kikɛ. Mo e la bewuraana kikɛ be Enyɛnpe, Mo alɛ e naa tiŋ a lara alemaŋkarsheŋ be wulo efuli. M pin le be kesheŋ ere nna ŋkpal fo ka tiŋ m bugi alemaŋkarsheŋ be wulo ere be kifito so.”

Danɛl 6:20

E ka fo ndoŋ, nɛ e ponte n tre: “Danɛl! Ebɔrɛ nɛ e wɔ ŋkpa to na b kayɛrbi, fo Ebɔrɛ nɛ fee shuŋ kashenteŋto na tiŋ m mɔlga fo ashi ebuluŋ na to a?”

Danɛl 6:26

N yili mbra ashi ma efuli so kikɛ nna fanɛ ekama e baa ŋana Danɛl be Ebɔrɛ na nsaa sa mo bunyaŋ. Mo e la Ebɔrɛ nɛ e wɔ ŋkpa to na. Mo alɛ bee ji kuwura nna hale mbaanaayɔ. Mbe kuwurji maa ba nɛ kemur kikɛ. Mo alɛ be eleŋ maa loge kikɛ.

Zakareya 6:10

“Sɔ shuwa nɛ gbiti be ŋkɛ ashi Helda nɛ Tobija nɛ Jedaya nɛ b la basa nɛ b shi Babilɔn be efuli so m bɛta na kutɔ n wora kuwurwuro. Kumo be kaman nɛ fo nɛ bumo e yɔ Josaya nɛ e la Zefanaiya pibinyɛn na pe n ya ta kuwurwuro na m buu bɔrɛmatapo nimuso Joshuwa nɛ e la Jehozadak pibinyɛn na.