Ɛzra 7:13 - EBƆRƐ BE KAWƆL

¹³ Mee sa kɔnɔ fanɛ Israɛlebi be esa kama, n ta bɔrɛmatapoana nɛ Livaiebi kikɛ n ti so, nɛ e bee sha ketu fo n yɔ Jerusalɛm be efuli so beeŋ tiŋ m bɛ fo so n yɔ.

Ɛzra 7:13 ပူးပေါင်းရင်းမြစ်များ

2 Kronikɛls 30:5

B daŋ yili Dan be kasawule so be kelargato be esoso be kaba so nna n tre Israɛlebi na kikɛ n ya fo Bɛshiba be kelargato be kaseto be kaba so fanɛ b chala abar a chɔ kananɛ b daa chala abar na m ba Jerusalɛm m ba ji kebansonchoŋ be kejigboŋ na kananɛ mbra na ŋini na.

Ɛzra 1:3

Bekama nɛ b la Enyɛnpe Ebɔrɛ na be basa beeŋ tiŋ n yɔ n ya lɔŋɛ Israɛl be Ebɔrɛ nɛ e wɔ Jerusalɛm to na be bɔrɛlambu na m pɔr.

Ɛzra 5:13

Ama kafɛ nɛ ewurgboŋ Sairus ji Babilɔn be kuwura na, nɛ e sa kɔnɔ fanɛ a daga b naŋ lɔŋɛ m pɔr Ebɔrɛ be lambu na.

Ɛzra 6:1

Nɛ Ewurgboŋ Dariɔs kaŋɛ fanɛ b keni Babilɔn be bewura be adrasheŋ be nwɔl to, nɛ b wora loŋ.

Ɛsta 3:15

Ewura Sɛgsis e daŋ shin nɛ b yili jimaŋ to n wora mbra na manaŋ manaŋ ashi Susa be kade to. Ewura na nɛ Heman daŋ chena nna a nuu nsa, nɛ Susa be kade to ebi malɛ be nfɛra bee baga bumo to ŋkpal mbra na so.

Ɛsta 9:14

Nɛ Ewura na sa ekpa ashi Susa be kade to fanɛ b chɛ Heman be mbia na be kebuni efɔl n shiga nɛ esa kama e wu bumo. Ndoŋ nna nɛ b chɛ mbe mbinyɛnsobi kudu na kikɛ be kebuni efɔl n shiga.

Nshɛ 110:3

Kachɛ nɛ feeŋ kɔ fo doŋana kena na, fo basa gbagba e naŋ shuli n tu fo ŋ kɔ bumo. Fo mbrantiɛfɔlbi beeŋ ba fo kutɔ fanɛ kachipurdidi be bunyaŋ.

Nshɛ 148:6

Mo koŋwule na e malga eleŋso nɛ amo be kekama ere nya kumo be eyilikpa a yil mbaanaayɔ na. Mbe atande maa chɛrga kikɛ.

Danɛl 6:26

N yili mbra ashi ma efuli so kikɛ nna fanɛ ekama e baa ŋana Danɛl be Ebɔrɛ na nsaa sa mo bunyaŋ. Mo e la Ebɔrɛ nɛ e wɔ ŋkpa to na. Mo alɛ bee ji kuwura nna hale mbaanaayɔ. Mbe kuwurji maa ba nɛ kemur kikɛ. Mo alɛ be eleŋ maa loge kikɛ.

Filipaiebi 2:13

Ŋkpal manɛ so, Ebɔrɛ e wɔ menyi to a shuŋ saŋkikɛ a shin nɛ menyee sha Ebɔrɛ nsaa tiŋ a nu a sa mo gbagba be aparsheŋ.

Kelaraŋŋini 22:17

Ndoŋ nna nɛ Kiyoyu na nɛ kejafɔ na kaŋɛ: “Ba.” Ekama malɛ gba nɛ e nu loŋ e kaŋɛ: “Ba.” Ekama nɛ achukoŋ kɔ mo e ba, ekama malɛ nɛ e bee sha e ba sɔ ŋkpa be nchu na n nuu ŋkaa maaŋ ka shɛŋ.