Ɛzra 7:10 - EBƆRƐ BE KAWƆL

¹⁰ Ɛzra bre daŋ ta Ebɔrɛ be mbra na be kekoya nɛ amo be kenu nseŋ wora, nɛ mbra na be atande be keta ŋ ŋini Israɛl be efuli so kenishipereso nna.

Ɛzra 7:10 ပူးပေါင်းရင်းမြစ်များ

1 Kronikɛls 29:18

Enyɛnpe Ebɔrɛ nɛ fo la an nananyɛn Eebraham nɛ Aizek nɛ Jeekɔb be Ebɔrɛ na, shin nɛ fo basa e baa kɔ kakɛ be ŋgbene nsaa ji kashenteŋ a sa fo loŋ mbaanaayɔ.

2 Kronikɛls 12:14

E daŋ wora alubi nna ŋkpal e ka daa maa wora Enyɛnpe Ebɔrɛ be aparsheŋ so.

2 Kronikɛls 19:3

Ama amo nɛ amo kikɛ asheŋ lela ko wɔ fo to. Fo jija kegbirche Ashira be mpɔrduli nɛ basa bee shuŋ na kikɛ, fo alɛ gbagba nsaa wora ania a bɛ Ebɔrɛ be ekpa so.”

2 Kronikɛls 30:22

Ewura Hɛzekaya daŋ chɔrɔ Livaiebi na nna ŋkpal kenyi nɛ b daa kɔ a juŋkpar basa nɛ baa bunyaŋ Enyɛnpe Ebɔrɛ na so. Nchɛ ashunu nɛ b ta n lara sarga n di Enyɛnpe bumo nananyɛnana be Ebɔrɛ na epaŋ na be kaman,

Ɛzra 7:11

Kawɔl nɛ ewurgboŋ Atazɛzɛs sibɛ n ta m bɔɔ Ɛzra nɛ e daa la bɔrɛmatapo nɛ eŋinipo nsaa nyi Enyɛnpe Ebɔrɛ na be atande nɛ e ta n sa Israɛlebi na nde:

Ɛzra 7:25

Ɛzra, ta kanyiasheŋ nɛ Ebɔrɛ sa fo na ŋ keni to n lara sheriajipoana nɛ demujipoana nɛ b baa keni to a ji asheŋ ashi Yufreetes be epeŋitɔrkpa be efuli so ndoŋ. A daga fanɛ b baa la basa nɛ b nyi fo Ebɔrɛ na be mbra na. Fo alɛ e naaŋ baa ŋini bekama nɛ b maŋ nyi amo na.

Ɛzra 7:6

Ɛzra daŋ shi Babilɔn be efuli so nna m ba Jerusalɛm. E daa la eŋinipo nɛ e daa nyi Israɛl be Ebɔrɛ na be mbra nɛ e ta m bɔla Mosis so n sa mbe basa na ga nna. Ewura na daŋ sa Ɛzra kusɔ kama nɛ e daŋ kule mo na nna ŋkpal Ebɔrɛ be nɛfa ka daa wɔ mo so so.

Job be kawɔl 11:13

Job, yili fo kagbene kukoŋwule n sa Ebɔrɛ, nseŋ bɛta n yɔ mo kutɔ kabɔrɛkule to.

Nshɛ 1:2

Bumo be kagbenefuli bee shi Enyɛnpe Ebɔrɛ na be keŋini be kebaawɔtɔ to nna; nɛ kumo be loŋ malɛ wɔ bumo be nfɛra to kapa nɛ kanyɛ.

Nshɛ 10:17

Enyɛnpe Ebɔrɛ, fo e naa nu bumo nɛ baa ji awurfoŋ be kekule. Feeŋ nu bumo be nfubel nseŋ leŋ bumo to.

Nshɛ 119:112

Ma ere yili kumo ma kagbene to fanɛ meeŋ wora fo mbraana kasonu hale n ya fo ma kaluwuachɛ.

Nshɛ 119:45

Ŋkpal ŋ ka bee wora fo mbraana kasonu so, n nya ma kumu nna a ji ma keparso.

Nshɛ 19:7

Enyɛnpe Ebɔrɛ be mbra na bee niŋi ekpa nsaa sa ŋkpa nna. Asɔ nɛ Enyɛnpe be mbra bee ŋini na la asɔ nɛ esa beeŋ tiŋ n yirda nna. Amo alɛ bee sa bebɔlpo, kanyiasheŋ nna.

Nshɛ 57:7

Mee ji kashenteŋ nna a sa fo, nɛ feeŋ tiŋ n yirda ma. Meeŋ boŋ kashɛ nseŋ laŋ alaŋsɔ n sa fo ma, Ebɔrɛ na.

Malakai 2:7

Menyi bɔrɛmatapoana e daga men ka bee malga Ebɔrɛ be asheŋ nɛ basa e baa ba men kutɔ nɛ men ŋini bumo Ebɔrɛ be asheŋ nɛ b pin mo nɛnɛ, ŋkpal manɛ so menyi so nɛ Enyɛnpetale bee bɔla a malga a sa basa.

Matiu 5:19

Amoso, esa kama nɛ e kini kenu n sa mbra na to be kebibi kama nseŋ ŋini basa kusɔ nɛ e yirda, beeŋ ba kaa la ekama be kebibi ashi Ebɔrɛ be kuwura na to. Ama ekama nɛ e bee bɛ amo so nsaa ŋini basa loŋ gbagba, beeŋ ba kaa la esagboŋ ashi Ebɔrɛ be kuwura na to.

Matiu 7:24

Amoso, ekama nɛ e nu ma mmalga ere nsaa bɛ amo so du fanɛ enyiashempo nɛ e pɔr mbe ebu n yili kefalta so nna.

Baru lela nɛ Jɔn kute na 13:17

Men baŋ pin asheŋ ere nsaa wora amo, nɛfa beeŋ baa la menyeya.”

Ashuŋ Shunso 1:1

N teri lela Tiɔfiles, asɔ nɛ Yesu daŋ wora nseŋ ŋini saŋɛ nɛ e fara mbe kushuŋ n ya fo saŋɛ nɛ Ebɔrɛ daŋ shin nɛ e naŋ bɛta n yɔ ebɔrɛso na kikɛ be asheŋ nɛ n daŋ sibɛ ma kawɔl juŋkparso na to.

Ditɛronɔmi 16:12

Men baa nyiŋi fanɛ men daa la anya nna ashi Ijipt be efuli so, amoso men baa wora mbraana ere kasonu.

Ditɛronɔmi 33:10

Bumo e naaŋ ŋini fo basa fo mbra nɛ b bɛ amo so. Bumo alɛ e naaŋ baa lara esarga fo bɔrɛsure so.

1 Timoti 3:2

Amoso, a daga fanɛ asɔri to be ejuŋkparpo e baa la esa nɛ e maŋ kɔ amoso. A daga fanɛ e baa la eche koŋwule wura a nyi asheŋ a maa nya agbo jigajiga, ama e baa fɛ nfɛra dede a la esa nɛ basa bee sa bunyaŋ. A daga fanɛ e baa la esa a sha basa nsaa tiŋ a ŋini basa abɔrɛsheŋ na nɛnɛ.

2 Timoti 4:2

fo baa bɔ kubɔya na a sa basa. Kelela ŋko kulubi to kikɛ baa sha kebaabɔ kubɔya na a sa basa a shin nɛ b baa wu kananɛ kashenteŋ na baa dese geeŋ. Baa ta kubɔya na a fiɛ basa so ŋko a leŋ bumo to nsaa kɔ kanyiti a ŋini bumo abɔrɛsheŋ na.

Taites 2:1

A daga fanɛ fo ere e baa ŋini asɔ nɛ a bɛ kashenteŋ be keŋini na so.

Taites 2:15

Baa ŋini asheŋ ere a leŋ basa na to nsaa ta fo kejuŋkpar be eleŋ kikɛ na a fiɛ bumo so. Sa maŋ shin nɛ esa kikɛ e fɛl fo.

Kelaraŋŋini 22:14

Kagbenefuli la bekama nɛ b fɔr bumo be epiŋi nɛ a lar so nseŋ nya ekpa nɛ b ji ŋkpa be kedibi na be asɔrso nseŋ naŋ nya m bɔla mbuna to na n luri kadegboŋ na to na peya nna.

1 Samuɛl 7:3

Ndoŋ nna nɛ Samuɛl kaŋɛ Israɛlebi na le: “Nɛ men bɛta a ba Enyɛnpe Ebɔrɛ kutɔ bre, kumo ere a daga men ka yige efuli pɔtɛana so be agbir nɛ kegbirche Ashtɔrɛf be kebaashuŋ, nseŋ ta men be ŋgbene kikɛ n sa Enyɛnpe Ebɔrɛ, nsaa bunyaŋ mo nawule. Saŋɛ na so e beeŋ mɔlga menyi ashi Filistiebi na be enɔ to.”