Ɛzra 6:8 - EBƆRƐ BE KAWƆL

⁸ Ma alɛ naa yili kumo nna a sa menyi fanɛ men chɛ bumo to m pɔr bɔrɛlambu na. Kukɔ kama nɛ k ba kapɔr na be kaplɛa so, men lara amansherbi ashi amansherbi nɛ menyee sɔ Yufreetes be epeŋitɔrkpa be efuli so na to ŋ ka, nɛ kushuŋ na e sa maaŋ shir n yili.

Ɛzra 6:8 ပူးပေါင်းရင်းမြစ်များ

Ɛzra 4:16

Yiramu, anyee sha fo baa nyi fanɛ nɛ b baŋ lɔŋɛ kade ere m pɔr, kumo ere shɛŋ maaŋ naa shi Yufreetes be epeŋitɔrkpa a ba fo kutɔ.’ ”

Ɛzra 4:23

B ka kraŋ ewurgboŋ Atazɛzɛs be kawɔl na n sa Rehum nɛ Shimshayi nɛ bumo braana na nɛ b wora manaŋ n ya tintiŋ Juwebi nɛ b wɔ Jerusalɛm to na fanɛ b yige kade na be kelɔŋɛ m pɔr.

Ɛzra 5:5

Ama ŋkpal Ebɔrɛ ka daa keni Israɛl be benimuana na so so, Pɛshiya be benimuana na daŋ maŋ tiŋ n ju bumo kapɔr na be kushuŋ to. B daa sha kesibɛ kawɔl nna n sa ewurgboŋ Dariɔs nseŋ nu kusɔ nɛ e beeŋ kaŋɛ pɔɛŋ.

Ɛzra 6:14

Juwebi be bejuŋkparpo na daŋ wora asɔ ga ashi bɔrɛlambu na be kepɔr na to. Bumo alɛ daŋ naa nya keleŋto ashi anebi Heegai nɛ Zakareya, nɛ e shi Iddo be kanaŋ to na be keŋini to. Kananɛ Israɛl be Ebɔrɛ bɔla Pɛshiya be bewura fanɛ Sairus nɛ Dariɔs nɛ Atazɛzɛs so ŋ ŋini bumo kananɛ e bee sha bɔrɛlambu na gbagba chap nɛ b daŋ pɔr kumo.

Ɛzra 6:4

Nɛ b baa pɔr kumo be egbalana, a daga b ka ta ndibi kpakpaso m bɛ ajembu be egbal asa kama nɛ baaŋ pɔr m bɛ abar so so. Kumo be pɔr be kukɔ na beeŋ shi ewura be amansherbi be lɔkɔ to nna.

Ɛzra 6:7

E yɛ: “Men sa maŋ naŋ ta menyi be asheŋ n wea bɔrɛlambu na be kepɔr na be asheŋ to. Men shin nɛ Juwebi be gomena nɛ bumo be benimuana na e lɔŋɛ bɔrɛlambu na m pɔr n yili kumo be eyilikpa dra na.

Ɛzra 6:9

Karechɛ kikɛ, men baa sa bɔrɛmatapoana nɛ b wɔ Jerusalɛm to na asɔ fanɛ egbolu nɛ ekpakpa nɛ ekpakpafɔlbi nɛ ayu nɛ nfɔl nɛ yabra belbelso nɛ ɔlif be ŋku nɛ b kaŋɛ fanɛ baa sha nɛ b ta n lara sarga n sa Ebɔrɛ nɛ e wɔ ebɔrɛso na kikɛ.

Ɛzra 7:14

Ma, ewura nɛ ma ejinatopo ashunu, e naa shuŋi fo fanɛ fo ya keni Judiya nɛ Jerusalɛm be efuli so be asheŋ to a laŋɛ fo Ebɔrɛ be mbra nɛ e ta m bɔɔ fo enɔ na be kaplɛa so.

Nehemaya 11:23

Ewura daŋ nase mbra nna n sa bumo a ŋini kananɛ baaŋ baa juŋkpar nshɛ kebɛso kebɛso ashi bɔrɛlambu na to karechɛ kama.

Nehemaya 2:8

Ma alɛ daa beeŋ baa sha kawɔl nɛ meeŋ ta n ya sa kanyɛn nɛ baa tre Asaf nɛ e bee keni ewura be kupo so na, saŋɛ na so Asaf beeŋ sa ma ekpa nɛ ŋ ku ndibi be kupo na to n lɔŋɛ mbuna n wɔtɔ ebu lempo jeŋgreŋ nɛ a yil m mata bɔrɛlambu na nɛ kadegboŋ na gba to be egbalana na nɛ laŋ nɛ ŋ gbagba beeŋ ya kaa wɔtɔ to na. Ebɔrɛ ka daa wɔ ŋ kutɔ so, ewura na daŋ shuli nna n sa ma kusɔ kama nɛ n daŋ kule mo.

Danɛl 6:26

N yili mbra ashi ma efuli so kikɛ nna fanɛ ekama e baa ŋana Danɛl be Ebɔrɛ na nsaa sa mo bunyaŋ. Mo e la Ebɔrɛ nɛ e wɔ ŋkpa to na. Mo alɛ bee ji kuwura nna hale mbaanaayɔ. Mbe kuwurji maa ba nɛ kemur kikɛ. Mo alɛ be eleŋ maa loge kikɛ.

Heegai 2:8

Durnya to be shuwa nɛ gbiti kikɛ la meya nna.