Ɛzra 6:22 - EBƆRƐ BE KAWƆL

²² Nchɛ ashunu nɛ baa ji bodobodo nɛ k maŋ kɔ yiisi na be kejigboŋ na kagbenefuliso Bumo be ŋgbene daŋ fuli bumo nna ŋkpal Enyɛnpe Ebɔrɛ na ka chɛrga Asiriya be ewura be kagbene nseŋ shin nɛ e chɛ bumo to nɛ b lɔŋɛ Israɛl be Ebɔrɛ be bɔrɛlambu na m pɔr so.

Ɛzra 6:22 ပူးပေါင်းရင်းမြစ်များ

2 Bewura 23:29

Ewura Josaya be kuwurji be jemanɛ so nɛ Ijipt be efuli so be ewura Neeko keta mbe benapo m bɔla kelargato be esoso be kaba so n yɔ Yufreetes be Lɔrgboŋ na ase nɛ e ya chɛ Asiriya be efuli to ŋ kɔ. Ndoŋ nna nɛ ewura Josaya keta mbe benapo n lar nɛ b ya kɔ ewura Neeko kena. B ka bee kɔ kena na ashi Majido nɛ b mɔ ewura Josaya ndoŋ.

2 Kronikɛls 23:18

Ewura Jehowada daŋ shin nna nɛ bɔrɛmatapoana nɛ Livaiebi na bee keni bɔrɛlambu na be kushuŋ so fanɛ kananɛ ewura Deevid yili n sa bumo na. Bumo be kushuŋ e la kebaachɔɔ esarga nɛ b lara n sa Enyɛnpe Ebɔrɛ na ashi Mosis be mbra be ekpa so, nɛ kebaajuŋkpar a boŋ nshɛ kasheŋwora kikɛ to.

2 Kronikɛls 29:30

Ewura na nɛ efuli na so be bejuŋkparpoana na daŋ kaŋɛ Livaiebi na nna fanɛ b baa boŋ nshɛ nɛ ewura Deevid nɛ anebi Asaf daŋ sibɛ n nase na. B ka bee boŋ amo nɛ ekama be kagbene fuli nɛ b gbir m bunyaŋ Ebɔrɛ.

2 Kronikɛls 30:21

Basa nɛ b daŋ ba shɛr Jerusalɛm na daŋ ta nchɛ ashunu nna n ji bodobodo nɛ a maŋ kɔ yiisi be kejigboŋ na kagbenefuliso nɛ Livaiebi na nɛ bɔrɛmatapoana na bee boŋ nshɛ nsaa laŋ alaŋsɔ a di Enyɛnpe Ebɔrɛ epaŋ karechɛ kikɛ.

2 Kronikɛls 33:11

Amoso Enyɛnpe Ebɔrɛ na daŋ shin nna nɛ Asiriya be benapo be benimuana ya kɔ n sɔ Juda be efuli na, nseŋ pɛ ewura Manase n ta kekɔltobi ŋ kɔl mbe kamuna to nseŋ ta ŋgbɛlɛbi ŋ kre mo n ta mo n yɔ Babilɔn.

2 Kronikɛls 35:17

Ndoŋ nna nɛ Israɛl be basa na ta nchɛ ashunu m bɛ abar so n ji Kebansonchoŋ be kejigboŋ na. Kumo koŋwule nɛ baa tre Bodobodo nɛ a maŋ kɔ yiisi na be kejigboŋ na.

Ɛzra 1:1

Sairus ka ji Pɛshiya be kuwura be kafɛ juŋkparso to nɛ Enyɛnpe Ebɔrɛ na shin nɛ mbe kamalga nɛ e bɔla anebi Jɛremaya so m malga n nase na bɔlɔ so. E daŋ shin nna nɛ Pɛshiya be ewura Sairus sa ebɔl fanɛ b sibɛ n sa efuli na so ebi kikɛ ŋ kaŋɛ bumo fanɛ

Ɛzra 6:1

Nɛ Ewurgboŋ Dariɔs kaŋɛ fanɛ b keni Babilɔn be bewura be adrasheŋ be nwɔl to, nɛ b wora loŋ.

Ɛzra 7:27

Ndoŋ nna nɛ Ɛzra kaŋɛ le: “Kemaŋkura e baa la an nananyɛnana be Ebɔrɛ na peya. Mo e sa ewura na le be nfɛra nɛ e ta bunyaŋ n sa Enyɛnpe Ebɔrɛ be lambu nɛ k wɔ Jerusalɛm na.

Nehemaya 13:6

Ewurgboŋ Atazɛzɛs ka bee ji Babilɔn be efuli so be kuwura be kafɛ adesa nɛ anyɔ to nɛ le be kesheŋ ere daŋ wora. N daa maŋ wɔ Jerusalɛm to loŋ be jemanɛ na ŋkpal ŋ ka daŋ yɔ nɛ n ya bɔ ewura Atazɛzɛs kubɔya a laŋɛ kananɛ asheŋ nite ashi Juda be efuli so na so. Kumo be kaman nɛ ŋ kule ewurgboŋ na ekpa m bɛta n yɔ Jerusalɛm.

Aŋasa 16:7

Esa be asheŋ woraso baa bɔlɔ Enyɛnpe Ebɔrɛ kenishi, E bee shin nna nɛ amodoŋwura nɛ mo doŋana gba bee chena kagbenewushi so.

Aŋasa 21:1

Enyɛnpe Ebɔrɛ e naa ŋini Ewura be kagbene ekpa, fanɛ nchu be kubɔr na.

Ezikɛl 23:23

Meeŋ gama benapo nimuso nɛ benapo nɛ baa far egbaŋɛturko be benimuana nɛ basa gboŋ nɛ baa dii egbaŋɛ na kikɛ nɛ b shi Babilɔn be efuli so nɛ Asiriya be efuli so nɛ Chaldian be yiri to be basa nɛ b shi nde nɛ baa tre Pɛkɔd nɛ Showa nɛ Kowa na m ba abar so.

Matiu 26:17

Kachɛ nɛ b fara bodobodo nɛ a maŋ kɔ yiisi na be Kejigboŋ na nɛ bebɛsopo na ba Yesu kutɔ m ba bishi mo le: “Nnɛ nɛ fee sha an ya bela ase n yili fo nɛ fo ba ji Kebansonchoŋ be ajibi na?”

Baru lela nɛ Jɔn kute na 19:11

Nɛ Yesu kaŋɛ mo le: “Nɛ Ebɔrɛ daa maŋ sa fo eleŋ ma so nna, fo daa maaŋ baa kɔ eleŋ ma so. Esa nɛ e ta ma m bɔɔ fo enɔ ere malɛ be kulubi e shi a chɔ feya.”