Ɛzra 6:17 - EBƆRƐ BE KAWƆL

¹⁷ Kachɛ nɛ b ta bɔrɛlambu na m bɔɔ Ebɔrɛ enɔ na, egbolu kalfa nɛ ekpakpa alfa anyɔ nɛ mbolpɔ alfa ana nɛ b ta n lara sarga n sa Ebɔrɛ. B daŋ mɔ mboe kudu anyɔ nna n lara sarga ŋ kule alubi be ketampaŋ n sa Israɛl be nnaŋ kudu anyɔ na kikɛ.

Ɛzra 6:17 ပူးပေါင်းရင်းမြစ်များ

1 Bewura 18:31

Kede be kaman nɛ e ta ajembu kuduanyɔ nɛ amo be kekama yili n sa Jeekɔb, nɛ Enyɛnpe Ebɔrɛ na nase ketre Israɛl na, be mbinyɛnsobi kuduanyɔ na be ekama.

1 Bewura 8:62

Ndoŋ nna nɛ ewura Sɔlɔmɔn nɛ basa nɛ b wɔ ndoŋ na kikɛ lara esarga n sa Enyɛnpe Ebɔrɛ.

2 Kronikɛls 29:24

Kumo be kaman nɛ bɔrɛmatapoana na mɔ mboe na nseŋ chulgi amo be ŋklaŋ n wurge bɔrɛsure na so fanɛ alubi be ketampaŋ be sarga, ŋkpal manɛ so, ewura na kaŋɛ nna fanɛ b ta amo n lara Israɛl be efuli so ebi kikɛ be sarga chɔɔso nɛ alubi be ketampaŋ be sarga.

2 Kronikɛls 7:5

Ewura Sɔlɔmɔn daŋ mɔ ana ŋgboŋ adunyɔ nɛ anyɔ nɛ mbolpɔ nɛ mboe malɛ ŋgboŋ kalfa nɛ adunyɔ nna n lara kɔnɔkoŋwuleso be sarga pɔɛŋ nɛ mo nɛ basa na kikɛ ta bɔrɛlambu na m bɔɔ Ebɔrɛ enɔ.

Ɛzra 8:35

Basa nɛ b daŋ bɛta m ba na kikɛ daŋ bar esarga nna m ba chɔɔ n sa Israɛl be Ebɔrɛ na. B daŋ yili Israɛlebi kikɛ be katelamu to nna n ta egbolu kudu anyɔ nɛ ekpakpa adekpanu nɛ ashe nɛ ekpakpafɔlbi adushunu nɛ ashunu n lara sarga. Kumo be kaman nɛ b ta mboe kudu anyɔ n lara sarga ŋ kule alubi be ketampaŋ. B daŋ chɔɔ le be asɔbɔya ere kikɛ nna n lara sarga n sa Enyɛnpe Ebɔrɛ na.

Levitikɔs 4:28

Nɛ e baŋ pin kulubi nɛ e wora na be asheŋ, e beeŋ ta kaboeche nɛ k maŋ kɔ ndulgi kikɛ n lara kulubi nɛ e wora na be sarga.

Levitikɔs 4:3

Nɛ fanɛ Bɔrɛmatapo Nimuso e wora kulubi nɛ k suse basa na kikɛ, e beeŋ bar gbolu fɔlbi nɛ e maŋ kɔ ndulgi kikɛ kumo so m ba lara sarga n sa Enyɛnpe Ebɔrɛ na ŋkpal mbe kulubi na so.

Luuk 22:30

n ji nseŋ nuu ashi ma kuwura to nseŋ naaŋ chena nwurputiana so n ji Israɛlebi be nnaŋ kuduanyɔ na demu.”

Kelaraŋŋini 21:12

Kade na daa kɔ egbal gboŋgboŋi ko nna nsaa kɔ mbuna kuduanyɔ nɛ emalaika kuduanyɔ yil a keni amo so. B daŋ sibɛ Israɛl be nnaŋ kuduanyɔ na be ekama be ketre nna n deŋi kabuna kama so.