Ɛzra 6:15 - EBƆRƐ BE KAWƆL

¹⁵ Ewurgboŋ Dariɔs ka ji kuwura be kafɛ shesopo be kufɔl nɛ Juwebi bee tre Ada na be nchɛ asa to nɛ b pɔr bɔrɛlambu na n loge. Ada la Hibruwebi be kafɛ to be kufɔl kuduanyɔsopo nna.

Ɛzra 6:15 ပူးပေါင်းရင်းမြစ်များ

1 Bewura 8:63

Ewura Sɔlɔmɔn daŋ mɔ ana ŋgboŋ adunyɔ nɛ anyɔ nɛ mbolpɔ nɛ mboe malɛ ŋgboŋ kalfa nɛ adunyɔ nna n lara kɔnɔkoŋwuleso be esarga pɔɛŋ nɛ mo nɛ basa na kikɛ ta bɔrɛlambu na m bɔɔ Ebɔrɛ enɔ.

Ɛzra 4:24

Ndoŋ nna nɛ bɔrɛlambu na be kapɔr na shir n yili loŋ hale n ya fo Pɛshiya be ewurgboŋ Dariɔs be kuwurji be kafɛ nyɔsopo to.

Ɛzra 5:16

Nɛ Shɛɛshbaza ba tɔl bɔrɛlambu na be gbaltɔlase. Yili loŋ be jemanɛ na m ba fo kabre, kapɔr na bee pɔr gbrɛgbrɛbi nna. K maŋ naŋ loge bre.

Ɛzra 9:9

An daa la anya nna, ama fo maŋ yige anyi kenyaya na to. Fo shin nɛ Pɛshiya be bewura wu anyi kuwɔr nseŋ shin nɛ an kraa wɔ ŋkpa to hale nɛ m ba nya ekpa nɛ an ba lɔŋɛ m pɔr fo bɔrɛlambu nɛ k daŋ ki kelambure a dese na. Kumo be kaman, an naŋ nya anyi be amu a wɔ Juda be efuli so nɛ Jerusalɛm be kade to.

Ɛsta 3:13

Mbɔ nɛ b kɔ eleŋ a shile ga na, nɛ b ta nwɔl na n shuŋi fanɛ b chige efuli na so kikɛ. Kusɔ nɛ kawɔl na bee kaŋɛ e la fanɛ b mɔ Juwebi na kikɛ kufɔl kuduanyɔsopo nɛ baa tre Ada na be kachɛ kuduasasopo na to. Kawɔl na bee ŋini fanɛ b mɔ mbia nɛ benimu nɛ beche nɛ mbiwurbi kikɛ kumo be kamɔnchɛ na nseŋ muu bumo be asɔ nɛ b kɔ kikɛ.

Ɛsta 3:7

Ewura Sɛgsis ka ji kuwura be kafɛ kuduanyɔsopo be kufɔl sososo nɛ baa tre Nisan na to, nɛ Heman shin nɛ b to beri a fin kachɛ nɛ k daga fanɛ e wora kusɔ nɛ e bee kre na. Nɛ beri na ya tɔr kufɔl kuduanyɔsopo nɛ baa tre Ada na be nchɛ kuduasa.

Ɛsta 8:12

Kufɔl kuduanyɔsopo nɛ baa tre Adar na be nchɛ kuduasa, nɛ b daŋ yili fanɛ baaŋ mɔ Juwebi kikɛ ashi ewura Sɛgsis be efuli so na nɛ mbra nɛ Mɔdikaya sa na gba daga fanɛ k shuŋ.

Ɛsta 9:1

Kufɔl kuduanyɔsopo nɛ baa tre Adar na be nchɛ kuduasa nɛ sososo be mbra na daŋ daga fanɛ k shuŋ. Loŋ be kachɛ na nɛ Juwebi bumo doŋana na daŋ fɛ fanɛ baaŋ pɔɔ bumo so nseŋ wora bumo, bumo be kepar ama Juwebi na e daŋ kilgi m pɔɔ bedoŋana na so.

Ɛsta 9:15

Kufɔl nɛ baa tre Adar na be nchɛ kuduana nɛ Juwebi nɛ b wɔ Susa be kade to na naŋ chala abar m mɔ basa alfa asa kade na to, ama b maŋ ta bumo be kusɔ kama bre.

Ɛsta 9:17

Kufɔl nɛ baa tre Adar na be nchɛ kuduasa na nɛ loŋ daŋ wora. Kachɛ kuduanasopo na bre, b daa maŋ mɔ basa. B daŋ ta loŋ be kachɛ na nna ŋ ki kagbenefuli nɛ kejigboŋ be kachɛ.

Ɛsta 9:19

Amoso nɛ Juwebi nɛ b wɔ ndekarso na yili kufɔl nɛ baa tre Adar na be nchɛ kuduana na fanɛ kagbenefuli nɛ kejigboŋ be kewushiachɛ nɛ kachɛ nɛ baa chige abar ajibi na.

Ɛsta 9:21

fanɛ kufɔl nɛ baa tre Adar na be nchɛ kuduana nɛ kuduanu na e baa la nchɛgboŋ kafɛ kikɛ to n sa bumo.

Zakareya 1:1

Ewurgboŋ Dariɔs ka ji Pɛshiya be efuli so be kuwura be kafɛ nyɔsopo to be kufɔl burwasopo to nɛ Enyɛnpe Ebɔrɛ na ta kubɔya ere n sa anebi Zakareya nɛ e la Berekia pibinyɛn nsaa la Ido mo nanabi na.

Zakareya 1:16

Amoso nɛ m bɛta m ba Jerusalɛm to nɛ m ba wu kadegboŋ na kuwɔr na. Baaŋ naŋ lɔŋɛ ma bɔrɛlambu na nɛ kadegboŋ na m pɔr.”

Zakareya 4:9

“Zerubabel e nase bɔrɛlambu na be gbaltɔlase, mo alɛ beeŋ pɔr kumo n loge. Nɛ loŋ kaŋ wora, ma basa beeŋ pin fanɛ ma, Enyɛnpe Ebɔrɛ na, e shuŋi fo bumo kutɔ.