Ɛzra 6:14 - EBƆRƐ BE KAWƆL

¹⁴ Juwebi be bejuŋkparpo na daŋ wora asɔ ga ashi bɔrɛlambu na be kepɔr na to. Bumo alɛ daŋ naa nya keleŋto ashi anebi Heegai nɛ Zakareya, nɛ e shi Iddo be kanaŋ to na be keŋini to. Kananɛ Israɛl be Ebɔrɛ bɔla Pɛshiya be bewura fanɛ Sairus nɛ Dariɔs nɛ Atazɛzɛs so ŋ ŋini bumo kananɛ e bee sha bɔrɛlambu na gbagba chap nɛ b daŋ pɔr kumo.

Ɛzra 6:14 ပူးပေါင်းရင်းမြစ်များ

Ɛzra 3:8

Kafɛ nɛ Israɛlebi na ba Enyɛnpe Ebɔrɛ na be lambu na ase ashi Jerusalɛm to na be kufɔl nyɔsopo to nɛ Shɛɛltiɛl pibinyɛn, Zerubabel nɛ Jozadak pibinyɛn, Joshuwa nɛ bumo kurgepoana, nɛ b la bɔrɛmatapoana nɛ Livaiebi nɛ bekama nɛ b bɛta m ba Jerusalɛm to na, fara bɔrɛlambu na be kepɔr. B daŋ lara Livaiebi nɛ b fo nfɛ adunyɔ m baŋ so na nna fanɛ b baa keni kushuŋ na so.

Ɛzra 4:24

Ndoŋ nna nɛ bɔrɛlambu na be kapɔr na shir n yili loŋ hale n ya fo Pɛshiya be ewurgboŋ Dariɔs be kuwurji be kafɛ nyɔsopo to.

Ɛzra 4:3

Nɛ Zerubabel nɛ Joshuwa nɛ Israɛl be mbunaana na be benimuana na malɛ kaŋɛ bumo: “Anyi maa sha menyi be kechɛto ashi bɔrɛlambu na be kepɔr n sa Enyɛnpe anyi be Ebɔrɛ na to. Anyi nawule beeŋ tiŋ m pɔr kumo fanɛ kananɛ Pɛshiya be ewura, Sairus yili na.”

Ɛzra 5:1

Heegai nɛ Iddo pibinyɛn, Zakareya, nɛ b daa la anebiana na daŋ bɔla Israɛl be Ebɔrɛ nɛ e bee keni bumo so na be ketre so nna m malga n sa Juwebi nɛ b daa wɔ Juda be efuli so nɛ Jerusalɛm to na.

Ɛzra 5:13

Ama kafɛ nɛ ewurgboŋ Sairus ji Babilɔn be kuwura na, nɛ e sa kɔnɔ fanɛ a daga b naŋ lɔŋɛ m pɔr Ebɔrɛ be lambu na.

Ɛzra 5:2

Kumo be kaman nɛ Shɛɛltiɛl pibinyɛn, Zerubabel, nɛ Jozadak pibinyɛn, Joshuwa, naŋ fara Ebɔrɛ be lambu na be kelɔŋɛ m pɔr ashi Jerusalɛm to, nɛ anebiana na daa chɛ bumo to.

Ɛzra 6:3

Kafɛ nɛ ewurgboŋ Sairus ji kuwura na nɛ e sa kɔnɔ a yɔ Ebɔrɛ be lambu nɛ k wɔ Jerusalɛm to na be kaplɛa so le: “Bɔrɛlambu nɛ k daa wɔ Jerusalɛm to na daga kelɔŋɛ m pɔr nseŋ shin nɛ k baa la kakpa nɛ basa beeŋ baa lara esarga. Kumo be gbaltɔlase gba daga ketɔl. A daga kumo be jeŋgreŋ e baa la ayadra adekpanu nɛ kumo be mparto malɛ gba e baa la ayadra adekpanu.

Ɛzra 6:8

Ma alɛ naa yili kumo nna a sa menyi fanɛ men chɛ bumo to m pɔr bɔrɛlambu na. Kukɔ kama nɛ k ba kapɔr na be kaplɛa so, men lara amansherbi ashi amansherbi nɛ menyee sɔ Yufreetes be epeŋitɔrkpa be efuli so na to ŋ ka, nɛ kushuŋ na e sa maaŋ shir n yili.

Ɛzra 7:1

Asheŋ ere kikɛ be kaman nɛ anebi Ɛzra shi Babilɔn be efuli so m bɛta m ba Jerusalɛm Pɛshiya be ewurgboŋ Atazɛzɛs be jemanɛ to. Kananɛ anebi Ɛzra be kanaŋ to lar nde: Ɛzra mo tuto e daa la Seraya, nɛ Seraya malɛ mo tuto daa laa Azariya nɛ mo alɛ daa la Hilkiya pibinyɛn.

Ɛzra 9:9

An daa la anya nna, ama fo maŋ yige anyi kenyaya na to. Fo shin nɛ Pɛshiya be bewura wu anyi kuwɔr nseŋ shin nɛ an kraa wɔ ŋkpa to hale nɛ m ba nya ekpa nɛ an ba lɔŋɛ m pɔr fo bɔrɛlambu nɛ k daŋ ki kelambure a dese na. Kumo be kaman, an naŋ nya anyi be amu a wɔ Juda be efuli so nɛ Jerusalɛm be kade to.

Nehemaya 6:15

Nchɛ adunu nɛ anyɔ nɛ an ta m pɔr Jerusalɛm be egbalana na n loge. Juwebi be kufɔl nɛ baa tre Elul na be kachɛ adunyɔ nɛ anusopo na nɛ egbal na be kushuŋ loge.

Aizaaya 44:28

Ma e kaŋɛ Pɛshiya be efuli so be ewura Sairus le: ‘Feeŋ baa la fanɛ ma mbolpɔkpapo n juŋkpar ma basa n wora m bɔlɔ kusɔ kama nɛ mee sha kewora so. Fo e naŋ shin nɛ b naŋ lɔŋɛ Jerusalɛm be kadegboŋ na nɛ bɔrɛlambu na m pɔr.’ ”

Heegai 1:1

Ewurgboŋ Dariɔs ka ji Pɛshiya be efuli so be kuwura be kafɛ nyɔsopo to be kufɔl shesopo be kachɛ juŋkparso to, nɛ Enyɛnpe Ebɔrɛ bɔla anebi Heegai so m malga. Kubɔya na daa yɔ Juda be efuli so be gomena, Zerubabel nɛ e la Shealtiɛl pibinyɛn na nɛ bɔrɛmatapo nimuso Joshuwa, nɛ e la Jehozadak pibinyɛn na kutɔ nna.

Heegai 1:8

Men dii n yɔ abee so n ya ku ndibi m ba lɔŋɛ ma bɔrɛlambu m pɔr, nɛ ma kagbene e fuli ma nɛ basa e naa bunyaŋ ma kananɛ k daga fanɛ b baa bunyaŋ ma.

Zakareya 1:1

Ewurgboŋ Dariɔs ka ji Pɛshiya be efuli so be kuwura be kafɛ nyɔsopo to be kufɔl burwasopo to nɛ Enyɛnpe Ebɔrɛ na ta kubɔya ere n sa anebi Zakareya nɛ e la Berekia pibinyɛn nsaa la Ido mo nanabi na.

Zakareya 1:16

Amoso nɛ m bɛta m ba Jerusalɛm to nɛ m ba wu kadegboŋ na kuwɔr na. Baaŋ naŋ lɔŋɛ ma bɔrɛlambu na nɛ kadegboŋ na m pɔr.”

Zakareya 4:9

“Zerubabel e nase bɔrɛlambu na be gbaltɔlase, mo alɛ beeŋ pɔr kumo n loge. Nɛ loŋ kaŋ wora, ma basa beeŋ pin fanɛ ma, Enyɛnpe Ebɔrɛ na, e shuŋi fo bumo kutɔ.

Zakareya 8:9

Kusɔ nɛ Enyɛnpetale Ebɔrɛ na naŋ kaŋɛ nde: “Mmalga nɛ ma anebiana na daŋ malga jemanɛ nɛ b daa tɔl ma bɔrɛlambu na be gbaltɔlase na nɛ menyee nu na, amoso men baa kɔ kenyɛn nsaa maa pɔ aba.