Ɛzra 6:1 - EBƆRƐ BE KAWƆL

¹ Nɛ Ewurgboŋ Dariɔs kaŋɛ fanɛ b keni Babilɔn be bewura be adrasheŋ be nwɔl to, nɛ b wora loŋ.

Ɛzra 6:1 ပူးပေါင်းရင်းမြစ်များ

Ɛzra 4:15

nɛ fo shin nɛ b keni fo nananyɛnana nɛ fo tutoana be nwɔl nɛ a dese na to. Feeŋ wu fanɛ le be kade ere la kade lubi nna nɛ k bee bar etɔrɔ bewura so. Kusɔ nɛ k bar kumo be kemur nna na.

Ɛzra 4:19

Nɛ n shin nɛ b keni asheŋ na to nseŋ wu fanɛ kashenteŋ nɛ kade na la kade lubi dra dra kikɛ. B daa maa sa bewura kashuli. Bumo alɛ daa kɔ keŋkenshi nɛ kagbene kpakpaso ga.

Ɛzra 5:17

Yiramu, nɛ fee sha, fo shin nɛ b keni Babilɔn be bewura be adrasheŋ be nwɔl to, feeŋ wu fanɛ kashenteŋ nɛ ewurgboŋ Sairus daŋ sa ekpa fanɛ b lɔŋɛ Ebɔrɛ be lambu na m pɔr ashi Jerusalɛm to. Kumo be kaman nɛ ewura e shin nɛ an nu kusɔ nɛ e bee sha demu ere to.’ ”

Ɛzra 6:22

Nchɛ ashunu nɛ baa ji bodobodo nɛ k maŋ kɔ yiisi na be kejigboŋ na kagbenefuliso Bumo be ŋgbene daŋ fuli bumo nna ŋkpal Enyɛnpe Ebɔrɛ na ka chɛrga Asiriya be ewura be kagbene nseŋ shin nɛ e chɛ bumo to nɛ b lɔŋɛ Israɛl be Ebɔrɛ be bɔrɛlambu na m pɔr so.

Ɛzra 7:13

Mee sa kɔnɔ fanɛ Israɛlebi be esa kama, n ta bɔrɛmatapoana nɛ Livaiebi kikɛ n ti so, nɛ e bee sha ketu fo n yɔ Jerusalɛm be efuli so beeŋ tiŋ m bɛ fo so n yɔ.

Job be kawɔl 29:16

N daa la fanɛ etuto nna n sa betirpo, nseŋ daa ji asheŋ a chɛ befɔ to ashi demujikpa.

Nshɛ 40:7

Amoso nɛ ŋ kaŋɛ fanɛ ma nde na. Meeŋ wora asheŋ nɛ b sibɛ n wɔtɔ fo mbra be kawɔl na to fanɛ m bɛ so na; Kumo e kaŋɛ le na:

Aŋasa 25:2

Ebɔrɛ bee nya bunyaŋ nna ŋkpal e ka kɔ ashiri so, nɛ bewura malɛ bee nya kemaŋkura ŋkpal bumo be kebaa bugi asheŋ to so.

Jɛremaya 36:29

Kumo be kaman nɛ e yɛ ŋ kaŋɛ ewura na le: “Fo chɔɔ kawɔl na nseŋ bishi Jɛremaya kusɔ nɛ k ba nɛ e sibɛ fanɛ Babilɔn be ewura beeŋ ba mur kasawule ere nseŋ mɔ kumo so be basa nɛ asɔbɔya kikɛ.

Jɛremaya 36:32

Ade kikɛ be kaman nɛ n ta kawɔl pɔtɛ n sa Baruk nɛ e la ma esibɛpo na, nɛ e naŋ sibɛ kusɔ kama nɛ ŋ kute n sa mo na n nase. Kusɔ kama nɛ k daa wɔ sososo be kawɔl nɛ Ewura Jehowakim chɔɔ na to nɛ abɔya popɔr nɛ a chɔ adra na kikɛ nɛ e sibɛ n wɔtɔ kumo to.

Ezikɛl 2:9

Ndoŋ nna nɛ ŋ keni nseŋ wu enɔ nɛ kawɔl sibɛso ko bɔɔ to a wɔ enɔ na to nɛ k teŋi n shoŋi ma.

Ezikɛl 3:1

Ndoŋ nna nɛ Enyɛnpe Ebɔrɛ na naŋ kaŋɛ ma le: “Dimɛdi pibi, Ezikɛl, ta kawɔl sibɛso ere n ji fanɛ ajibi nseŋ yɔ n ya malga Israɛl be basa na kutɔ.”

Danɛl 9:25

A daga fo ka pin fanɛ yili saŋɛ nɛ ebɔl beeŋ ba kenishipereso fanɛ b naŋ lɔŋɛ Jerusalɛm m pɔr na, n ya fo saŋɛ nɛ ejuŋkparpo nɛ Ebɔrɛ lara na beeŋ ba na beeŋ baa la nfɛ adushunu be ntuŋ ashunu nna. Kumo be saŋɛ so baaŋ lɔŋɛ abɔrbi ashi Jerusalɛm to nseŋ kur kemaŋ ŋ kulti kumo a kuŋ kumo nɛ k yili n ya fo nfɛ shunu be ntuŋ adeshe nɛ anyɔ. Ama etɔrɔsheŋ damta beeŋ baa wɔ kumo to.

Kelaraŋŋini 5:1

Ndoŋ nna nɛ n wu kawɔl sibɛso ka wɔ esa nɛ e daŋ chena kuwurputi na so be enɔjiso so. Kasibɛ e daŋ bɔlɔ kumo be anishito nɛ kamanto kikɛ nɛ b ta tɔɔnɛ be kebersobi ashunu m pɛ kumo.