Ɛzra 5:7 - EBƆRƐ BE KAWƆL

⁷ “Yiramu, anyi be bunyaŋ be kechɔrɔ nde!

Ɛzra 5:7 ပူးပေါင်းရင်းမြစ်များ

Ɛzra 4:17

Ndoŋ nna nɛ ewura na malɛ ta ebɔl ere n shoŋi bumo. E yɛ: “Ebɔl ere shi ma, ewurgboŋ Atazɛzɛs, kutɔ nna a yɔ Rehum, nɛ e la gomena nɛ Shimshayi, nɛ mo alɛ la efuli na so be esibɛpo na nɛ bumo braana nɛ b wɔ Samɛria nɛ Yufreetes be epeŋitɔrkpa be kasawule so na kikɛ kutɔ. Ma kechɔrɔ nde!”

Ɛzra 5:6

Kawɔl nɛ Yufreetes be epeŋitɔrkpa be efuli so be gomena, Tatɛnayi, nɛ Shɛta Bozenayi nɛ bumo braana nɛ benimu nɛ b wɔ Yufreetes be epeŋitɔrkpa be efuli so na sibɛ n chise ewurgboŋ Dariɔs nde:

Ɛzra 5:8

Yiramu, anyee sha nna nɛ fo pin fanɛ an yɔ Juda be efuli so n ya wu fanɛ basa na bee lɔŋɛ a pɔr Ebɔrɛ Ewurgboŋ na be bɔrɛlambu na. Ajembu gbɛgbɛso nɛ ndibi gbɛgbɛso nɛ b kɔ a pɔr kumo. Kenishipereso nɛ baa pɔr kumo, amoso kushuŋ na bee yɔ manaŋ manaŋ nna a sa bumo.

Danɛl 3:9

Le nɛ b daŋ kaŋɛ ewura Nebukadneeza: “Yiramu, baa kɔ ŋkpa tenteŋ!

Danɛl 4:1

Ewura Nebukadneeza daŋ sa efuliana nɛ eyiriana nɛ ŋgbarana nɛ e wɔ durnya to kikɛ ebɔl nna ŋ kaŋɛ le: “Kagbenewushi e baa wɔ menyi kikɛ so.

Danɛl 6:21

Nɛ Danɛl kaŋɛ le: “Yiramu, Ebɔrɛ e shin nɛ fo ji kuwura ere n chɛr.

Baru lela nɛ Jɔn kute na 14:27

Kagbenewushi nɛ mee yige a sa menyi na, kagbenewushi nɛ k shi ŋ gbagba kutɔ. Kumo alɛ mannɛ fanɛ kananɛ durnya bee sa kumo na nɛ ŋ kɔ kumo a sa menyi. Amoso, men sa maŋ shin nɛ menyi be ŋgbene e baa jija menyi ŋko nɛ kufu e baa kɔ menyi.

2 Tɛsalɔnikaebi 3:16

To, kagbenewushi be Enyɛnpe na gbagba e sa menyi kagbenewushi saŋkama ashi kusɔ kama to. Enyɛnpe na e baa wɔ menyi kikɛ to.