Ɛzra 5:3 - EBƆRƐ BE KAWƆL

³ Ndoŋ nna nɛ lɔrgboŋ nɛ baa tre Yufreetes na be epeŋitɔrkpa be kasawule so be gomena, Tatɛnayi, nɛ Shɛta Bozenayi nɛ bumo braana yɔ bumo kutɔ n ya bishi bumo le: “Wanɛ e sa menyi ekpa fanɛ men lɔŋɛ bɔrɛlambu ere m pɔr?”

Ɛzra 5:3 ပူးပေါင်းရင်းမြစ်များ

Ɛzra 1:3

Bekama nɛ b la Enyɛnpe Ebɔrɛ na be basa beeŋ tiŋ n yɔ n ya lɔŋɛ Israɛl be Ebɔrɛ nɛ e wɔ Jerusalɛm to na be bɔrɛlambu na m pɔr.

Ɛzra 4:12

‘Yiramu, anyee sha fo pin fanɛ Juwebi nɛ b shi fo kutɔ m ba anyi kutɔ nfe na yɔ Jerusalɛm nna n ya kaa lɔŋɛ kade lubi nɛ k maŋ kɔ kasonu na a pɔr. B tiŋ n fara a pɔr kumo be egbalana nsaa lɔŋɛ kumo be gbaltɔlaseana gba. K maaŋ chɛr baaŋ pɔr kumo n loge.

Ɛzra 4:9

“Rehum nɛ e la gomena na nɛ Shimshayi nɛ e la efuli na be esibɛpo na nɛ bumo braana demujipoana nɛ benimuana nɛ baa keni basa nɛ b shi Tripolis nɛ Pɛshiya nɛ Erɛk nɛ Babilɔn be efuliana so na, n ta Elam ebi nɛ b shi Susa na nɛ

Ɛzra 5:6

Kawɔl nɛ Yufreetes be epeŋitɔrkpa be efuli so be gomena, Tatɛnayi, nɛ Shɛta Bozenayi nɛ bumo braana nɛ benimu nɛ b wɔ Yufreetes be epeŋitɔrkpa be efuli so na sibɛ n chise ewurgboŋ Dariɔs nde:

Ɛzra 5:9

Ndoŋ nna nɛ an bishi benimuana na fanɛ wanɛ e sa bumo ekpa fanɛ b lɔŋɛ bɔrɛlambu na m pɔr?

Ɛzra 6:13

Ndoŋ nna nɛ Tatɛnayi, nɛ e la gomena na nɛ Shɛta Bɔzanayi nɛ bumo braana nɛ benimuana na wora m bɛ kusɔ nɛ ewura na kaŋɛ na so.

Ɛzra 6:6

Kede be kaman nɛ ewurgboŋ Dariɔs sibɛ kawɔl n shoŋi Yufreetes be epeŋitɔrkpa be kasawule so be gomena, Tatɛnayi, nɛ Shɛta Bɔzanayi nɛ bumo braana nɛ b daa la efuli na be benimu na kikɛ ŋ kaŋɛ bumo fanɛ b sa maŋ naŋ yɔ bɔrɛlambu na ase kikɛ.

Ɛzra 7:21

Ma, ewurgboŋ Atazɛzɛs, e naa sa bekama nɛ baa keni Yufreetes be epeŋitɔrkpa be efuli so be amansherbi so na ebɔl fanɛ kusɔ kama nɛ Ɛzra, nɛ e la bɔrɛmatapo nɛ Ebɔrɛ be mbra na be eŋinipo na bee sha, b sa mo.

Heegai 1:1

Ewurgboŋ Dariɔs ka ji Pɛshiya be efuli so be kuwura be kafɛ nyɔsopo to be kufɔl shesopo be kachɛ juŋkparso to, nɛ Enyɛnpe Ebɔrɛ bɔla anebi Heegai so m malga. Kubɔya na daa yɔ Juda be efuli so be gomena, Zerubabel nɛ e la Shealtiɛl pibinyɛn na nɛ bɔrɛmatapo nimuso Joshuwa, nɛ e la Jehozadak pibinyɛn na kutɔ nna.

Matiu 21:23

Yesu ka ya luri bɔrɛlambu na to a ŋini basa, nɛ bɔrɛmatapowuraana na nɛ basa na be benimuana na ba mo kutɔ m ba bishi mo: “Manɛ be eleŋ nɛ fo kɔ a wɔtɔ a wora asheŋ ere, nɛ wanɛ e sa fo loŋ be eleŋ na?”

Ashuŋ Shunso 4:7

Ndoŋ nna nɛ b bar beshuŋipo na m ba shin nɛ b yili bumo be anishito nɛ b bishi bumo: “Nuso nɛ men wora n chɛ bobinyɛn na? Eleŋ mo nɛ men kɔ ŋko wanɛ be ketre nɛ men ta n wora kumo?”