Ɛzra 5:2 - EBƆRƐ BE KAWƆL

² Kumo be kaman nɛ Shɛɛltiɛl pibinyɛn, Zerubabel, nɛ Jozadak pibinyɛn, Joshuwa, naŋ fara Ebɔrɛ be lambu na be kelɔŋɛ m pɔr ashi Jerusalɛm to, nɛ anebiana na daa chɛ bumo to.

Ɛzra 5:2 ပူးပေါင်းရင်းမြစ်များ

Ɛzra 1:8

Mitrɛdat nɛ e daa la basa nɛ baa keta ewura be amansherbi be enimu na nɛ e shin nɛ e karga amo m bɔɔ Shɛshbaza nɛ e daa la Juda be efuli so be gomena na enɔ.

Ɛzra 10:18

Benyɛn nɛ b shi bɔrɛmatapoana be kabuna nsaa kɔ eyiri pɔtɛ be beche a kil na e daa la Maaseia nɛ Eliaza nɛ Jarib nɛ Gɛdaliya nɛ b la Jehozadak be bibinyɛn nseŋ shi Joshuwa nɛ sipoana be kabuna na.

Ɛzra 3:2

Ndoŋ nna nɛ Jozadak pibinyɛn Joshuwa nɛ mo braana bɔrɛmatapoana na nɛ Shɛɛltiɛl pibinyɛn, Zerubabel, nɛ mo kurgepoana fara nɛ b pɔr Israɛl be Ebɔrɛ na be bɔrɛsure, saŋɛ na so baŋ tiŋ a lara esarga kumo so fanɛ kananɛ Mosis be mbra bee ŋini na.

Ɛzra 3:8

Kafɛ nɛ Israɛlebi na ba Enyɛnpe Ebɔrɛ na be lambu na ase ashi Jerusalɛm to na be kufɔl nyɔsopo to nɛ Shɛɛltiɛl pibinyɛn, Zerubabel nɛ Jozadak pibinyɛn, Joshuwa nɛ bumo kurgepoana, nɛ b la bɔrɛmatapoana nɛ Livaiebi nɛ bekama nɛ b bɛta m ba Jerusalɛm to na, fara bɔrɛlambu na be kepɔr. B daŋ lara Livaiebi nɛ b fo nfɛ adunyɔ m baŋ so na nna fanɛ b baa keni kushuŋ na so.

Ɛzra 6:14

Juwebi be bejuŋkparpo na daŋ wora asɔ ga ashi bɔrɛlambu na be kepɔr na to. Bumo alɛ daŋ naa nya keleŋto ashi anebi Heegai nɛ Zakareya, nɛ e shi Iddo be kanaŋ to na be keŋini to. Kananɛ Israɛl be Ebɔrɛ bɔla Pɛshiya be bewura fanɛ Sairus nɛ Dariɔs nɛ Atazɛzɛs so ŋ ŋini bumo kananɛ e bee sha bɔrɛlambu na gbagba chap nɛ b daŋ pɔr kumo.

Heegai 2:18

Kabre e la kufɔl kpanusopo na be nchɛ adunyɔ nɛ ana, kachɛ nɛ men tɔl bɔrɛlambu na be gbaltɔlase n loge. Yili kabre a yɔ, men baa dara kusɔ nɛ k beeŋ baa wora menyi to.

Zakareya 4:14

Ndoŋ nna nɛ e kaŋɛ: “A yili nna n sa basa anyɔ na nɛ Enyɛnpe Ebɔrɛ na shin nɛ b duga ŋku n do bumo be amu so nseŋ lara bumo n yili fanɛ b baa shuŋ mo ere Ebɔrɛ nɛ e la durnya kikɛ be Enyɛnpe na.”

Zakareya 4:4

Ndoŋ nna nɛ m bishi malaika na le: “Ade ere be kifito e la manɛ?”

Zakareya 8:9

Kusɔ nɛ Enyɛnpetale Ebɔrɛ na naŋ kaŋɛ nde: “Mmalga nɛ ma anebiana na daŋ malga jemanɛ nɛ b daa tɔl ma bɔrɛlambu na be gbaltɔlase na nɛ menyee nu na, amoso men baa kɔ kenyɛn nsaa maa pɔ aba.

2 Kɔrintebi 1:24

Men baa nyi fanɛ mannɛ fanɛ anyee sha keŋini menyi kenimu nna ashi yirda na to, ama kusɔ nɛ anyee wora e la fanɛ anyee tu menyi nna a wora asheŋ ŋkpal men be kenya kagbenefuliso so. Yirda malɛ so nɛ men yil kpakpa na.