Ɛzra 5:15 - EBƆRƐ BE KAWƆL

¹⁵ E ka ta amo n sa Shɛɛshbaza na nɛ e kaŋɛ fanɛ e ta asɔ ere n ya wɔtɔ bɔrɛlambu nɛ k wɔ Jerusalɛm na to; nseŋ lɔŋɛ Ebɔrɛ be lambu na m pɔr n yili kumo be epul dra na gbagba to.

Ɛzra 5:15 ပူးပေါင်းရင်းမြစ်များ

Ɛzra 1:2

kusɔ nɛ Pɛshiya be ewura, Sairus, kaŋɛ nde: “Enyɛnpe Ebɔrɛ nɛ e wɔ ebɔrɛso na e ta efuliana nɛ e wɔ durnya ere kikɛ to be kuwura m buu ma, nseŋ kaŋɛ ma fanɛ n ya pɔr bɔrɛlambu n sa mo ashi Jerusalɛm nɛ k wɔ Juda be efuli so na.

Ɛzra 3:3

Kufu nɛ k daa wɔ bumo to ŋkpal basa nɛ b kulti bumo na kikɛ be kaman, b daŋ pɔr bɔrɛsure na n yili kumo be gbaltɔlase dra na so nna. Kapa nɛ kanyɛ kikɛ b daa lara esarga bɔrɛsure na so nna a sa Ebɔrɛ.

Ɛzra 5:14

Mo alɛ daŋ naŋ bɛta Ebɔrɛ be lambu to be shuwa nɛ gbiti be asɔ nɛ ewurgboŋ Nebukadneeza daŋ ta ashi Jerusalɛm n ya wɔtɔ mbe agbir be ebu to ashi Babilɔn na n sa Shɛɛshbaza, nɛ e daa la Juda be gomena na nna.

Ɛzra 5:16

Nɛ Shɛɛshbaza ba tɔl bɔrɛlambu na be gbaltɔlase. Yili loŋ be jemanɛ na m ba fo kabre, kapɔr na bee pɔr gbrɛgbrɛbi nna. K maŋ naŋ loge bre.

Ɛzra 6:3

Kafɛ nɛ ewurgboŋ Sairus ji kuwura na nɛ e sa kɔnɔ a yɔ Ebɔrɛ be lambu nɛ k wɔ Jerusalɛm to na be kaplɛa so le: “Bɔrɛlambu nɛ k daa wɔ Jerusalɛm to na daga kelɔŋɛ m pɔr nseŋ shin nɛ k baa la kakpa nɛ basa beeŋ baa lara esarga. Kumo be gbaltɔlase gba daga ketɔl. A daga kumo be jeŋgreŋ e baa la ayadra adekpanu nɛ kumo be mparto malɛ gba e baa la ayadra adekpanu.