Ɛzra 5:12 - EBƆRƐ BE KAWƆL

¹² Ŋkpal an tutoana ka daŋ wora n da Ebɔrɛ nɛ e wɔ esoso na so so, e daŋ nya agbo nna nseŋ shin nɛ Babilɔn be Ewurgboŋ, Nebukadneeza, nɛ e shi Chaldian, ba kɔ m pɔɔ bumo so. Kumo be kaman nɛ Nebukadneeza pɛ bumo anya n yɔ Babilɔn be efuli so.

Ɛzra 5:12 ပူးပေါင်းရင်းမြစ်များ

2 Bewura 24:2

Ndoŋ nna nɛ Enyɛnpe Ebɔrɛ shin nɛ Babilɔn nɛ Siriya nɛ Mowab nɛ Ammɔn be benapo be ntuŋ nɛ baa ta kena a purgi na ya kɔ Jehowakim kena nseŋ jija Juda be efuli kikɛ fanɛ kananɛ e daŋ bɔla mbe nyɛrbi anebiana so ŋ kaŋɛ fanɛ e beeŋ mur Juda na.

2 Bewura 25:1

Zɛdikaya ka ji Juda be efuli so be kuwura be kafɛ kpanusopo to be kufɔl kudusopo be kachɛ kudusopo to nɛ Babilɔn be ewura, Nebukadneeza nɛ mbe benapo kikɛ ba nɛ b ba kɔ Jerusalɛm kena. B daŋ ba wora bumo be keeyi to nna m mata kade na nseŋ pugi ŋ kulti Jerusalɛm be kadegboŋ na kikɛ n wɔtɔ nsaa gbare shishɛr a deŋi abar so a mata kumo be egbal na nɛ b dii so n luri to.

2 Kronikɛls 36:20

E daŋ pɛ basa nɛ b maŋ wu kena to na nna n yɔ Babilɔn be efuli wɔfɔ na nɛ b ya ki mo nɛ mbe mbia be anya hale n ya fo jemanɛ nɛ Pɛshiya be efuli so be kuwurji fara a ji eleŋ na.

Nshɛ 106:40

Amoso Enyɛnpe Ebɔrɛ na daŋ nya agbo n wora mbe basa nna nseŋ daŋ kishi bumo be asheŋ.

Aizaaya 47:6

N daŋ nya agbo n wora ma basa nna, nseŋ daŋ wora bumo fanɛ b ka maŋ naa la ma basa. Ŋkpal loŋ so nɛ n ta bumo m bɔɔ menyi enɔ, menyi alɛ daa maŋ wu bumo kuwɔr. Men daa ŋmenyaŋ bumo to be basakpar na gba nna.

Jɛremaya 5:29

Ma, Enyɛnpe Ebɔrɛ na beeŋ gberge bumo kusoe ŋkpal asheŋ ere kikɛ so. Meeŋ wora n tal efuli na kikɛ be basa to.

Jɛremaya 51:59

Ewura Zedekaya ka ji Juda be efuli so be kuwura be kafɛ nasopo to nɛ e yɔ Babilɔn be efuli so. Seraiya nɛ e la Neriya pibinyɛn nɛ Maaseia mo nanabi na daŋ shuŋi mo nna n yɔ. Seraiya ere daa la ewura Zedekaya be enimu nɛ e bee fin edesekpa nna a sa mo ashi mbe enite to.

Jɛremaya 52:12

Ewura Nebukadneeza ka ji Babilɔn be efuli so be kuwura be kafɛ kudu akpanu to be kufɔl nusopo to be kachɛ kudusopo na nɛ Nebuzaradan nɛ e la ewura be asoetojipo nɛ benapo nɛ baa kuŋ mo na be enimu na ba Jerusalɛm to,

Danɛl 9:5

an wora alubi nsaa kɔ alubi ashi anyi be ŋgbene to. An wora amu kpakpaso n ya baŋ so nseŋ kini kebɛ fo mbra nɛ fo keŋini so.

Ditɛronɔmi 31:17

Nɛ b kaŋ wora loŋ malɛ, meeŋ nya agbo ga n wora bumo nseŋ kplaŋ bumo so nɛ b mur. Kumu lubi gboŋgboŋi beeŋ ba bumo so nɛ b pin fanɛ asheŋ ere kikɛ bee wora nna ŋkpal ma, bumo be Ebɔrɛ na, ka maŋ naa wɔ bumo kutɔ so.

Ditɛronɔmi 32:30

Manɛ so nɛ esa koŋwule tiŋ m pɔɔ basa kagboŋ so, nɛ basa anyɔ malɛ tiŋ m pɔɔ basa ŋgboŋ kudu so? Enyɛnpe bumo be Ebɔrɛ na e kini bumo n lɛ. Bumo be Ebɔrɛ lempo na e ta bumo n sa bumo doŋana.

Demujipoana 2:14

Enyɛnpe Ebɔrɛ na daŋ nya agbo nna n wɔtɔ bumo n shin nɛ beyu ba kɔ bumo n suge bumo be asɔ kikɛ n shile. Kumo be kaman, nɛ Enyɛnpe Ebɔrɛ na naŋ shin nɛ bedoŋ ba kulti bumo n wɔtɔ ŋ kɔ m pɔɔ bumo so. Israɛlebi na daa maŋ naŋ tiŋ ŋ kuŋ bumo be amu ashi bumo doŋana kutɔ.

Demujipoana 4:2

Amoso nɛ Enyɛnpe Ebɔrɛ na shin nɛ Jabin nɛ e la Keenan be ewura nseŋ daŋ chena kade nɛ baa tre Hazɔɔ a ji kuwura na pɔɔ bumo so. Kanyɛn nɛ baa tre Sisɛra na e daa la mbe benapo be enimu. Kade nɛ baa tre Haroshɛt Haggoyim na nɛ e daa wɔ.

Demujipoana 6:1

Nɛ Israɛlebi na naŋ wora alubi n da Enyɛnpe Ebɔrɛ na so nɛ e shin nɛ Midianebi pɔɔ bumo so. Nfɛ ashunu nɛ Israɛlebi na bee shuŋ bumo.