Ɛzra 4:9 - EBƆRƐ BE KAWƆL

⁹ “Rehum nɛ e la gomena na nɛ Shimshayi nɛ e la efuli na be esibɛpo na nɛ bumo braana demujipoana nɛ benimuana nɛ baa keni basa nɛ b shi Tripolis nɛ Pɛshiya nɛ Erɛk nɛ Babilɔn be efuliana so na, n ta Elam ebi nɛ b shi Susa na nɛ

Ɛzra 4:9 ပူးပေါင်းရင်းမြစ်များ

Jɛnesis 10:22

Shɛm be bibinyɛnana nɛ b daa la Elam nɛ Ashuur nɛ Aafaksad nɛ Lud nɛ Mɛsopoteemia na be atre e daŋ ba ki bumo be nnaŋ to ebi be atre.

2 Bewura 17:24

Asiriya be ewurgboŋ na daŋ lara basa ashi Babilɔn nɛ Kuuta nɛ Awa nɛ Hamaf nɛ Sefavaim be nde to nna nseŋ tintiŋ bumo n yɔ Israɛl be efuli so nɛ b ya chena ndoŋ. B daŋ ya sɔ nde nɛ Israɛlebi na be nde nna n chena n ta bumo be kadegboŋ Samɛria n ti so.

Ɛzra 4:8

Rehum nɛ e daa la gomena na nɛ Shimshayi nɛ mo alɛ daa la efuli na be esibɛpo na e sibɛ kawɔl na n sa ewurgboŋ Atazɛzɛs a malga Jerusalɛm be asheŋ a kaŋɛ le:

Ɛzra 5:3

Ndoŋ nna nɛ lɔrgboŋ nɛ baa tre Yufreetes na be epeŋitɔrkpa be kasawule so be gomena, Tatɛnayi, nɛ Shɛta Bozenayi nɛ bumo braana yɔ bumo kutɔ n ya bishi bumo le: “Wanɛ e sa menyi ekpa fanɛ men lɔŋɛ bɔrɛlambu ere m pɔr?”

Ɛzra 5:6

Kawɔl nɛ Yufreetes be epeŋitɔrkpa be efuli so be gomena, Tatɛnayi, nɛ Shɛta Bozenayi nɛ bumo braana nɛ benimu nɛ b wɔ Yufreetes be epeŋitɔrkpa be efuli so na sibɛ n chise ewurgboŋ Dariɔs nde:

Ɛzra 6:6

Kede be kaman nɛ ewurgboŋ Dariɔs sibɛ kawɔl n shoŋi Yufreetes be epeŋitɔrkpa be kasawule so be gomena, Tatɛnayi, nɛ Shɛta Bɔzanayi nɛ bumo braana nɛ b daa la efuli na be benimu na kikɛ ŋ kaŋɛ bumo fanɛ b sa maŋ naŋ yɔ bɔrɛlambu na ase kikɛ.

Nehemaya 4:2

Le nɛ e kaŋɛ mo braana nɛ Samɛria be benapo be anishito: “Manɛ nɛ Juwebi, basa pɔso be katuŋ ere bee fɛ fanɛ baa wora ere? Baa sha keta kachɛ koŋwule nna n lɔŋɛ egbal na m pɔr nseŋ lara esarga loŋ be kachɛ koŋwule na gbagba a? Baa fɛ fanɛ baaŋ tiŋ n ta ajembu nɛ a chɔɔ m biti abar so ere n lɔŋɛ kusɔ ko a?”

Ɛsta 2:3

Lara fo efuli ere be kaba kama so be ekrachi n shin nɛ b fin besuŋgurbi nɛ b walɛ abita m ba Susa m baa wɔtɔ ewura be laŋ to be kaboŋ nɛ baa wɔtɔ beche nawule na. Nseŋ ta bumo m bɔɔ Heegai nɛ b fɛl nɛ e bee keni beche so na enɔ, nɛ e ŋini bumo kananɛ baŋ baa lɔŋɛ bumo be amu nɛnɛ n lar kebita n ti so.

Aizaaya 21:2

Ŋ ku bɔrɛdare n wu asheŋ ko nɛ a bee bar awurfoŋ basa so. Amo e la kedebɔr abar nɛ kemur abar be asheŋ. Kaŋɛ Elam be efuli nɛ Mediya be efuli so be benapo fanɛ b kre kena m ba kulti Babilɔn be efuli so be ndegboŋana n wɔtɔ ŋ kɔ bumo kena! Ŋkpal manɛ so, Enyɛnpe Ebɔrɛ na bɔ ntaŋ fanɛ e beeŋ shin nɛ awurfoŋ nɛ Babilɔnebi bee shin nɛ efuli pɔtɛana so be basa bee ji na e ba ekar.

Jɛremaya 49:34

Zɛdikaya ka ji Juda be efuli so be kuwura, k maŋ chɛr ko nɛ Enyɛnpetale Ebɔrɛ na malga ma kutɔ a laŋɛ Elam be efuli be kaplɛa so.

Ezikɛl 32:24

Elam nɛ kumo be benapo be nchaŋana kulti kumo na gba wɔ ndoŋ. Kena to nɛ b daŋ mɔ basa nɛ b maa ŋana Ebɔrɛ na kikɛ nɛ b yɔ bubuni to. Bumo e daa funti basa nɛ b wɔ ŋkpa to na, ama naniere bumo e ji anishinyɔr a dese bubuni to na.

Danɛl 8:2

Ma bɔrɛdare na to nɛ n wu ŋ ka yɔ kade ko nɛ b pɔr egbal ŋ kulti nɛ baa tre kumo Susa nɛ k wɔ Ilam be efuli so na, n ya yili nchu be kubɔr nɛ b kur nɛ k du fanɛ kabombi nɛ baa tre kumo Ulai na ase.

Ashuŋ Shunso 2:9

To, Paatia nɛ Midia nɛ Ilam nɛ Mɛsopoteemia nɛ Judiya nɛ Kapadosia nɛ Pɔntes nɛ Eeshia,