Ɛzra 4:7 - EBƆRƐ BE KAWƆL

⁷ Pɛshiya be ewurgboŋ Atazɛzɛs be jemanɛ to gba, Bishlam nɛ Mitrɛdat nɛ Tabil nɛ bumo braana sibɛ kawɔl nna n sa ewurgboŋ Atazɛzɛs. Aramaik be ŋgbar to nɛ b daŋ sibɛ kumo.

Ɛzra 4:7 ပူးပေါင်းရင်းမြစ်များ

2 Bewura 18:26

Ndoŋ nna nɛ Eliakim nɛ Shɛbna nɛ Jowa kaŋɛ benapo be ejuŋkparpo na le: “Jande, ta Aramaik be ŋgbar to a malga anyi kutɔ. Amo nɛ anyee nu. Sa maa malga Hibruw be ŋgbar to, ŋkpal manɛ so, basa nɛ b wɔ egbalana ere so ere kikɛ beeŋ nu kusɔ nɛ anyee malga ere.”

Ɛzra 4:1

Juda nɛ Bɛnjamin ebi be bedoŋ ka nu fanɛ Israɛlebi na bɛta m ba nɛ b ba lɔŋɛ Enyɛnpe, Israɛl be Ebɔrɛ na be lambu m pɔr,

Ɛzra 4:17

Ndoŋ nna nɛ ewura na malɛ ta ebɔl ere n shoŋi bumo. E yɛ: “Ebɔl ere shi ma, ewurgboŋ Atazɛzɛs, kutɔ nna a yɔ Rehum, nɛ e la gomena nɛ Shimshayi, nɛ mo alɛ la efuli na so be esibɛpo na nɛ bumo braana nɛ b wɔ Samɛria nɛ Yufreetes be epeŋitɔrkpa be kasawule so na kikɛ kutɔ. Ma kechɔrɔ nde!”

Ɛzra 4:8

Rehum nɛ e daa la gomena na nɛ Shimshayi nɛ mo alɛ daa la efuli na be esibɛpo na e sibɛ kawɔl na n sa ewurgboŋ Atazɛzɛs a malga Jerusalɛm be asheŋ a kaŋɛ le:

Ɛzra 4:9

“Rehum nɛ e la gomena na nɛ Shimshayi nɛ e la efuli na be esibɛpo na nɛ bumo braana demujipoana nɛ benimuana nɛ baa keni basa nɛ b shi Tripolis nɛ Pɛshiya nɛ Erɛk nɛ Babilɔn be efuliana so na, n ta Elam ebi nɛ b shi Susa na nɛ

Ɛzra 5:6

Kawɔl nɛ Yufreetes be epeŋitɔrkpa be efuli so be gomena, Tatɛnayi, nɛ Shɛta Bozenayi nɛ bumo braana nɛ benimu nɛ b wɔ Yufreetes be epeŋitɔrkpa be efuli so na sibɛ n chise ewurgboŋ Dariɔs nde:

Ɛzra 7:1

Asheŋ ere kikɛ be kaman nɛ anebi Ɛzra shi Babilɔn be efuli so m bɛta m ba Jerusalɛm Pɛshiya be ewurgboŋ Atazɛzɛs be jemanɛ to. Kananɛ anebi Ɛzra be kanaŋ to lar nde: Ɛzra mo tuto e daa la Seraya, nɛ Seraya malɛ mo tuto daa laa Azariya nɛ mo alɛ daa la Hilkiya pibinyɛn.

Ɛzra 8:36

Bumo alɛ daŋ naŋ ta kawɔl nɛ ewura na sibɛ n sa fanɛ b ta m ba sa Yufreetes be epeŋitɔrkpa be efuli so be gomena nɛ ndoŋ be benimu na nna n ya sa bumo. Nɛ bumo alɛ gba chɛ Israɛlebi na nɛ bɔrɛlambu na be kushuŋ to ga.

Nehemaya 2:1

Juwebi be kufɔl nɛ baa tre Nisan na to nɛ ewurgboŋ Atazɛzɛs ka ji kuwura be kafɛ adunyɔ na to nɛ n ta yabra nɛ n ya sa mo. Mo alɛ daŋ maŋ naŋ wu ma anishiakpa ka chɛrga n duli esa nɛ mbe kagbenejija mo kikɛ.

Aizaaya 36:11

Ndoŋ nna nɛ Eliakim nɛ Shɛbna nɛ Jowa kaŋɛ benapo be ejuŋkparpo na le: “Jande, ta Aramaik be ŋgbar to a malga anyi kutɔ. Amo nɛ anyee nu. Sa maa gbar Hibruw be ŋgbar to, ŋkpal manɛ so, basa nɛ b wɔ egbalana ere so kikɛ bee nu kusɔ nɛ anyee malga nna na.”

Danɛl 11:2

Kusɔ nɛ mee shin nɛ ŋ kaŋɛ fo naniere malɛ la kashenteŋ nna. Bewura asa e kraa beeŋ ba ji kuwura ashi Pɛshiya be efuli so pɔɛŋ nɛ enasopo nɛ e kɔ dama a chɔ bumo kikɛ e ba bɛ so. Mbe kedamaya na beeŋ sa mo eleŋ ga hale nɛ e ta basa kikɛ nɛ Griis be efuli be basa be amu ŋ ŋmɛa abar.

Danɛl 2:4

Nɛ b malga Aramaik be ŋgbarto ŋ kaŋɛ ewura na le: “Yiramu! Ebɔrɛ e sa fo ŋkpa tenteŋ mbaanaayɔ. Kaŋɛ anyi fo edare na nɛ anyi alɛ e kaŋɛ fo kumo be kifito.”