Ɛzra 4:6 - EBƆRƐ BE KAWƆL

⁶ Kafɛ nɛ ewurgboŋ Zɛɛzɛs ji kuwura na nɛ basa nɛ b daa wɔ Juda nɛ Jerusalɛm to na be bedoŋ sibɛ kawɔl ŋ ku bumo kɔnɔ.

Ɛzra 4:6 ပူးပေါင်းရင်းမြစ်များ

Jɛnesis 26:21

Kede be kaman nɛ Aizek be nyɛrbi naŋ ya kur ketirbu ko nɛ bumo nɛ Gerarebi be asɔbɔya kpapoana na naŋ nya kɔnɔgberge ŋkpal kumo alɛ gba so nɛ Aizek naŋ sa kumo alɛ ketre Sitna.

Ɛzra 4:5

Nɛ b ya ber Pɛshiya be gomena be benimu ko paa fanɛ b ba funti Judaebi na n lara bumo lambu na be kapɔr to. Ewura Sairus be jemanɛ so nɛ b keta kumo loŋ hale m ba fo ewura Dariɔs be jemanɛ so.

Ɛsta 1:1

Pɛshiya be efuli so be ewura nɛ baa tre Sɛgsis na daa wɔ mbe kadegboŋ nɛ baa tre Susa na nna a ji kuwura efuli na be abonfugboŋ kalfa nɛ adunyɔ nɛ ashunu nɛ a yili Indiya be efuli so ashi epeŋilarkpa n ya fo Etopiya be efuli so ashi epeŋitɔrkpa na so.

Ɛsta 1:10

Kachɛ shunusopo na nɛ ewura na be kagbene fuli mo ga ŋkpal nsa nɛ e nuu na so, nɛ e tre mbe nyɛrbi ashunu nɛ b fɛl bumo nɛ b wɔ mo kutɔ saŋkikɛ a shuŋ mo na. Bumo e la Mehuman nɛ Bizta nɛ Harbona nɛ Bigta nɛ Abagta nɛ Zeta nɛ Kakas.

Ɛsta 2:16

Ewura Sɛgsis ka ji kuwura be kafɛ shunusopo be kufɔl kudusopo nɛ baa tre Tibez na nɛ b bar Ɛsta ewura na pe.

Ɛsta 3:8

Ndoŋ nna nɛ Heman kaŋɛ ewura Sɛgsis le: “Yiri ko ebi salga to m bɔlɔ fo efuli ere kikɛ so. Bumo alɛ be daŋkare kɔr basa kama peya to. B maa bɛ efuli ere be mbra gba so, amoso m baa nyi geeŋ fanɛ nɛ fo yige bumo, k maaŋ chɛ fo to.

Danɛl 11:2

Kusɔ nɛ mee shin nɛ ŋ kaŋɛ fo naniere malɛ la kashenteŋ nna. Bewura asa e kraa beeŋ ba ji kuwura ashi Pɛshiya be efuli so pɔɛŋ nɛ enasopo nɛ e kɔ dama a chɔ bumo kikɛ e ba bɛ so. Mbe kedamaya na beeŋ sa mo eleŋ ga hale nɛ e ta basa kikɛ nɛ Griis be efuli be basa be amu ŋ ŋmɛa abar.

Danɛl 9:1

Jemanɛ ko ka ba fo nɛ ewura Sɛksis pibinyɛn Dairus nɛ e la Mɛdi be esa na ji kuwura ashi Babilɔn be efuli so.

Matiu 27:37

Mbe kasogbergeso be shɛda be kasibɛ nɛ b daŋ sibɛ ŋ gbir m mata mbe kumu ase e daa la: “JUWEBI BE EWURA NƐ BAA TRE YESU NA NDE.”

Ashuŋ Shunso 24:13

Bumo alɛ maŋ kɔ shɛŋ nɛ b ta ŋ ŋini fo fanɛ asheŋ nɛ baa malga ere la kashenteŋ nna.

Ashuŋ Shunso 25:7

Pɔɔl ka ba nɛ Juwebi nɛ b shi Jerusalɛm m ba na yili ŋ kulti mo nseŋ malga kenishipereso be asheŋ lubi damta mo nɛ b kaŋɛ fanɛ e wora, ama bumo alɛ daa maŋ tiŋ ŋ ŋini fanɛ asheŋ nɛ b daa malga na la kashenteŋ.

Kelaraŋŋini 12:10

Ndoŋ nna nɛ n nu ebɔl ko awɔrso ashi ebɔrɛso ka bee kaŋɛ le: “Naniere bre Ebɔrɛ ŋini mbe eleŋ fanɛ mo e la Ewurgboŋ na nɛ mbe kumɔlga na ba. Naniere bre mbe Kristo na ŋini mbe eleŋ, ŋkpal manɛ so, b ta an niopibiana be alubiwupo mo nɛ e bee wu bumo kulubi kapa nɛ kanyɛ ashi Ebɔrɛ be anishito na n lɛ kasawule.